राजधानी प्रवेश वा बाहिरिदै हुनुहुन्छ भने यो बाटो कदापि नआउनु

काठमाडौं, १३ चैत । सडक मर्मत कार्य गर्नुपर्ने भएकाले सडक विभागले मकवानपुर जिल्लाको फाखेल हुँदै काठमाडौंको फर्पिङसम्मको सडकमा काम थालेको छ ।

सो सडकमा काम सुरू भएकाले सवारी आवागमन प्रभावित हुनेभन्दै महानगरीय ट्राफिक प्रहरी महाशाखा रामशहापथले बैकल्पिक मार्गबाट जान अनुरोध गरेको छ ।

फाखेल-फर्पिङ सडक मर्मतका लागि एक महिना लाग्ने भएकाले सो अबधिभरि आवागमन सहज नहुने जिल्ला प्रहरी कार्यालय मकवानपुरले पनि जनाएको छ ।

यो मार्ग हुँदै हेटौँडा र पूर्वी तराईका जिल्ला जान सहज हुने भन्दै यात्रुले यो सडक धेरै प्रयाग गर्दै आएका छन् । सडक शुक्रबारदेखि नै मर्मत सुरू भइसकेको छ ।

महानगरीय प्रहरीले यो मार्ग प्रयोग गर्नुभन्दा बैकल्पिक मार्गबाट यात्रा गर्दा तत्कालका लागि सहज हुने सुझाव यात्रुलाई दिएको छ ।

यो समग्री नेपाल१२३.com मा पुरै पढौं