आइतबार मिस्टर नेपाल

चैत्र १३, २०७२- नेपाली पुरुषहरूको सौन्दर्य प्रतियोगिता ‘मिस्टर नेपाल—२०१६’ को भोलि आइतबार सम्पन्न हुने ग्रान्ड फिनालेको सम्पूर्ण तयारी पूरा भएको आयोजक एक्सपोज नेपालले जनाएको छ ।

विजेताले मिष्टर वल्र्डमा नेपालको प्रतिनिधित्व गर्ने भएकोले प्रतियोगिता भव्य बनाउने तयारीमा लागेका जनाउँदै आयोजक संस्थाले मिस्टर नेपालमा स्थानीय स्तरमा हुने सौन्दर्य प्रतियोगिता मध्येकै भव्य स्टेज हुने दाबी गरेको छ । यसपटकको मिस्टर नेपालमा ४५ जिल्लाका ५० प्रतियोगीले उपाधिका लागि प्रतिस्पर्धा गरिरहेका छन् । प्रतियोगीहरूलाई सैद्धान्तिक, प्रयोगात्मक तथा व्यवहारिक ज्ञान प्रदान गरिएको छ ।

मिस्टर नेपालको ग्रान्ड फिनालेलाई तीन जना उद्घोषकहरू कला सुब्बा, सुशील नेपाल तथा रोजिन शाक्यले सञ्चालन गर्नेछन् । दुई चरणमा विभाजन गरिएको प्रतियोगिताको उद्देश्य युवाहरूको प्रतिभालाई प्रोत्साहित गर्नुका साथै समाजमा जिम्मेवार नागरिक बनाउनेछ । प्रतियोगिताका सहभागीहरूलाई स्वीमिङ, फुटबल, रक क्लाइमिङ, समाजसेवा, सर्ट हाइकिङ्ग, क्याटवाक, व्यक्तित्व विकास, पब्लिक स्पिकिङ आदिका विधामा समेत पोख्त बनाइएको छ ।

यो समग्री नेपाल१२३.com मा पुरै पढौं