कामअनुसार चर्चा नभएका राजा

फाल्गुन २६, २०७२- हामी सबैलाई थाहा छ, हाम्रो कामको मूल्यांकन इतिहासले गर्छ । कतिपय अवस्थामा इतिहासले पनि न्याय गर्दैन । नेपालको इतिहासमा कामअनुसार चर्चा नगरिएका एउटा यस्तै शासक थिए— राजा शिवदेव तृतीय । लिच्छविहरूको अवशानपछि उदाएको ठकुरी वंशका शासक शिवदेव तृतीय नेपालको इतिहासमा राजाका रूपमा वि.सं. ११५६ देखि ११८४ को कालखण्डमा देखा पर्छन् । उनका कतिपय कार्य अहिले पनि स्मरणीय र अतुलनीय मानिएका छन् । तीमध्ये एक थियो— पशुपतिनाथको पुनर्निर्माण ।

पहिले–पहिले नेपालका मन्दिरहरूमा छाना हुँदैनथ्यो । छाना नभएका कतिपय मन्दिर अझै पनि काठमाडौं उपत्यकामा देखिन्छन् । त्यतिबेला पशुपतिनाथको मन्दिरमा पनि छाना थिएन । राजा शिवदेव तृतीयले नै पशुपतिनाथलाई राष्ट्रदेव घोषित गरेर मन्दिरमा छाना निर्माण गर्न लगाएका थिए भन्ने कुरा इतिहासमा पढ्न पाइन्छ । यिनै शिवदेव तृतीयलाई कतिपय इतिहासकारले कीर्तिपुर सहरको निर्माणको श्रेय पनि दिएका छन् ।

राजा शिवदेव तृतीयको सबैभन्दा महत्त्वपूर्ण कार्य तत्कालीन नेपालमा प्रचलित मुद्राहरूलाई स–साना एकाइमा विभाजन गरेर सोहीअनुरूपका सिक्का प्रचलनमा ल्याउनुलाई मानिन्छ । त्यतिबेलासम्म पनि नेपालमा राजा मानदेवको समयदेखि प्रचलित ठूला आकारका र ठूला मूल्यका सिक्का प्रचलित थिए, जुन व्यापारी तथा आमजनताका लागि सहज थिएनन् । सानातिना किनमेलमा पनि प्रचलित सिक्काको मूल्य बराबरको वस्तुभाउ खरिद गर्नुपर्ने बाध्यता हुन्थ्यो । आमजनताको दैनिकीमा देखिएको यस्तो असुविधालाई मध्यनजर गर्दै राजा शिवदेव तृतीयले नेपालमा स–साना एकाइका मुद्रासमेत प्रचलनमा ल्याएका थिए । उनले त्यतिबेला मुद्रालाई १ आना, २ आना, ४ आना (सुकी वा गौसुकी) जस्ता एकाइमा विभाजन गरेर त्यतिबेलाको व्यापार–व्यवसायलाई सहज बनाउन महत्त्वपूर्ण भूमिका निर्वाह गरेका थिए । १ आना, २ आना, ४ आना मूल्यका मुद्राका ती एकाइ नेपालमा ३०–४० वर्षअघिसम्म पनि प्रचलनमा थिए ।

यो समग्री नेपाल१२३.com मा पुरै पढौं

किमले थर्काइन्

फाल्गुन २६, २०७२- रियालिटी टेलिभिजन स्टार किम कार्दशिनले आफ्ना श्रीमान कान्ये वेस्टलाई आदेश दिँदै अब उपरान्त सोसल मिडियामा कुनै पनि पोष्ट राख्नुपूर्व उनलाई देखाउनुपर्ने बताएकी छिन् ।

श्रीमान् कान्येलाई आफ्नो नियन्त्रणमा राख्ने हिसाबले उनको यो भनाइ आएको बताइन्छ । किम चाहन्छिन्— उनका र्‍यापर श्रीमान् कान्येलाई सोसल मिडिया ह्यान्डल गर्न एक्सपर्टको मद्दत आवश्यक छ । अहिले तत्कालका निम्ति कान्येले गर्ने पोस्ट आफूलाई देखाएर मात्र अपलोड गर्न किमले स्मरण गराएकी छिन् । यसबाट विश्लेषकहरूले दुईवटा अर्थ निकालेका छन् ।

पहिलो किम चाहन्छिन्, कान्ये अनलाइनमार्फत कुनै पनि रोमान्स नगरून् । आफ्ना फ्यान्सबाट टाढा रहून् । दोस्रो, किमलाई कान्येका पोस्ट पटक्कै मन पर्दैनन् । त्यसकारण किम उनका पोस्ट आफूले छनौट गरेपछि मात्र अपलोड हुन् भन्ने चाहन्छिन् । जानकारहरूका अनुसार कान्येका लागि सोसल मिडियामा प्रवेश हालका निम्ति नयाँ नै भए पनि यो मामिलामा उनी स्वयं एक्सपर्ट हुन् । सोसल मिडियामा उनका फ्यान फलोइङ गजब मानिन्छ ।

यो समग्री नेपाल१२३.com मा पुरै पढौं

दाँतको संवेदनशीलता

फाल्गुन २६, २०७२- तपाईंले चिसो पानी खाँदा दाँत सिरिङ्ग हुन्छ? अर्थात्, चिसो, तातो, अमिलो खाना वा तरल पदार्थ खाँदा दाँत दुख्छ? यस्तै हुने गरेको छ भने, तपाईंलाई दाँतको संवेदनशीलताको समस्या छ। यो समस्या कायमै रहे दाँतलाई असर पर्ने भएकाले समयमै उपचारमा लाग्नु बुद्घिमानी हुन्छ।

हाम्रो मुलुकका वरिष्ठ दन्तरोग विशेषज्ञ डा. सुशील कोइरालाकहाँ उपचारको लागि पुग्नेमध्ये करिव १५ प्रतिशत संवेदनशील दाँतकै समस्या लिएर भेट्ने गरेका छन्। अझ डा. प्रवीण मिश्रको आकलन अनुसार त, विभिन्न समस्या लिएर दन्तचिकित्सककहाँ पुग्ने गरेकाहरूमध्ये आधा जतिमा संवेदनशील दाँतकै समेत समस्या फेला पर्ने गरेको छ।

दाँतको भित्र भएको संवेदनशील भागको रक्षा गर्न दाँतको माथिल्लो भागमा एउटा तह हुन्छ, जसलाई इनामेल भनिन्छ। दाँतको संवेदनशीलता मुख्य रूपले इनामेल हटेर वा दाँतले गिजा छोडेपछि देखिन्छ। बढ्दो उमेर, इनामेल कमजोर भएर वा प्वाल (क्याभिटी) ले गर्दासमेत यो हुन सक्छ।चिसो वा तातो ठोस या पेय पदार्थ खाँदा दाँतमा हुने दुखाइ नै संवेदनशील दाँतको समस्या हो। यति मात्र नभई, चिसो हावामा सास फेर्दासमेत तपाईं दुखाइ अनुभव गर्न सक्नुहुन्छ। हेर्दा सामान्य देखिए पनि यस्तो समस्या भएकाहरूले निरन्तर दु:ख पाइरहन्छन्।

बढ्दो सहरीकरण, खानपान शैलीमा परिवर्तन, तनाव लगायत कारकहरूले गर्दा हाल हाम्रो मुलुकमा दाँतको संवेदनशीलता आमसमस्या जस्तै हुन पुगेको छ। यसैले संवेदनशीलता हटाउने दाबीसहितका टुथपेस्टका विज्ञापनहरू छयापछयाप्ती देखिने गरेका हुन्। अझ, यस्तो समस्या भएकाहरूले चिकित्सकीय पुर्जाबिना पाइने यस्ता टुथपेस्ट उपयोग गर्नु दन्तचिकित्सकसँग सल्लाह लिनभन्दा बढी सहज र उपयुक्त ठान्ने गरेकोले यो समस्या विस्तारै जटिल बन्दै जाने गरेको डा. कोइराला बताउँछन्।
विशेषज्ञहरूका अनुसार, दाँतको संवेदनशीलता नछोपिएको डेन्टाइनमा हुन्छ। डेन्टाइन कुनै पनि दाँतको आन्तरिक खण्ड हो। यो इनामेल अर्थात् दाँतको सेतो देखिने भागले ढाकिएको हुन्छ। यसमा खानपान लाग्दा पीडासँगै सिरिङ्ग हुन्छ, जुन दाँतको जरासम्म पुग्छ। विभिन्न कारणले इनामेल पातलो हुन्छ। इनामेल निस्किएपछि जरोलाई ढाक्ने तत्त्व सेमेचम पनि निस्किन्छ। यसले गर्दा डेन्टाइन खुला हुन्छ
‘डेन्टाइनल सेकेन्डरी ट्रिब्युल्स हुन्छ, त्यसमा एउटा तरल पदार्थ हुन्छ,’ डा. कोइराला भन्छन्, ‘यदि तपाईंको दाँतको इनामेल कमजोर भएको छ भने तपाईं हल्का चिसो पानी लिँदा त्यसले एउटा संकेत दिन्छ अनि तपाईंको मस्तिष्कसम्म संवेदनशीलता जान्छ।’

छिटो छिटो, दाँतमा धेरै बढी दबाब दिएर गलत ढंगले ब्रस गर्नाले समेत दाँत संवेदनशील हुने समस्या देखिने गरिएको औंल्याउँदै डा. मिश्र भन्छन्, ‘नरम ब्रिस्टल भएको टुथ ब्रसले बिहान र राति सुत्नुअघि दिनमा दुईपटक दाँत सफा गर्नुपर्छ।’

खानपान सम्बन्धी नराम्रो बानी लगायत अन्य थुप्रै कारणले दाँतको सुरक्षा तह इनामेल पातलो हुन्छ र दाँतमा प्लाक जम्न थाल्छ। प्लाक ब्याक्टेरिया र खानपानको कणकै एउटा तह हो। यो सामान्यत: रातिको खानापछि ब्रस नगर्दा जम्मा हुने गरेको हो। यो प्लाक दाँतको इनामेलमा प्रतिकूल प्रभाव पार्छ। यहाँ पलिरहेका जीवाणुहरूले आफ्नो संख्या बढाएर गिजामा संक्रमण उत्पन्न गर्छन्। यसले गर्दा दाँत संवेदनशील हुनुको साथै कमजोरसमेत हुन्छ। यस्तो दाँतमा संवेदनशीलताको समस्या बढी हुने डा. मिश्र बताउँछन्।

दाँतमा जम्मा भएको प्लाकलाई १० देखि १४ घण्टासम्ममा ब्रस गरेर ननिकाल्दा यो क्यालकुलस वा टार्टरमा परिवर्तित हुन्छ। यसपछि यसलाई ब्रसले निकाल्न सकिँदैन। दन्तचिकित्सकको सहयोगले स्केलिङ गरेर मात्र निकाल्न सकिन्छ।

दाँत संवेदनशील हुने कारण 
अम्लपित्त भएकाहरूमा समेत दाँतको संवेदनशीलताो समस्या देखिने गरिएको डा.कोइराला बताउँछन्। एसिडिटीको समस्या भएकाहरूमा समेत दाँतको संवेदनशीलताको समस्या देखिन्छ। एसिडिटी बढी भएपछि पेटमा भएको एसिड अमिलो पानीको रूपमा मुखमा समेत आउने गर्छ। यो एसिडको सम्पर्कमा दाँत आउँदा यसको बाहिरी सुरक्षा तह इनामेल गलेर संवेदनशीलताको समस्या देखिन्छ।
दाँत किट्नेहरूमा संवेदनशीलताको समस्या हुन्छ। ‘प्रत्येक १० जनामा एक जना यो समस्याले ग्रस्त भएको अनुमान छ,’ डा. कोइराला भन्छन्।

निद्रामा दाँत किट्नु एउटा ठूलै समस्याको रूपमा देखिएको छ। यो समस्याले प्रभावितहरूमा थाहै नपाई दाँतको इनामेल नष्ट हुने गरेको छ। यस्ता व्यक्तिहरूले दन्तचिकित्सकको सल्लाहअनुसार नाइट गार्ड लगाउनुपर्छ।

कार्बोनिक एसिड भएका पेय पदार्थको बढी सेवनले समेत दाँत संवेदनशील भइरहेको छ। हामीले उपयोग गर्ने कोल्ड ड्रिंक्सहरूमा भएको अम्लले दाँतको इनामेललाई नष्ट पार्ने उल्लेख गर्दै डा. कोइराला थप्छन्, ‘यसले वयस्क मात्र नभएर स्कुले विद्यार्थीहरूको समेत दाँतको संवेदनशीलतामा असर पारेको छ।’ ग्यास भएको कोल्ड ड्रिंक्सले दाँतको इनामेल नष्ट गर्ने भएकोले समस्या भएकाहरूले यसको उपयोग गर्नु हुँदैन।

चुइँगम, सुपारी, छुर्पी, तमाखु पान आदि चपाउँदा समेत दाँतको इनामेल खुइलिन्छ। कडा वस्तु चपाउने
बानी भएकाहरूमा दाँतको संवेदनशीलताको समस्या देखिने गरिएको उल्लेख गर्दै डा. मिश्र भन्छन्, ‘धेरै बढी पान खाने व्यक्ति जब पान खान छोड्छन्, त्यसपछि उनीहरूलाई चिसो–तातो अनुभव हुन थाल्छ।’
उनको अनुसार राति ब्रस नगरीकन सुत्ने व्यक्तिहरूसँगै पाइरियाको समस्या भएकामा दाँतको संवेदनशीलता बढी देखिने गरिन्छ। यसमा दाँत कमजोर भएर संवेदनशीलता बढ्ने हो।

उपचार 

आजकल बजारमा संवेदनशील दाँतको लागि औषधियुक्त टुथपेस्ट माउथ वास भए पनि आफंैले यस्तो टुथपेस्टको उपयोग गरेर समस्या समाधान गर्नुको साटो एकपटक दन्तचिकित्सकसँग सल्लाह लिनु नै राम्रो हुने डा. कोइराला बताउँछन्। संवेदनशीलता प्रबन्धन गर्न यस्ता टुथपेस्टले दाँतमा तह बनाउँछ। अर्थात् दाँतमा भएको ट्रिब्युल्सको प्वाललाई छोप्छ। यो पेस्ट लगाउना साथ रातारात समस्या समाधान हुँदैन। महिना/दुई महिना लाग्न सक्ने आंैल्याउँदै डा. कोइराला भन्छन्, ‘पेस्टलाई आंैलाले दाँतमा लगाउनुस्, दुईतीन मिनेटपछि त्यसको प्रभाव देखिन्छ।’

डा. कोइरालाका अनुसार, संवेदनशीलता कम गर्ने टुथपेस्ट उपयोग गर्नेहरू कोल्ड ड्रिंक्स खानु हँुदैन। संवेदनशीलताको समस्यासँग जुध्दै यस्तोखाले पेस्ट उपयोग गरिरहेकाहरूले कोल्ड ड्रिंक्स सेवन गर्दा महिनौंको प्रयासपछि मस्तिष्कसम्म संवेदनशीलता पुर्‍याउने ट्रिब्युल्सको छोपिएको प्वाल फेरिउदांगो भएर रोग बल्झिन्छ।

दाँत सिरिङ्ग हुनेहरूले मोसमी, भोगटे, सुन्तलाको रस, कागती ‘साइट्रिक एसिड’ बढी भएको पेय पदार्थ सेवन गर्नु हुँदैन। यसले समस्या झन् बढाउँछ। दाँतमा कीरा लाग्दा प्वाल हुँदासमेत संवेदनशीलता हुने गरेकोले चिकित्सकीय सल्लाहमा फिलिङसमेत गराउनुपर्ने हुन्छ। यति मात्र नभएर, जब डेन्टिनको तहसमेत समाप्त भएको अवस्था छ भने रुट कैनाल उपचार गराउनुपर्छ। यो दाँतमा संक्रमण जरासम्म फैलिए पछि गर्नुपर्ने स्थिति हो।

यो समग्री नेपाल१२३.com मा पुरै पढौं

रजिनाको स्वरमा ‘छैन माया’

गायिका रजिना रिमाल आधुनिक र चलचित्रका गीतमा स्वर भरेर चर्चामा छिन् । रजिनाको स्वरमा धेरै गीतहरु चर्चित भएका पनि छन् ।

उनै, रजिनाको स्वरमा समावेश ‘छैन माया’ बोलको गीतको म्यूजिक भिडियो पनि तयार भएको छ । तेजेन्द्र गुरुङको संगीत रहेको यो गीतमा तारानाथ आचार्यको शब्द छ ।

शीव वीकले यो म्यूजिक भिडियोलाई तयार पारेका हुन् । भिडियोमा विकास लामिछाने र उषा खनालको मोडलिङ छ ।

 

यो समग्री नेपाल१२३.com मा पुरै पढौं

वल्र्ड लार्जेस्ट ह्युमन बुद्ध

फाल्गुन २६, २०७२- केही अघि टुँडिखेलमा विश्वकै सबैभन्दा ठूलो मानव बुद्ध चित्र निर्माण गरिएको छ । चेयर अफ नेपालद्वारा आयोजित उक्त अभियानअन्तर्गत हजारौं मानिसले प्लेकार्ड बोकेर बुद्धको इमेज निर्माण गरेका थिए ।

‘करिब ७ हजार मानिसलाई उपस्थित गराएर प्लेकार्डमार्फत बुद्ध स्वरूप झल्किने गरी बुद्धको इमेज बनाइएको थियो ।’ चेयर अफ नेपालका रूपक जोशीले भने– ‘यसप्रकारको कार्यक्रम आफैंमा सन्देशमूलक भएकाले यसलाई विश्वव्यापी रूपमा लाने हाम्रो चाहना हो ।’ बुद्ध जन्मिएको भूमि नेपालले मानिसहरूको उपस्थितिमा बुद्धको शालिन इमेज बनाउँदा शान्तिको सन्देश जाने जोशीको भनाइ छ ।

कार्यक्रममा लोकप्रिय हास्यकलाकारद्वय मदनकृष्ण श्रेष्ठ तथा हरिवंश आचार्यले बुद्ध नेपालको गर्व भएको बताउँदै शान्ति अभियानलाई सहयोग गर्न आफूहरू सधैं तत्पर रहेको बताए । यसअघि टुँडिखेलमै विशाल मानव सहभागितामा राष्ट्रिय झन्डाको इमेज तयार पारिएको थियो । मानिसहरूले बोकेका प्लेकार्डबाट बनेको बुद्धको इमेजलाई हेलिकप्टरबाट क्याप्चर गरिएको थियो । यसलाई सोसल मिडियाका प्रयोगकर्ताहरूले ब्यापक प्रचार गरेका थिए । जोशीका अनुसार यो कार्यक्रम बिना प्रायोजक सम्पन्न गरिएको थियो ।

यो समग्री नेपाल१२३.com मा पुरै पढौं

स्मार्टफोन बारेका १० मान्यता, जुन गलत हुन् तर सहीजस्तो लाग्छ

स्मार्टफोनको ब्याट्री, क्यामरा, प्रोसेसर तथा एप्स लगायतका बारेमा कैयन् मान्यता तथा भनाइ वा आम बुझाइ रहेका छन् । जसलाई हामी जान अन्जानमा सत्य ठानेका हुन्छौँ । यद्यपि यी भनाइहरु वास्तवमा सत्य हुँदैनन् । हामीले सही ठानेका तर वास्तवमा सत्य नभएका स्मार्टफोन बारेका १० मिथक यस्ता छन्:

· प्रोसेसरको क्षमता दोब्बरले बढाउने बित्तिकै मोबाइलको कार्यक्षमता पनि दोब्बर हुन्छ : 

वास्तवमा तपाइँले फोनको चिपलाई सिंगल कोरबाट डुअल कोर बनाउनुहुन्छ । डुअल कोरबाट क्वाडकोर बनाउनुहुन्छ ।तर फोनका अन्य सफ्टवेयर तथा हार्डवेयरको क्षमता भने उहीँ नै हुन्छ । यी सबै चिपलाई एकै ब्याट्री तथा सिमित मेमोरीबाट काम चलाउनु पर्दछ । त्यसैले केवल प्रोसेसरलाई दोब्बर पार्दा मात्र फोनको पर्फमेन्स दोब्बर हुँदैन ।

· क्यामरा जतिधेरै मेगापिक्सेलको भयो उति नै राम्रो फोटो खिच्दछ :

स्मार्टफोनको सबैभन्दा महत्वपूर्ण फिचर भनेको यसको डिजिटल क्यामरा पनि हो । तर यदि क्यामराको मेगापिक्सेल जति बढि भयो त्यसले खिच्ने फोटोको क्वालिटी उति नै राम्रो हुन्छ भन्ने भ्रममा हुनुहुन्छ मने तपाइँ गलत हुनुहुन्छ । बढि मेगापिक्सेल हुनु भनेको तपाइँले फोटोलाई ठूलो पारेर पि्रन्ट गर्न सक्नुहुन्छ । तर फोटोको इमेज क्वालिटी क्यामराको सटर स्पीड तथा अपर्चर लगायतमा निर्भर गर्छ, मेगापिक्सेलमा होइन ।

· स्क्रिनमा स्क्र्याच हुनुबाट जोगाउन स्क्रिन प्रोटेक्टर लगाउनु आवश्यक हुन्छः

स्मार्टफोनकेा स्त्रिmनलाई स्क्र्याच हुनबाट बचाउनका लागि हामी सबैले फोनमा स्त्रिmन गार्ड लगाउँदछौँ । तर अहिले लगभग सबै स्मार्टफोन कर्निंग गोरिल्ला ग्लास तथा स्त्रिmन प्रोटेक्सन टेक्नोलोजीले युक्त भएका हुन्छन् । त्यसैले यस्ता स्त्रिmनवाला स्मार्टफोनमा स्त्रिmन प्रोटेक्टर हाल्नु नै जरुरी छैन ।

· स्मार्टफोनमा आफै भाइरस तथा मालवेयर आउँदछन्ः 

टेक एक्स्पर्टका अनुसार यदि तपाइँ थड पार्टी वा अनधिकृत श्रोतबाट एप डाउनलोड गर्नुभयो भनेमात्र तपाइाको फोनमा मालवेयर आउँदछ । एन्ड्रोइड डिभाइसको कुरा गर्ने हो भने यदि तपाइँ गुगल प्ले स्टोरबाट एप्स डाउनलोड गर्नुभयो भने तपाइँको फोनमा मालवेयर आउने सम्भावना कम हुन्छ । आइफोनमा पनि यस्तै हुन्छ ।

· एप्स बन्द गरेसँगै फोनको पर्फमेन्स बढ्दछ:

यो सत्य होइन । तत्काल प्रयोगमा नरहेका एप्सहरु पृष्ठभूमिमा चलिरहेका हुँदैनन्, ती र्याममा स्टोर भएका हुन्छन् ता की तपाइँले पुनः प्रयोग गर्न चाहनुभयो भने तुरुन्तै त्यसमा जान सक्नुहोस् । त्यसैले रिसेन्टली युज्ड एपलाई बन्द गर्नु आवश्यक हुँदैन । किनकी यसले तपाइँको फोनको पर्फमेन्समा कुनै नकारात्मक प्रभाव पार्दैन ।

· लोकल चार्जरको प्रयोगको ब्याट्री फुट्दछ: 

स्मार्टफोन ब्याट्रीमा विस्फोट हुनुका विभिन्न कारण हुन्छन् । यसमा लोकल चार्जरको हात हुँदैन । जबतक चार्जर बिग्रिएको वा शट भएको हुँदैन र राम्रोसँग काम गरिरहेको हुन्छ, यसले ब्याट्रीमा असर पार्दैन, चाहे चार्जर जुनसुकै कम्पनीको किन नहोस् । ओर्जिनल चार्जर पनि यदि बिगि्रयो भने त्यसले ब्याट्रीलाई असर पूराउन सक्दछ ।

·  थर्ड पार्टी एप्सले ब्याट्री लाइफ बढाउन मद्धत गर्दछन् :

यो सबैभन्दा चल्तीको गलत बुझाइमध्ये एक हो । ब्याट्री अप्टिमाइजिंग एप्सले फोनको ब्याट्री लाइफ बढाउनमा मद्धत गर्दछन् भन्ने सुनेर हामीले यस्ता धेरै एप डाउनलोड गरेका हुन्छौँ स्मार्टफोनमा । तर यथार्थ भने त्यस्तो हुँदैन । कुनै ब्याट्री एप्सले त ब्याट्री ब्याकअपको मामिलामा कुनैपनि भूमिका खेलेका हुँदैनन् । कतिपय कामयावी एपहरुले समेत केवल ब्याट्री व्यवस्थापनमा मात्रै सहयोग गर्दछन् । यिनीहरुको काम अन्य एपलाई व्यवस्थापन गर्नु हो, ब्याट्री ब्याकअप बढाउनु होइन ।

·  ब्लुटुथ तथा वाइफाइ अन भयो भने ब्याट्रीको चार्ज छिटै सकिन्छ :

यदि प्रयोग गरिरहनुभएको छैन भने वाइफाइ तथा ब्लुटुथ बन्द गरिदिएकै राम्रो । तर सत्य के हो भने ब्लुटुथ र वाइफाइ प्रयोग भैरहेको छ भने मात्र त्यसले ब्याट्रीको चार्ज गर्छ गर्दछ । केवल अन भएको अवस्थामा भने यसले ब्याट्रीको चार्ज खर्च गरेको हुँदैन ।

· चुम्बकको नजिक राख्दा फोनको डाटा सबै नष्ट हुन्छ: 

फोनको डाटा मेमोरी कार्डमा संचय भएको हुन्छ । त्यसैले चुम्बकको नजिक फोन राख्नाले मोबाइमा रहेका डाटा नष्ट हुन्छन् भन्ने भनाई गलत हो । चुम्बक नजिक हुनाले स्मार्टफोनको स्टोरेजमा कुनै असर पार्दैन ।

· चार्जिंग गरिरहेको बेलामा फोनको प्रयोग गर्नु हुँदैन: 

यो पनि एक गलत धारणा हो । चार्जिंग भइरहेको बेलामा फोन प्रयोग गर्नाले यो बढि तातो हुन्छ भन्ने मान्यता छ । तर चार्ज भैरहेको बेलामा चलाउनाले फोन तात्ने होइन । फोन तात्नुमा यसको हार्डवेयर तथा सफ्टवेयरको समस्या मुख्य कारक हुन्छ । चार्जिंगका बेला फोनको प्रयोग गर्नुमा समस्या हुँदैन ।

यो समग्री नेपाल१२३.com मा पुरै पढौं

के सफलताका लागि धूर्त हुनु जरुरी छ ?

भनिन्छ अहिलेको जमाना निष्ठुरी छ । मानिसहरु संवेदनहीन, निर्दयी तथा हृदय नै नभएका जस्ता लाग्छन् । यी सबै देख्दा कहिलेकाहीँ लाग्छ जिन्दगीमा कतै सफलता प्राप्त गर्नका लागि निर्दयी तथा अहंकारी नै बन्नुपर्ने हो ? आउनुहोस् यो प्रश्नको जवाफ खोज्ने कोसिस गरौँ ।

पहिले त तपाइँलाई यो कुरा भनौँ की निर्दयी मानिसहरु कस्तो प्रकारका हुन्छन् । मनोवैज्ञानिकहरुले धेरै शोध अनुसन्धानबाट के पाएका छन् भने यस्तो मानिसहरु तिन प्रकारका हुन्छन् ।

पहिलो, अहंकारी । जसलाई अंग्रेजीमा नार्सिसिस्ट भनिन्छ । यस्ता मानिसहरु आफैमा हराउँछन् । आफैलाई नै सबैभन्दा राम्रो ठान्छन् र अरुलाई गन्दैनन् ।

दोश्रो, मनोरोगी । यस्ता मानिसहरु अरु मानिसको भावनालाई रत्तिभर ख्याल गर्दैनन् । प्रायः सोँचविचार विना नै आवेगमा फैसला लिन्छन् । मानिसहरुसँग कडिकडाउ तथा भद्दा रुपमा  प्रस्तुत हुन्छन् ।

तेश्रो , धूर्त । मनोवैज्ञानिकहरुले यस्ता मानिसलाई अंग्रेजीमा मेकियावेलियन भन्दछन् ।

यो शव्द इटालीका विश्वप्रसिद्ध राजनीतिशास्त्री मेकियावेलीको नामबाट राखिएको हो । मेकियावेली राजनीतिमा धूत्र्याइँ तथा ढाँटछलबाट काम लिनुपर्छ भन्ने विचारका समर्थक थिए ।

मेकियाबेलियन अर्थात् धूर्त मानिसहरु आफ्नो फाइदाको लागि जे पनि गर्न पछि पर्दैनन् । अरुको भावनासँग खेल्दछन् र छलछामको सहारा लिन्छन् । समग्रमा भन्नुपर्दा उनीहरु आफ्नो फाइदा तथा सफलताको लागि जुनसुकै हदसम्म जान सक्छन् । वैज्ञानिकहरुले उपरोक्त तिनवटै गुणहरुलाई डार्क ट्राएड नाम दिएका छन् ।

कहिलेकाहीँ यस्तो हुन्छ की यी तिनैवटा चरित्रहरु एउटै मानिसमा पनि देखा पर्न सक्छन् । यस्तो मानिस जो अहंकारी हुन्छ, खोक्रो हुन्छ, निष्ठूर हुन्छ तथा नक्कली हुन्छ ।

त्यस्तो मानिस सदैव षडयन्त्र रचना गर्नमा व्यस्त हुन्छ । उसलाई अरु मानिसको कुनै मतलब नै हुँदैन । यी सबै दुर्गुण भएपछि त उसलाई मनोरोगी नै भन्दा पनि फरक पर्दैन । तर सवाल यो हो की यी मध्ये कुन किसिमको निर्दयी हुनु तपाइँका लागि सबैभन्दा फाइदाजनक हुन्छ ?

मनोवेत्ताहरुका अनुसार विश्वका ठूला कम्पनीका सिइओहरुमा मनोरोगीको लक्षण पाइन्छ । अंग्रेजीमा यसलाई स्नेक्स इन सुट्स अर्थात् सुटेड बुटेड सर्प भनिन्छ । यस्ता मानिसहरु पनि निष्ठूर हुन्छन् र व्यवहारमा अनौठो प्रकारको अस्थिरता पनि हुन्छ ।

तर कहिलेकाहीँ कार्यालयमा यस्ता प्रकारका मानिसहरु हुनु आवश्यक पनि हुन्छ, जसले गम्भीर फैसलाहरु लागू गर्न सकून् ।
यद्यपि पूराना अनुभवहरुबाट यो प्रष्ट हुन सकेको थिएन की निष्ठूरीपनका अन्य गुणहरु भएका मानिसहरु खास जिवनमा कत्तिकोे सफल बन्न सक्दछन् ।

स्विजरल्याण्डको बर्न विश्वविद्यालयका डेनियल स्पर्कले यो प्रश्नको जवाफ खोज्ने कोसिस गरेका छन् ।
उनले जर्मनीका करीब ८ सय मानिसहरुको अनलाइन सर्भेक्षण गरे जसमा हरेक क्षेत्रमा काम गर्ने मानिसहरु सहभागी थिए । उक्त सर्भेको नतिजा छक्क पार्ने खालको रह्यो ।

सबैभन्दा रोचक त के पाइयो भने आमरुपमा सुटेड बुटेड सर्प भनिने अर्थात् मनोरोगीको सूचिमा राखिएका मानिसहरु आफ्नो करिअरमा खासै सफल देखिएनन् जति उनीहरुलाई पहिले सफल मानिएको थियो ।

उनीहरुको कमाइ कम पाइयो र सफलताको सिँढी चढ्ने कुरामा पनि उनीहरु पछाडि परेका थिए । आफ्नो कामबाट पनि उनीहरुपूर्णरुपमा सन्तुष्ट थिएनन् । डेनियल स्पर्कका अनुसार मनोरोगीको आफ्नो व्यवहारमाथि कुनै नियन्त्रण हुँदैन । उनीहरुको जोखिम मोल्ने क्षमता भने कहिलेकाहीँ काम आउँछ ।

तथापि सोँचविचार नगरीकन काम गर्ने उनीहरुको बानी अन्ततः हानिकारक सावित हुन्छ । उनीहरु खासगरी आफ्नो मूडको उतारचढावका सिकार हुन्छन् कामकाजमा उनीहरुको मन जाँदैन । मनोरोगीहरुको सर्भे गर्ने स्पर्कको मान्यता यो छ की यदि कोही मनोरोगी बुद्धिमान छ भने उसले आफ्ना यस्ता कमिकमजोरीलाई काबुमा लिनसक्छ र जिन्दगीमा सफल बन्न सक्छ ।

स्पर्कका अनुसार निर्दयी मानिसहरुमध्ये मेकियाबेलियन्स अर्थात् धुर्त मानिसहरु सबैभन्दा सफल बन्दछन् र निकै तिब्र रुपमा सफलताको सिँढी चढ्न सक्छन् । यदि तपाइँ अर्काको कामको क्रेडिट समेत आफुले नै लिन सक्नुहुन्छ र अरुमाथि नियन्त्रण राख्न सक्नुहुनछ भने जगजाहेर छ की तपाइँ सबैभन्दा अगाडि हुनुहुन्छ ।

तर यदि सफलतालाई पैसामा मापन गर्ने हो भने अहंकारी अर्थात् नार्सिसिस्ट चरित्रका मानिसहरु सबैभन्दा अगाडि देखिएका छन् । यस्ता अहंकारी तथा आफैमा हराउने तथा आत्ममुग्ध मानिसहरु अरुमाथि आफ्नो राम्रो प्भाव जमाउन सफल हुन्छन् । यस्ता मानिसहरु निकै राम्रो ढगबाट मोलतोल गर्न सक्षम हुन्छन् र कमाइको मामिलामा पनि अगाडि हुन्छन् ।

तर यदि तपाइँ यस्ता मानिसहरुको सफलताबाट हौसिएर वा लोभिएर आफ्नो अन्तरमनमा निर्दयीपनाको भाव पर्दा गर्न चाहनुहुन्छ भने पर्खनुस्, विचार गर्नुहोस् एकछिन ।

किनकी डेनियल स्पर्कको सर्भेक्षणका क्रममा अन्य तथ्य पनि प्रकाशमा आएका छन् ।
करिअरमा सफलता हासिल गर्ने, पैसा कमाउनमा अगाडि रहने यी मनोरोगी तथा आत्ममुग्ध मानिसहरु जिन्दगीका अन्य पहेलीहरुमा भने निकै पछाडि हुन्छन् ।

भलै यिनीहरुको सुरुवात शानदार हुन्छ, असरदार तथा चमकदार देखिन्छन् तर विस्तारै मानिसहरुले यिनीहरुको चरित्र थाहा पाउँछन् र अन्ततः यिनीहरु सबैसामु नांगिन्छन् ।

अहंकारी मानिसहरु जो आफैमा हराउँछन् त्यस्ता मानिसहरुसँग अरु मानिस नजिक हुन चाहँदैनन् त्यसैले उनीहरु एकलकाटे बन्दछन् ।
यस्तै प्रकारले मेकियाबेलियन्स अर्थात् धूर्त मानिसहरुको चलाखीपनको पत्तो जब अरुले पाउँदछन् उनीहरुको छलछाम तथा नक्कली व्यवहार उजागर हुन्छ ।

मित्रवत तथा मायालु चरित्र भएको मानिस भलै करिअरमा तिब्र रुपमा अगाडि जान तथा सफलताको सिँढी तिव्ररुपमा चढ्न नसक्ला । तर यस्तो चरित्रका मानिसहरु जिवनमा सबैभन्दा बढि खुसी हुन्छन् र उनीहरुको स्वास्थ्य पनि निर्दयी तथा धूर्त मानिसहरुको भन्दा राम्रो हुन्छ ।

महत्वाकांक्षाबाट तपाइँ सफलताको केही सिँढी त चढ्न सक्नुहोला तर वास्तविक सफलताका लागि तपाइँको आन्तरिक बुद्धिमानी तथा कौशल हुनु आवश्यक छ । त्यसैले निर्दयी होइन मायालु बन्नुस् ।

एजेन्सीको सहयोगमा

यो समग्री नेपाल१२३.com मा पुरै पढौं

Man held for murder

KATHMANDU: Police on Tuesday arrested a man on charge of murdering his wife by hitting her with a hammer in their rented room in Mhepi over a domestic dispute.

Krishna KC (41) of Chhapre-3, Nuwakot, had hit his wife Sapana Thapa (35) with a hammer, police said.

THT

यो समग्री नेपाल१२३.com मा पुरै पढौं

British national found dead in Nepalgunj hotel

A British national has been found dead at a Hotel in Nepalgunj on March 8, Tuesday.

The British national identified as Nikolas Wakn was found dead at room number 102 of hotel Kasturi in Sahid Setu Bika chowk.

Nikolas had boarded the room on monday evening. Police found blood stains on the deceased’s body. Police are further investigating into the incident.

यो समग्री नेपाल१२३.com मा पुरै पढौं

​नेपालगञ्जको होटलमा बेलायती नागरिक मृत भेटिए

नेपालगञ्ज : नेपालगञ्जमा एक जना बेलायती नागरिक मृत अवस्थामा फेला परेका छन्।

नेपालगन्ज उप–महानगरपालिका २ न्युरोडस्थित होटल कस्तुरीको कोठा नम्बर १०२ मा लण्डनका जोन निकोलस वाटसन मंगलबार मृत अवस्थामा फेला परेका हुन्। 
विहान साढे ११ वजे बजेसम्म नउठेपछि होटेल सञ्चालकले शंका लागेर प्रहरीलाई खबर खरेका थिए। ५००६१८१२० नम्बरको पासपोर्ट बोकेका ५९ वर्षका वाटसनले दुवै हात, लिंग काटेको देखिएकाले आत्महत्या हुन सक्ने प्रारम्भिक अनुसन्धानमा देखिएको जिल्ला प्रहरी कार्यालय बा“केका प्रवक्ता प्रहरी नायब उपरिक्षक भीमकिरण बोगटीले जानकारी बताए।

ढोका फोडेर भित्र पसेको प्रहरीले कोठाभरी रगतै रगत, व्लेड र चक्कु फेला पारेको थियो। घटनास्थलको मध्यपश्चिम प्रहरी प्रमुख डिआइजी माधव नेपालले समेत निरीक्षक गरेका थिए।

यो समग्री नेपाल१२३.com मा पुरै पढौं

सबैथोक कांग्रेसले मात्र गर्‍यो भन्दा मन चसक्क हुन्छ : प्रचण्ड

• पुष्पकमल दाहाल ‘प्रचण्ड’

नेपाली कांग्रेस देशको सबैभन्दा ठूलो राजनीतिक पार्टी हो। यो नेपाली राजनीतिक इतिहासको सबभन्दा लामो इतिहास भएको पुरानो पार्टी हो।

अहिलेको यो राजनीतिक प्रक्रियामा पनि नेतृत्वदायी भूमिका खेलेको पार्टी हुनुको नाताले मैले नेपाली कांग्रेसका नेताहरुलाई तपाईहरुले विषय कसरी प्रस्तुत गर्नुहुन्छ, मलाई यो असाध्यै चासो छ र तपाईं कार्यकर्ताहरुले त्यसलाई कसरी ‘रेस्पोन्स’ गर्नुहुन्छ भन्नेमा पनि मेरो विशेष चासो छ।

किनकी म आज मञ्चमा बसेर तपाईहरु तिर हेर्दै गर्दा नेताहरु र विदेशी पाहुनाहरुका कुरा सुन्दै जाँदा त्यता तिर फर्किएको छु, जतिखेर शेरबहादुर देउवाजी निरंकुशताको हिरासतमा हुनुहुन्थ्यो। थुप्रै साथीहरु भूमिगत हुनुहुन्थ्यो।

त्यतिबेला तात्कालित सभापति गिरिजाप्रसाद कोइराला जसले संसदमा भएका सात वटा पार्टीको पनि नेतृत्व गर्नुृहुन्थ्यो। उहाँ र मेरो बीचमा भएका छलफलका दिनहरु स्मरणमा ताजा भएर आएको छ। त्यतिबेला गिरिजाप्रसाद कोइरालासँग महामन्त्री कृष्णप्रसाद सिटौला पनि हुनुहुन्थ्यो र हाम्रो ऐतिहासिक समझदारीको वातावरण बन्दै थियो, म त्यता फर्किएको छु।

गिरिजाप्रसाद कोइराला र मेरो बीचमा भएका छलफलहरु र ति छलफल पछिका निश्कर्षहरु जुन निश्कर्ष १२ बुँदे समझदारी हुँदै अनि विस्तृत शान्ति सम्झौता हुँदै, गणतन्त्रको घोषणा हुँदै संविधान सभासम्म पुग्यौं। ति दिनहरु प्रत्यक्ष र ताजारुपमा अहिले स्मरण गरेको छु।

अहिले यो वर्ष हाम्रो निम्ति एउटा असाधारण वर्ष भएको हुनाले एकातिर विनासकारी भूकम्पको सामना गर्नुप¥यो। त्यसबाट हामीलाई निकै ठूलो क्षति भयो। यसै वर्ष हामीले संविधानसभाबाट संविधान बनाउने जस्तो ऐतिहासिक कार्य पनि राजनीतिक समझदारी कै आधारमा बनायौं।

त्यसपछि हामीले नाकाबन्दीबाट पनि ठूलो आर्थिक क्षतिको सामना गर्नुपर्‍यो र पनि हामीले राष्ट्रिय एकताको एउटा मजबुत आधार बनाउँदै लग्यौं। संविधान बनाउने बेलामा सुशील कोइरालाजीसँग भएका छलफलहरु राष्ट्रिय एकताको निम्ति हामीले गरेका प्रतिवद्धताहरु र यो कार्यान्वयनको सन्दर्भमा पनि अब नेपाली काँग्रेसले कस्तो बाटो लिन्छ? तपाईहरुले कस्तो बाटो लिनुहुन्छ भन्ने तिर मेरो ध्यान बढी केन्द्रित भएको हुनाले उद्घाटन समारोहको अन्तसम्म बसेर सबै नेताहरुको र तपाई कार्यकर्ताहरुको पनि प्रतिक्रियालाई पनि मैले हेर्नुपर्छ भन्ने ठानेँ।

जब नेपाली कांग्रेसका कुनै नेता मेरो अगाडि नेपाली काँग्रेसले मात्रै सबै ग¥यो अरुको केही भूमिका छैन भन्नुभयो भने मेरो मन चसक्क घोच्छ। निरंकुशतासँग लड्ने बेलामा तपाईहरु जसरी लड्नुभएको थियो विभिन्न ढंगले त्यससँग लड्ने बेलामा गिरिजाप्रसाद लगायत नेपाली कांग्रेसलाई दिलोज्यानले साथ दिने समुह वा शक्तिलाई तपाईहरुले बिर्सिनुभयो भने नेपाल बनाउन सकिँदैन। यो कुरा पनि म तपाईहरुको अगाडि भन्न चाहन्छु।

राजनीतिक कार्यनीतिको दृष्टिकोणले तात्कालिन राजासँग विपी कोइरालाले कार्यगत वा कुनै खालको एकता गरेर राणाका विरुद्ध लड्न जरुरी थियो। विपीले त्यो आँट नगरेको भए संभवत नेपालको इतिहास अर्कै ढंगले कोरिन सक्थ्यो। अनि ३० वर्ष पञ्चायत विरुद्धको लडाई र ०४६ सालमा गणेशमान सिंहको नेतृत्वमा सबै वामपन्थी र प्रजातान्त्रिक शक्तिहरुको सहकार्य र एकताद्वारा पञ्चायतको अन्त्य भएको अर्को इतिहास छ।

यदि परम्परागतरुपमा नै हाम्रा सोचहरु रही रहेको भए, हामी सबै जड जस्तो ‘आफ्नो गोरुको बाह्रै टक्का’ गरेको भए सायद पञ्चायतलाई ०४६ सालमै ढाल्न गाह्रो हुन्थ्यो। म त्यो दिन सम्झन्छु, विशाल यही खुल्ला मञ्चमा जनसभा थियो। गणेशमान सिं वीर अस्पतालको माथि हुनुहुन्थ्यो। हामी सबै साथमा थियौं। एउटा ऐतिहासिक राजनीतिक प्रयोग त्यो थियो, जसले पञ्चायतको अन्त्य गर्‍यो।

हामीले नेपालमा जे राजनीतिक प्रयोग गर्दैछौं। त्यसमा हाम्रा छिमेकीहरुको सहयोग र सद्भाव जरुरी छ। बेलाबेलामा हामीलाई वा नेपाली जनतालाई जे महसुस हुने गरेको छ। कहिलेकाहीँ हाम्रा भावनाहरुमा ठेस लाग्ने गरेको छ। भारतीय नेतृत्वले नेपाली जनताको भावनालाई गहिरो गरी सम्मान गर्नेछ भन्ने विश्वास म व्यक्त गर्न चाहन्छु।

भाजपाका भगतसिं कोसियारीजी मार्फत फेरि यस्तो इतिहास  नदोहोरियोस्। हामीले नाकाबन्दी व्यहोर्नुपर्ने के गल्ती गर्‍यौं? यो इतिहास फेरि नदोहोरियोस्। म उहाँ मार्फत भारतीय सबै नेताहरुलाई यो अनुरोध गर्न चाहन्छु। हामी मित्रता चाहन्छौं। हाम्रो इतिहास, हाम्रो भूगोल, हाम्रो अर्थनीति, हाम्रो संस्कृति, हाम्रा सबै मौलिक प्रकृतिका छन्। हामीलाई छुट्याउन सकिँदैन। तर कहिलेकाहीँ व्यवहारमा जे जस्ता पीडाहरु हामीले भोग्नुपरेको छ। त्यो इतिहास नदोहोरियोस्। म यही अनुरोध गर्न चाहन्छु।

यो राजनीतिक प्रयोग जो गरिएको छ, खासगरी गिरिजाप्रसाद कोइराला जस्तो ‘टावरिङ पर्सनालिटी’ नभएको भए, र मैले विद्रोह गर्दागर्दै पनि नेपाल राष्ट्र र नेपाली जनताको हितको निम्ति ठूल्ठूलो जोखिम उठाउन तयार नभएको भए  अहिले हामी जहाँ छौं संविधान सभाबाट संविधान जारी गर्ने हामीलाई जो सुशीलजी प्रधानमन्त्री भएको बेलामा उहाँको नेतृत्वमा संविधान घोषणा गर्ने ऐतिहासिक गौरव प्राप्त भएको छ, त्यो प्राप्त हुने थिएन।

अहिले पनि देश सहज भइसकेको छैन। राष्ट्रिय एकता झन् बढी आवश्यक भइसकेको छ। संविधान कार्यान्वयनको चुनौती हाम्रो अगाडि छ। पुनर्निर्माणको चुनौती हाम्रो अगाडि छ। यो सबै कामको निम्ति राष्ट्रिय एकताको आवश्यकता छ। हामी विभिन्न विचारधार र दर्शन भए पनि राष्ट्रको एकताको निम्ति जनताको हक अधिकारको निम्ति जनताको समृद्धि र चाहानाको निम्ति हामी एकै ठाउँमा छौं।

गिरिजाबाबुसँग हुँदा मेरो भनाई हुन्थ्यो, उहाँले नै पनि मलाई भन्नुहुन्थ्यो। १५÷२० वर्ष हामी सँगै जानुपर्दछ। सुशील जीले पनि मलाई त्यही भन्नुहुन्थ्यो। म के आशा गर्छु भने अब आउने नेतृत्व तपाईहरु जुन प्रक्रियाबाट आए पनि यो संविधान कार्यान्वयन गरी छाड्ने राष्ट्रलाई एकतावद्ध गरी छाड्ने र नेपाली जनताको विकासको चाहनालाई सम्बोधन गरी छाड्ने प्रतिवद्धता र आँट सहित आउनेछ भन्ने विश्वास र शुभकामना पनि व्यक्त गर्न चाहन्छु।

तपाईहरुको यो तेह्रौ महाधिवेशन विशिष्ट क्षणमा हुँदैछ। शुसीलजी जसले संविधान बनाउने प्रक्रियामा नेतृत्वदायी भूमिका खेल्नुभयो उहाँ हामीसँग हुनुहुन्न। गिरिजा बाबु जसले यति ठूलो जोखिम उठाएर हामीसँग एकता गरेर राष्ट्रलाई शान्ति र संविधानको नयाँ प्रक्रिया तिर लैजाने कुरा गर्नुभयो उहाँ पनि हामीसँग हुनुहुन्न। अब जो नेताहरु हामीसँग हुनुहुन्छ, म के चाहान्छु भने यो इतिहास र परम्परालाई त्यो ऐतिहासिक विरासतलाई हामी कसैले नबिर्सिउँ। हामी एउटा सहकार्य, सहमति र एउटा नयाँ ऐतिहासिक प्रयोगबाट शान्ति र संविधानको एउटा नयाँ परिणति ल्याएका छौं। जसलाई विश्वभरी हामीले स्थापित गर्नुछ। विश्वमा हामीले यो सन्देश दिनुछ।

नेपाल इतिहासमा पनि वर्तमानमा पनि यो भूमि विचारको दृष्टिकोणले र संस्कृतिको दृष्टिकोणले विविधतामा एकताको दृष्टिकोणले ऐतिहासिक छ। एउटा नयाँ विचार एउटा नयाँ प्रयोगबाट जसरी हामी आयौं गिरिजाप्रसाद र मैले हस्ताक्षर गरेर जुन राजनीतिक प्रक्रियाको सुरुवात गरिएको छ त्यसलाई त्यसको तार्किक निश्किर्षमा पु¥याइयोस् यही म अब आउने नेतृत्वले नेपाली काँग्रेसलाई एकतावद्ध गर्नेछ। राष्ट्रलाई एकतावद्ध गर्नेछ र यो ऐतिहासिक राजनीतिक विरासललाई निरन्तर अगाडि बढाउने छ भन्ने विश्वास गर्दै तपाईहरुको यो उल्लासमय र यो भब्य उद्घाटन समारोह र यो तेह्रौं महाधिवेशनको पूर्ण सफलताको कामना गर्दै बिदा हुन्छु।

नेपाली कांग्रेसको १३ औं महाधिवेशनको उद्घाटन सत्रमा प्रचण्डले दिएको मन्तव्यको सम्पादित अंश

यो समग्री नेपाल१२३.com मा पुरै पढौं

अस्ट्रेलियन आर्मीसँग क्रिकेट खेल्दै टिम नेपाल

फाल्गुन २६, २०७२- पहिलोपटक नेपाली क्रिकेटरहरुले अष्ट्रेलियन आर्मीको क्रिकेट टिमसँग प्रतियोगिता खेल्न पाउने भएका छन् । साउथ अष्ट्रेलियामा रहेका नेपाली क्रिकेटरहरुको टिम ‘टिम नेपाल’ र अष्ट्रेलियन आर्मीको टिमबिच यही सोमबार खेल हुने भएको छ ।

साउथ अष्ट्रेलियन क्रिकेट एसोसिएसनले आयोजना गरेको र ‘फ्रेण्डसिप कप’ नाम दिइएको यो खेल २० ओभरको हुनेछ । एडिलेड कपको अवसर पारेर आयोजना गरिएको यस प्रतियोगितामा टिम नेपालका तर्फबाट नेपालमा पनि क्रिकेट खेलिसकेका पारस जोशीको कप्तानीमा नेपाली टोली मैदानमा उत्रन्दैछ । निश्चल श्रेष्ठ उपकप्तान रहेको टोलीमा साउथ अष्ट्रेलियामा रहेर क्रिकेट खेलिरहेका नेपाली युवाहरु सहभागी छन् । अष्ट्रेलियामा रहेर खेल खेलिरहेका नेपाली युवाहरुको लागि आफ्नो सीप र दक्षता देखाउने यो ठुलो अवसर भएको खेलाडीहरुले बताएका छन् ।

‘यो हाम्रो लागि अत्यन्तै सुनौलो अवसर हो । एडिलेड नेप्लिज क्रिकेट एसोसिएसनका अध्यक्ष सन्तोष अधिकारीले कान्तिपुरसँग भने– यसले यहाँको क्षेत्रीय र राष्ट्रिय क्रिकेट टिममा समेत सहभागीताको अवसर सृजना गर्नसक्ने हामीले विश्वास लिएका छौं ।’ नेपालीहरुले पहिलोपटक यस्तो अवसर पाएको जानकारी दिदै उनले यसले आफ्नो देशको कला संस्कृतीको प्रचार प्रसार गर्ने मात्र नभएर समग्र नेपालको पर्यटन बिकासमा समेत सहयोग पुर्‍याउन सक्ने बताए ।

यस अवसरलाई सदुपयोग गर्दै सहभागी खेलाडीहरुले कमसेकम नेपाली टोपी लगाएर खेल मैदानमा प्रवेश गर्नेछन भने अन्य सहभागीहरुलाई नेपाली परम्परागत पोशाकमा नेपाली झण्डा सहित सहभागी हुन आग्रह गरिएको छ । यसैगरि नेपाली खानाको स्टल समेत राखिने खेलाडी समेत रहेका अधिकारीले जानकारी दिए । त्यसका साथै कार्यक्रममा नेपाली नृत्य पनि प्रस्तुत गरिनेछ । ‘हामीले यो प्रतियोगितालाई खेलको माध्यमबाट आफ्नो देशको नामलाई अझ चिनाउन मद्दत पुग्ने अवसरको रुपमा लिएका छौं ।’

यसैगरि उक्त दिन अष्ट्रेलियन पुलिसले अन्तराष्ट्रिय बिद्यार्थीहरुसँग प्रतियोगिता खेल्दैछ भने टिम इण्डिया र टिम पाकिस्तान बिच समेत समेत खेल हुँदैछ ।

यो समग्री नेपाल१२३.com मा पुरै पढौं

घुस लिदालिदै प्रहरी इन्सपेक्टर थापा पक्राउ

सप्तरी, २६ फागुन । इलाका प्रहरी कार्यालय कडरबोनाका प्रहरी निरीक्षक प्रेमबहादुर थापा र प्रहरी जवान अशोककुमार यादवलाई रु ४० हजार घुससहित अख्तियार दुरुपयोग अनुसन्धान आयोग,पूर्वाञ्चल क्षेत्रीय कर्यालय इटहरीले आज पक्राउ गरेको छ ।

गोप्य सूचनाका आधारमा क्षेत्रीय कार्यालयका प्रहरी नायब उपरीक्षक रमेशकुमार बस्नेतको नेतृत्वमा गएको टोलीले सप्तरीका मोहम्द सवीर अलीसँग मोटरसाइकल दुर्घटनामा परेका मुद्दा मिलाइदिने भन्दै रु ४० हजार घुस लिँदालिँदै रङ्गेहात पक्राउ गरिएको पूर्वाञ्चल क्षेत्रीय कार्यालय इटहरीका प्रमुख डुल्लराज बस्नेतले जानकारी दिनुभयो ।

बस्तेतका अनुसार अलीसँग मोटरसाइकल दुर्घटनाको मुद्दा मिलाउनका लागि थापा र यादवले पहिलोचोटी रु ४० हजार लिने र मुद्दा मिलिसकेपछि फेरि रु एक लाख दिने सहमतिसमेत भएको थियो ।

पक्राउ परेका दुवै जनालाई आवश्यक अनुसन्धानका लागि पूर्वाञ्चल क्षेत्रीय कार्याालय इटहरीमा राखिएको छ । रासस

यो समग्री नेपाल१२३.com मा पुरै पढौं

काठमाडौंमा बालिकालाई आफ्नो कोठा लगेर यौनप्यास मेटाएपछि…

काठमाडौं, २६ फागुन । राजधानीमा एक युवकले बालिकालाई आफ्नो कोठा लगेर जबरजस्ती यौन प्यास मेटाएका छन् ।

कागेश्वरी मनहरा नगरपालिका–१३ बीरेन्द्रचोकमा डेरा गरी बस्ने रौतहट माढोपुर–२ का २८ वर्षीय अवधनारायण यादवले ८ वर्षकी बालिकालाई फकाएर कोठामा लगि यौनशोषण गरेको केन्द्रीय प्रहरी समाचार कक्षले जनाएको छ ।

पीडित बालिका सोही ठाउँ घर भएकी बालिका हुन् । आफ्नै डेराकोठामा लगेर बालिकासँग जबरजस्ती यौनप्यास मेटाउने यादवलाई प्रहरीले बुधबार पक्राउ गरी सार्वजनिक गरेको छ ।

यस सम्बन्धमा प्रहरीले थप आवश्यक अनुसन्धान गरिरहेको छ ।

यो समग्री नेपाल१२३.com मा पुरै पढौं

पद नै धरापमा परेपछि खानेपानीमन्त्री सिंहले देखाए आफ्नो सम्पत्ति

काठमाडौँ, २६ फागुन । पार्टी खारेजीमा परेपछि सांसद र मन्त्री पद धराप परेका बेला खानेपानी तथा सरसफाइमन्त्री प्रेमबहादुर सिंहले आफ्नो सम्पत्ति विवरण सार्वजनिक गरेका छन् ।

सिंहले मन्त्रिपरिषद्को कार्यालयमा पेस गर्नुभएको सम्पत्ति विवरणमा प्राचीन मूर्ति पाँच थान, प्राचीन खुँडा तरबार सात थान, प्राचीन गुप्त लठ्ठी तीन थान, प्राचीन थाली, कचौरा र कसौँडी १० थान रहेको उल्लेख छ ।

त्यसैगरी २५ तोला पैतृक र २० तोला स्वआर्जन गरेको सुन, ५०० तोला पैतृक चाँदी, मुगा २० तोला, सिपी पाँच थान र नगद रु ७५ हजार रहेको विवरणमा उल्लेख छ ।

विभिन्न बैंकमा रु ८७ हजार रकम मौज्जाद रहेको तथा सेन्ट्रल फाइनान्स लिमिटेड ललितपुरबाट रु ३० लाख ऋण लिएको सम्पत्ति विवरणमा जनाइएको छ ।

मन्त्री सिंहको नाममा काठमाडौँको थानकोटमा सात आना जग्गामा साँढे तीनतले घर, कालीकोटको ओदानकुमा दुई वटा तीनतले घर, कालीकोटकै मान्मखाडाचकमा एकतले घर रहेको छ । त्यस्तै कालीकोटका विभिन्न स्थानमा उहाँको घडेरी र जग्गा रहेको छ । रासस

यो समग्री नेपाल१२३.com मा पुरै पढौं

अझै दुई वर्ष कसैले सरकार ढाल्न सक्दैन: प्रधानमन्त्री

फाल्गुन २६, २०७२- प्रधानमन्त्री केपी ओलीले कांग्रेस र मधेस केन्द्रित दललाई आफू नेतृत्वको राष्ट्रिय सरकारमा आउन आह्वान गरेका छन् ।

२४ औं झापा जिल्ला परिषद्बाट स्वीकृत बजेट नीति तथा कार्यक्रम सार्वजनिकीकरण समारोहलाई बुधबार सम्बोधन गर्दै उनले राष्ट्रिय सरकारको पक्षमा जोड दिएका हुन् ।

‘वर्तमान सरकारलाई अबका दुई वर्ष कसैले चाहेर पनि परिवर्तन गर्न सक्दैन,’ प्रधानमन्त्री ओलीले भने, ‘यो सरकार राजनीतिक दाउपेचका लागि नभई मुलुकको आर्थिक समृद्धिमा केन्द्रित भएकाले कांग्रेसलगायत मधेस केन्द्रित दलसमेतलाई सरकारमा आउन आह्वान गर्छु ।’ कहीँकतै असन्तुष्टि भए संवादका माध्यमबाट निकास खोज्न सकिने भन्दै प्रधानमन्त्री ओलीले सबैका न्यायोचित माग सम्बोधन हुनेमा दुबिधा नराख्न पनि आग्रह गरे ।
लोकतान्त्रिक विधिबाट बनेको लोकतान्त्रिक संविधान कसैले खोस्न पनि नसक्ने र अनुचित दबाबबाट परिवर्तन पनि हुन नसक्ने प्रधानमन्त्री ओलीको कथन छ । ‘राजा महाराजाले चाहे जसरी अब संविधान खोसिन पनि सक्दैन,’ उनले भने, ‘कुनै शक्ति केन्द्रले दबाब दिएर यो परिवर्तन पनि हुनेवाला छैन ।’

प्रधानमन्त्रीले मुलुकमा व्याप्त ऊर्जा संकटको चर्चा गर्दै अबको एक वर्षभित्र अहिले उत्पादित विद्युतो तीन गुणा वृद्धि गर्न नसके नेपाली जनताका अगाडि उभिएर बोल्दा आफू लज्जित हुनुपर्ने तर्क गरे । ‘अबको वर्ष दिनभित्र मुलुकको विद्युत् उत्पादन कम्तीमा ९ सय मेघावाट बनाउन सकिनँ भने मैले तपाईंहरूका अगाडि कसरी उभिनु ?,’ प्रधानमन्त्री ओलीको भनाइ थियो । प्रधानमन्त्रीले कृषि क्षेत्रको विविधीकरणमा ध्यान पुर्‍याउन जोड दिएका थिए ।

कार्यक्रममा कानुन न्याय तथा संसदीय मामिला मन्त्री अग्नि खरेल, संघीय मामिला तथा स्थानीय विकास राज्यमन्त्री कुन्ती शाही, सांसद मोहन टुडुलगायतले बोलेका थिए । जिविस झापाले आर्थिक वर्ष ०७३/०७४ का लागि १ अर्व ७ करोड ६१ लाख ३७ हजार रुपैयाँको बजेट सार्वजनिक गरेको छ ।

यो समग्री नेपाल१२३.com मा पुरै पढौं

बुढानिलकण्ठ पुगे भारतीय राजदूत, सभापति देउवासँग आधा घण्टा वार्ता

काठमाडौँ, २६ फागुन । नेपालका लागि भारतीय राजदूत रणजीत रायले नेपाली काँग्रेसका नवनिर्वाचित सभापति शेरबहादुर देउवालाई बधाई तथा शुभकामना दिनुभएको छ ।

आज देउवा निवास बुढानिलकण्ठ पुगेर राजदूत रायले नेपालमा सदैव लोकतान्त्रिक आन्दोलनको अगुवाई गर्दै आएको पार्टी काँग्रेसको सभापतिमा निर्वाचित हुनुभएकोमा उहाँलाई बधाई दिनुभएको नेपाल प्रेस युनियनका अध्यक्ष बद्री सिग्देलले जानकारी दिनुभयो ।

करिब आधा घण्टा भएको सो भेटमा राजदूत रायले भारत सरकार र आफ्नो व्यक्तिगत तर्फबाट बधाई दिँदै भारतले सदैव नेपालमा शान्ति, स्थिरता र समृद्धि भएको हेर्न चाहेको विचार व्यक्त गर्नुभयो ।

भेटमा सभापति देउवाले नेपाल र भारतबीच सदीयौँदेखि ऐतिहासिक सुमधुर सम्बन्ध रहेको बताउँदै आगामी दिनमा दुबै मुलुकबीचको सम्बन्ध अझ प्रगाढ हुँदै जाने विश्वास व्यक्त गर्नुभयो । रासस

यो समग्री नेपाल१२३.com मा पुरै पढौं

त्यसै सघाएका हैनन् खुमबहादुर खड्काले सशांकलाई, यस्तो छ काँग्रेसभित्रको हलचल

– कमलराज भट्ट

नेपाली काँग्रेस १३ औं महाधिवेशन अन्तर्गत नयाँ नेतृत्वका लागि भएको निर्वाचनमा पदाधिकारीको मतपरिणाम सार्वजनिक भएको छ । निर्वाचनमा गणतन्त्र नरुचाउने खुमबहादुर खड्का निर्णायक देखिएका छन् । शेरबहादुर देउवालाई सभापतिमा जिताउन सडकमै आएर भोट मागेका खुमबहादुर खड्काले महामन्त्रीमा शशांक कोइरालालाई जिताएका छन् । खड्का र कोइरालाले आफूलाई हिन्दु राष्ट्रको पक्षधर र धर्मनिरपेक्षता विरोधी देखाउने गरेका छन् । देउवा प्यानलबाट महामन्त्रीका उम्मेदवार अर्जुननरसिंह केसीले प्यानलका सबै भोट पाएनन् । कारण– खुमबहादुर समूहले केसीको ठाउँमा कोइरालालाई रुचायो । निर्वाचनअघि कोषाध्यक्षमा आफ्नो गुटका उम्मेदवारलाई प्यानलमा राख्नुपर्ने माग गरेका खुमबहादुरले भनेअनुसार नभएपछि देउवा प्यानलकै चित्रलेखा यादवलाई समेत हराइदिएका छन् ।

महाधिवेशनले खुमबहादुर खड्कालाई निर्णायक मात्रै होइन, शक्तिशाली समेत बनाएको छ । केन्द्रीय सदस्यको मतगणना हुन अझैं बाँकी नै भएपनि पदाधिकारीको मतपरिणामले खुमबहादुर खड्कालाई शक्तिशाली देखाएको हो । खड्का शक्तिशाली हुनु र महामन्त्रीमा शशांक कोइराला निर्वाचित हुनुले कांग्रेसभित्र गणतन्त्र, धर्मनिरपेक्षता र संघीयतामा पुनर्विचार गर्नुपर्ने मत समेत बलियो भएको छ । कांग्रेसका महाधिवेशन प्रतिनिधिले समेत पछिल्ला उपलब्धिमा पुनर्विचार गर्नुपर्ने मतलाई अनुमोदन गरेको छ । महाधिवेशनअघि खुलेरै हिन्दू राष्ट्रको पक्षमा अभिव्यक्ति दिएका कोइराला महामन्त्रीमा निर्वाचित हुनु त्यसको प्रमाण हो ।

उपसभापतिमा खुमबहादुर

महाधिवेशनमा देउवा प्यानलमा खुलेर लागेका खड्काले रामचन्द्र पौडेल अर्थात् कोइराला समूहका उम्मेदवार महामन्त्रीमा शशांक कोइराला र कोषाध्यक्षमा सितादेवी यादवलाई जिताएर कांग्रेस पार्टीभित्र आफ्नो शक्ति सुरक्षित पारेका छन् । महामन्त्री र कोषाध्यक्षमा देउवा समूहकै उम्मेदवार विजयी भएको भए कांग्रेसमा खुमबहादुर खड्का कमजोर हुने थिए । अब कांग्रेसमा खुमबहादुर खड्का शक्तिशाली भइरहने छन् । महाधिवेशन अघिदेखि नै खड्काले देउवा समूहबाट आफूलाई उपसभापतिमा मनोनित गर्नुपर्ने माग राख्दै आएका छन् । देउवालाई साथ दिने क्रममा खड्का–देउवाबीच त्यही अनुसारको सम्झौता पनि भएको हुनुपर्छ ।

शेरबहादुर देउवाको समूहका उम्मेदवार अर्जुननरसिंह केसी हुँदाहुँदै खुमबहादुर खड्काले त्यसै शशांकलाई महामन्त्री बन्न सघाएका हैनन्, खुमबहादुरको असहयोगका कारण अर्जुननरसिंहमात्रै होइन्, देउवाकी खास पात्र चित्रलेखा यादवसमेत पराजित भइन् ।

केन्द्रीय समिति सदस्यमा उम्मेदवारी दिएका खुमबहादुुर खड्का विजयी हुने नै छन् । त्यसपछि, देउवाले खड्कालाई उपसभापति मनोनित गर्नु नै पर्ने छ । किनभने– महामन्त्री जितेका शशांक कोइरालालाई साथमा लिएर खुमबहादुर खड्का केन्द्रीय कार्यसमितिमा समेत शक्तिशाली हुने छन् । लामो समय कांग्रेसको नेतृत्व गरेको कोइराला समूहलाई अब शेखर कोइराला र शशांक कोइरालाले मिलेर सञ्चालन गर्नेछन् । जुन समूहलाई खुमबहादुर खड्काले आफू अनुकूल प्रयोग गर्ने छन् । सभापतिमा उम्मेदवार भएर पराजित भएका रामचन्द्र पौडेल त कोइराला समूहका प्रतिनिधि मात्रै हुन् । गुट सञ्चालन गर्ने जिम्मेवारी कोइरालाहरुकै हातमा आएको छ । खड्कासँग मिल्नुपर्ने कोइरालाहरुको बाध्यता पनि हो ।

नेपाली कांग्रेसको विधानको २१ (घ) मा ‘केन्द्रीय सभापतिले निर्वाचित सदस्यहरुमध्येबाट कार्यसमितिका लागि नाम प्रस्ताव गरी निर्वाचित केन्द्रीय कार्यसमितिले चयन गरेका एक उपसभापति, एक महामन्त्री र एक सहमहामन्त्री’ मनोनित गर्ने व्यवस्था गरेको छ । विधान अनुसार सभापति शेरबहादुर देउवाले उपसभापतिमा मनोनित गर्ने व्यक्तिको नाम प्रस्ताव मात्रै गर्न पाउने छन् । सभापतिको प्रस्तावलाई केन्द्रीय कार्यसमितिले अनुमोदन गर्नुपर्ने छ । उपसभापतिमा देउवाले खुमबहादुर खड्का बाहेकका व्यक्तिको नाम प्रस्ताव गरेमा खड्काले त्यो प्रस्ताव असफल बनाइदिने छन् । कोइराला समूहले त्यसमा खड्कालाई सहयोग गर्नेछ ।

खड्का–कोइराला सहकार्य

फरक–फरक समूहमा भएपनि खुमबहादुर खड्का र शशांक–शेखर कोइरालामा धेरै समानता छन् । ०६२÷६३ को जनआन्दोलनपछि प्राप्त उपलब्धि दुबैले मान्दैनन् । खुमबहादुर खड्काले नयाँ संविधान घोषणा हुनुअघि हिन्दु राष्ट्र स्थापनाका लागि महाअभियान नै सञ्चालन गरेका थिए । जसमा शेखर कोइराला समेत सक्रिय थिए । जुन अभियान सफल हुन सकेन । शशांक कोइरालाले पनि कांग्रेस महाधिवेशनअघि गणतन्त्र, संघीयता र धर्मनिरपेक्षतामा पुनर्विचार गर्नुपर्ने अभिव्यक्ति दिइसकेका छन् । तसर्थ, कांग्रेस केन्द्रीय कार्यसमितिमा खड्का–कोइराला समूह बलियो हुनु भनेको गणतन्त्र, संघीयता र धर्मनिरपेक्षताको कार्यान्वयनमा जटिलता आउनु हो । यसले संविधान कार्यान्वयनमा समेत असहजता ल्याउने छ । देउवा समूहमा रहेका केन्द्रीय सदस्यका उम्मेदवार कुलबहादुर गुरुङ, गोविन्दराज जोशी, तारानाथ रानाभाट, लक्ष्मण घिमिरे लगायतका नेता समेत गणतन्त्र, धर्मनिरपेक्षतालाई रुचाउँदैनन् ।

देउवाको स्वभाव

कांग्रेस सभापतिमा निर्वाचित भएका शेरबहादुर देउवाको स्वभाव पनि गणतन्त्रका लागि प्रिय छैन् । देउवा राजनीतिक सिद्धान्तभन्दा पनि पद र शक्तिलाई प्राथमिकता दिन्छन् ।०६२÷६३ को जनआन्दोलनपछि गिरिजाप्रसाद कोइराला र सुशिल कोइरालाको सक्रियताका कारण संविधान निर्माणमा शेरबहादुर देउवाको महत्वपूर्ण भूमिका समेत छैन ।

गणतन्त्र, संघीयता र धर्मनिरपेक्षतामा पुनर्विचार गर्न नचाहे देउवाले कांग्रेसभित्रै अल्पमतमा पर्नुपर्ने छ । किनकि– खड्का र कोइरालाको समूह अर्थात् संविधानमा पुनर्विचार गर्न चाहने समूह कांग्रेस केन्द्रीय कार्यसमितिमा बहुमतमा हुनेछ । तसर्थ, देउवाले बाध्य भएर पनि संविधानमा पुनर्विचार गर्न सहमत हुनुपर्नेछ । अन्य पार्टीको साथ बिना संविधान संशोधन गर्न सम्भव नभएपनि कांग्रेसले गणतन्त्र, संघीयता र धर्मनिरपेक्षतालाई महत्वपूर्ण उपलब्धी मान्ने छैन । कांग्रेसमा गणतन्त्रलाई महत्वपूर्ण उपलब्धी मान्ने रामचन्द्र पौडेल, कृष्णप्रसाद सिटौला, गगन थापा लगायतका नेता पराजित भएका छन् ।

शेरबहादुर देउवा शक्तिमा रहन जस्तोसुकै निर्णय पनि गर्ने नेता हुन् । माओवादीले सशस्त्र द्वन्द्व सञ्चालन गरिरहेका क्रममा देउवा दोस्रोपटक प्रधानमन्त्री भएका थिए । उतिबेला तत्कालीन राजा ज्ञानेन्द्रले संकटकाल घोषणा गर्न देउवालाई निर्देशन दिए, देउवा ज्ञानेन्द्रको चाहना अनुसार उपयोग भएर संकटकाल घोषणा गरे । देउवाले आफ्नो चाहना बमोजिम काम गर्न असफल भएपछि ज्ञानेन्द्रले देउवालाई हटाए । र, दबाब बढी भएपछि ज्ञानेन्द्रले फेरि देउवालाई नै प्रधानमन्त्री बनाए । परिस्थिति अनुकूल नहुँदा–नहुँदै पनि प्रधानमन्त्री बन्न देउवाले ज्ञानेन्द्रसँग सहकार्य गरे । पार्टी फुटाउनेसम्मको जोखिम मोले । तसर्थ, देउवा शक्ति र पदमा रहिरहन जस्तोसुकै निर्णय पनि लिन्छन् ।

यो समग्री नेपाल१२३.com मा पुरै पढौं

रसुवा पुगेर बाबुरामले गरे अपत्यारिलो घोषणा

धुन्चे (रसुवा), २६ फागुन । नयाँ शक्ति नेपालका संयोजक डा बाबुराम भट्टराईले समुन्नत नेपाल निर्माण गर्न नयाँ शक्तिको उदय भएको बताउनुभएको छ ।

नयाँ शक्ति जिल्ला सचिवालय रसुवाले यहाँ आज आयोजना गरेको जिल्लास्तरीय अन्तक्र्रिया भेलाका सहभागीलाई सम्बोधन गर्दै डा भट्टराईले नयाँ शक्तिले १० वर्षभित्र गरिबी हटाउने र २५ देखि ३० वर्षमा देशलाई धनी बनाउने लक्ष्य लिएको जानकारी दिनुभयो ।

– रासस

यो समग्री नेपाल१२३.com मा पुरै पढौं

काठमाडौंमा विद्युतीय बस चलाउन चीनले गर्‍यो अध्ययन, सुरुमा ३० बस ल्याइने

काठमाडौँ, २६ फागुन । चीनबाट ल्याउने तयारीमा रहेको अपाङ्गमैत्री विद्युतीय बस (इ-बस) का लागि काठमाडौँ उपत्यकाको भौगोलिक अध्ययन सकिएको छ । तर पूर्णरुपमा अध्ययन प्रतिवेदन आउन बाँकी छ ।

काठमाडौँ महानगरपालिकाले ल्याउन लागेको उक्त बस नेपालको भौगोलिक बनावटअनुसार सुहाउँदो छ वा छैन भनेर भौगोलिक अध्ययन गरिएको महानगरपालिकाले जनाएको छ । “चार दिनअघि चीनको मोटर कम्पनी सिआरआरसिटीका चिनियाँ प्रतिनिधि आई उपत्यकाका विभिन्न स्थानको अध्ययन गरिसकेको र अध्ययन प्रतिवेदनमात्र आउन बाँकी रहेको छ ।” महानगरपालिकाअन्तर्गत राजस्व महाशाखा प्रमुख महेश काफ्लेले भन्नुभयो– “केही दिनमा प्रतिवेदन आउनेछ । सोहीअनुरुप बस ल्याउने गृहकार्य सुरु हुन्छ ।”

काफ्लेका अनुसार अध्ययन प्रतिवेदनअनुसार मात्र सिआरआरसिटीले इ–बस उपलब्ध गराउनेछ । सुरुमा ३० बस ल्याउन लागिएको छ । ल्याइने बसमध्ये २० महानगरले किन्नेछ भने १० वटा चीन सरकारले अनुदानमा दिनेछ ।

सो विद्युतीय बस एकपटक विद्युतीय चार्ज गरेपछि २०० किमी चल्छ । उक्त बस पूरा चार्ज गर्न तीन घन्टा लाग्ने बताइएको छ ।

चीनले ३५ सिट क्षमताको विद्युतीय मिनीबस सहयोगको प्रस्ताव गरेको महानगरले भने कम्तीमा ४० सिट भएको बस उपलब्ध गराउन आग्रह गरेको छ । सानो बस ल्याउँदा भन्सार छुटमा समस्या हुने र थोरै यात्रु अट्ने भएकाले पनि बढी सिट भएको बस ल्याउनका लागि गृहकार्य भइरहेको महानगरपालिकाले जनाएको छ ।

शारीरिक रूपमा अशक्त व्यक्तिले पनि प्रयोग गर्नुपर्ने भएकाले सहजताका लागि महानगरपालिकाले उक्लने तथा ओर्लने गरी दुई ढोकासहितको बस माग गरेको छ । विद्युतीय एक बसको मूल्य करिब रु एक करोड हुनेछ ।

समयसमयमा हुने गरेको इन्धन अभावले गर्दा यस किसिमको बस ल्याउन लागिएको हो । उपत्यकामा राम्रोसँग बस सञ्चालन गर्न सकिएमा केही समयपछि उपत्यका बाहिर पनि बस सञ्चालन गर्न सकिने बताइएको छ । रासस

यो समग्री नेपाल१२३.com मा पुरै पढौं

सानेपाबाट आयो कांग्रेसबारे नयाँ खबर

– विमल योगी

काठमाडौं, २६ फागुन । नेपाली काँग्रेसको १३ औं महाधिवेशनले निर्वाचित गर्ने खुलातर्फको २५ केन्द्रीय सदस्य पदमा भएको निर्वाचनको मतगणना पार्टी केन्द्रीय कार्यालय सानेपामा जारी छ ।

यसैबीचमा सानेपामा अर्काे खबर आएको छ । नयाँ खबर अनुसार केन्द्रीय सदस्यको आरक्षणतर्फको मतगणना विहीबार (भोली) १० बजेबाट सुरु हुने तय भएको छ ।

नेपाली कांग्रेसको १३ औं महाधिवेशन अन्तर्गत आइतबार सबै पदमा मतदान भएको थियो । गणना हुन समय लाग्दा अहिलेसम्म सबै पदको परिणाम आउन सकेको छैन् ।

यसअघि सभापति पदमा शेरबहादुर देउवा, महामन्त्रीमा सशांक कोइराला र कोषाध्यक्षमा सितादेवी यादव निर्वाचित भइसकेका छन् ।

यो समग्री नेपाल१२३.com मा पुरै पढौं

वर्षा न दंग, न दिक्क

एउटा कलाकारलाई फिल्म हिट हुँदा दंग र फ्लप हुँदा दिक्क लाग्नु स्वाभाविक हो । तर, पशुपतिप्रसादकी हिरोइन वर्षा शिवाकोटी फिल्मले बक्स अफिसमा कमाल गर्दा पनि फुरुंग देखिन्नन्, न त दु:खी नै । दंग किन छैनन् भने फिल्ममा उनको भूमिका अत्यन्त छोटो थियो, त्यसैले सफलताको क्रेडिट उनले पाइनन् ।

सानै भूमिका सही, कम्तीमा आफूले अभिनय गरेको फिल्मले पैसा त कमायो, त्यसैले किन चित्त
दुखाउनू ? उसो त यस्तो दोसाँधमा उनी पहिलोपटक फसेकी भने होइनन्, नाई नभन्नु ल २ को सवालमा पनि यस्तै भएको थियो ।

भूमिका छोटो भएकाले यो फिल्म हिट हुँदा पनि वर्षाको तारिफ गर्ने कोही भेटिएका थिएनन् । त्यसैले त नामजस्तो फिल्मको वर्षा भएन ।

यो समग्री नेपाल१२३.com मा पुरै पढौं

पूर्व राजा ज्ञानेन्द्र पशुपतिमा, माहोल हेर्दा लाग्छ देशमा अझै राजतन्त्र कायम छ (भिडियो सहित)

काठमाडौं, फागुन २४ । सोमबार साँझको पशुपतिनाथ मन्दिर परिषरको माहोल हेर्दा लाग्थ्यो देशमा राजतन्त्र अझै कायम छ । राजतन्त्र अन्त्य भएको एक दशक बितिसक्दा पनि राजाको पक्षमा देखिएको एउटा ठूलो झुण्डले पाशुपत क्षेत्रको पवित्र भुमीमा भनीरहेको थियो राजा आऊ देश बचाऊ’ ।

शिवरात्रिका अवसरमा सोमबार साँझ पूर्वराजा ज्ञानेन्द्र शाह पशुपतिनाथमा पुग्दा उनका समर्थकहरुले बोलेका केही वाणीहरु हुन् यि ।

पूर्वराजा शाहले करिब १० मिनेट पशुपतिको दर्शन गरेर निस्कँदा कैयौँ समर्थकहरुले घेरेर नाराबाजी गरेका हुन् । जहाँ बाजागाजा सहितको जम्बो टोली नै उनको स्वागत र पुरानै शैलीमा जयजयकारमा उत्रिएको देख्न सकिन्थ्यो । सर्मथकहरुले करिब २० मिनेटसम्म नाराबाजी गरिरहँदा प्रहरीलाई सुरक्षाव्यवस्था मिलाउन हम्मे हम्मे परेको थियो ।

यो समग्री नेपाल१२३.com मा पुरै पढौं

‘राहादानी’ ट्रेलरमा नेपालीको पीडा, दयाहाङले के तान्लान् दर्शक ?

चैत्र १२ गतेबाट प्रदर्शनमा आउन लागेको चलचित्र ‘राहादानी’को ट्रेलर र एउटा मारुनी गीत सार्वजनिक गरिएको छ ।

संचारकर्मी डब्बु क्षेत्रीले निर्देशन गरेको यो चलचित्रलाई लक्ष्मीप्रसाद ढकालले निर्माण गरेका हुन् । गरिबीका कारण मलेसिया पुग्ने नेपालीको कथालाई डब्बुले आफ्नै लेखनमा बुनेका छन् । ट्रेलरमा चलचित्रका मुख्य ३ गीतलाई महत्व दिइएको छ । चलचित्रमा दयाहाङ राई, अशोक रिजाल, रुपा खनाल, सृजना सुब्बा, विनिता घिमिरे, आयुष्मा श्रेष्ठ, अस्मिता बस्नेतको मुख्य भूमिका छ ।

यस्तै, सार्वजनिक गरिएको मारुनी गीतमा बसन्त सापकोटाको संगीत, नीशा देशारको स्वर, डाक्टर गोविन्द कुसुमको शब्द छ । रामशरण उप्रेतीले खिचेको यो चलचित्रको एक आइटम गीतमा नायिका रीमा विश्वकर्मा पनि देखिएकी छिन् ।

मल्टिप्लेक्सदेखि सिंगल थिएटरमा रुचाइएका नायक दयाहाङ राइले दर्शक तान्ने अपेक्षा गरिएको छ ।

यो समग्री नेपाल१२३.com मा पुरै पढौं

कविन्द्र मण्डप र अस्पताल भवन नेपाली सेनालाई हस्तान्तरण

२६ फागुन, काठमाडौं । वीरेन्द्र शान्ति कार्य तालिम केन्द्र पाँचखालमा निर्माण भएको कविन्द्र मण्डप र अस्पताल भवन अमेरिकी राजदूत एलिना बी तेप्लेजले नेपाली सेनालाई बुधबार हस्तान्तरण गरेकी छन् ।

ति भवनहरु ग्लोबल पिस अपरेसन इनिसियटिभ (जीपीओआई)को सहयोगमा निर्माण गरिएको थियो ।

शान्ति स्थापनार्थ कंगोमा खटिएका बेला निधन भएका प्रमुख सेनानी कविन्द्रजंग थापाको नाममा मण्डप निर्माण गरिएको हो ।

नेपालका लागि अमेरिकी राजदूत तेप्लेजले भवनको साँचो तथा प्रमाणपत्र प्रधानसेनापति राजेन्द्र क्षेत्रीलाई हस्तान्तरण गरेकी थिइन् ।

कविन्द्र मण्डपमा १६ वटा कक्षा कोठा, अडिटोरियोम कक्ष, २ वटा बैठक कक्ष, फर्निचर सहितका कार्यालय कोठाहरु, २ वटा अति विशिष्ट कक्ष र स्टोर कक्षहरुको सुविधा छ । ‘लेभल वान हस्पिटल’मा ४ वटा उपचार कक्ष, २ वटा कार्यालय कक्ष, २ वटा महिला बेड, ४ वटा पुरुष बेड तथा डार्क रुम सहितका एक्सरे कक्षको सुविधा छ ।

सो अवसरमा प्रधानसेनापति क्षेत्रीले स्वर्गीय प्रमुख सेनानी थापाको बहादुरीको प्रशंसा गर्दै विश्व शान्ति कार्यमा सहभागी भई शान्ति स्थापनार्थ कार्य गर्न पाएकोमा नेपाली सेनाले गौरव महसुस गरेको बताए ।

यसैगरी राजदूत तेप्लेजले नेपाली सेनासँगको सम्बन्ध परापूर्वकालदेखि रहँदै आएको र यस प्रकारको सहयोग निरन्तर रुपमा जारी रहने बताइन् ।

उक्त भवनहरुले नेपाली सेनाले शान्ति सेनामा सहभागी हुन जाने तालिमरत सैनिकहरुलाई विविध प्रकारका तालिम, शान्ति स्थापना सम्बन्धि राष्ट्रिय तथा अन्तर्राष्ट्रिय स्तरका सेमिनार एवम् प्रशासनिक कार्यको लागि सहयोगी भूमिका खेल्नुको साथै तालिमरत सैनिकहरुको उपचार प्रयोजनको लागि समेत सहयोग पुग्ने नेपाली सेनाको विश्वास छ ।

कार्यक्रममा स्वर्गीय थापाकी श्रीमती ईनु बस्नेतलाई सम्मान पनि गरिएको थियो ।

यो समग्री नेपाल१२३.com मा पुरै पढौं

मधेसी मोर्चाले बैठक बोलायो

२६ फागुन, काठमाडौं । बदलिँदो राजनीतिक परिस्थितिको समिक्षा र आगामी रणनीति तय गर्न संयुक्त लोकतान्त्रिक मधेसी मोर्चाको बैठक बिहीबार बस्ने भएको छ । बैठक तमलोपा पार्टी कार्यालय बिजुलीबजारमा बस्नेछ ।

नेपाली कांग्रेसको १३ औं महाधिवेशनबाट नयाँ नेतृत्व निर्वाचित भएलगत्तै बस्न लागेको मोर्चाको बैठकलाई चासोका साथ हेरिएको थियो ।

सदभावना पार्टीका महासचिव मनिस सुमनले बैठकमा जारी आन्दोलनका नयाँ कार्यक्रमलगायतका विषयमा छलफल हुने जानकारी दिए ।

मोर्चाले प्रधानमन्त्री केपी शर्मा ओलीलाई ज्ञापनपत्र बुझाएर दवावमुलक आन्दोलन सुरु गर्दैछ । बिहीबारको बैठकले ज्ञापनपत्रको भाषासमेत टुंगो लगाउने सदभावनाका महासचिव सुमनले जानकारी दिए ।

मोर्चाले आगामी ५ चैतमा मधेसका जिल्लाहरुमा विरोध सभा गर्ने र एक घण्टासम्म मधेस आन्दोलनका नाराहरु लगाउनेलगायतका कार्यक्रम गर्ने घोषणा गरेको छ । यसैगरी होलिको दिन संविधानमा हस्ताक्षर गर्ने सांसदहरुको सामूहिक पुत्लादहन गर्ने कार्यक्रम पनि मोर्चाले तय गरेको छ ।

यो समग्री नेपाल१२३.com मा पुरै पढौं

आन्दोलन सकिएको छैनः यादव – अवधेशकुमार झा, मोरङ

फाल्गुन २६, २०७२- संघीय समाजवादी फोरम नेपालका अध्यक्ष उपेन्द्र यादबले आफूहरुको आन्दोलन नसकिएको र स्थगित पनि नभएको बताउँदै तत्कालका लागि स्वरुप मात्र फेरिएको बताएका छन् ।

उनले जनताले ६ महिनासम्म आन्दोलन गर्दा पनि सरकारले कुनै रेसपोन्स नगरेको आरोप लगाउदै राज्यको बिभेदकारी नीति कायम रहेसम्म आन्दोलन निरन्तर रहने बताए ।

उनले केही दिन स्वरुप परिवर्तन गरिएको आन्दोलन शक्ती संचय र पुर्ण तयारी पछि केहीदिन भित्रै पुन गर्ने जानकारी दिए । विराटनगरमा आज अगुवा कार्यकर्ता प्रशिक्षण कार्यक्रममा यादबले ३५ पटक सम्म भएको वार्तामा सरकारी पक्ष माग पुरा गर्न कुनै तदारुकता नदेखाएको आरोप लगाए ।

बर्तमान सरकार इतिहासकै सबभन्दा भ्रष्ट सरकार रहेको आरोप लगाउदै यादबले भने-‘अहिले सरकार कालावजारी,तस्कर र माफियाले चलाईरहेको छ, देशको अर्थतन्त्र पनि कालावजारी र माफियाको हातमा छ,जसले अर्थतन्त्र डुबाएको छ ।’

उनले सरकारको भ्रष्ट चरित्रकै कारण दातृ निकाय र सहयोगी राष्टहरुले अनुदान कटौतीगर्न थालेको बताए । बिकासका लागि आएको अनुदानमा भ्रष्टाचार भईरहेको र लगानी गर्ने क्षमता सरकारसित नरहेकाले दातृ निकाय र राष्ट्रहरुले अनुदान कटौती गरिरहेको यादबले आरोप लगाए ।  सरकारको भ्रष्ट चरित्रका कारण नेपालको छबी अन्तरर्राष्ट्रिय स्तरमा धुमिल भएको आरोप लगाउदै पुर्व परराष्ट्रमन्त्री समेत रहेका यादबले भुकम्प पुननिर्माणका लागि आएको अर्बोको वजेट भ्रष्टाचार गरि सकेको आरोप लगाए ।

यो समग्री नेपाल१२३.com मा पुरै पढौं

फाल्गुन २६, २०७२- अन्तर्राष्ट्रिय मापदण्ड अनुसार दुई देशबीचको सीमा (दसगजा) मा १०/१० गज वारिपारिको क्षेत्रफलभित्र कसैले केही गतिविधि वा उपयोग गर्न पाइदैँन् । खुला रहनुपर्छ । यसलाई ‘नो म्यान्स ल्यान्ड’ भनिन्छ ।

तर महोत्तरीस्थित सीमावर्ती भिठ्ठामोडदेखि नेपालको समसी क्षेत्रसम्म भारतले दसगजा मिचेर सडक बनाएको पाइएको छ । भारतले भिठ्ठामोडबाट सुरसण्ड हुँदै सितामढीसम्म जोडेको पिच सडकअन्तर्गत ३ सय एकदेखि तीन सय दुईसम्मको लम्बाइभित्र ठाउँ ठाउँमा रहेको जंगे पिलरको जगमा टाँसेर सडक बनाएको छ ।

उक्त क्षेत्र नेपाल तर्फ महोत्तरीको मनहराकट्टी हुँदै पोखरभिण्डा र मनीबारा भिठ्ठामोडसम्म पर्दछ । सडकसँगै दक्षिणपट्टी भारतमा ठूलाठूला बस्ती बसेका छन् । नेपालतिरको बस्ती भने टाढा पर्छ । सीमा रक्षाको लागि खटिएका सशस्त्र सीमा सुरक्षा बल वा नेपाली बीओपीका अधिकारीहरुले उक्त पिच सडकमा कसैको नजरमा नपरेको बताउँछन् ।

तीन किमी भन्दा बढी लम्बाइमा यस्तो समस्या देखिएपनि सशस्त्र वा नेपाली अधिकारीहरुको नजरमा नपर्नु उसको आफ्नो कमजोरी भएको त्यस क्षेत्रका भारतीय गाउँका बासिन्दाहरु बताउँछन् । यति दुरीसम्ममा कतै कतै त भारतीय अतिक्रमणले सीमा क्षेत्र (दसगजा) यकिन नै गर्न गाह्रो पर्दछ ।

‘भारतको मनपरी रवैयालाई अधिकारीहरुले वास्ता नै गरेका छैनन्,’ महोत्तरीका एक नेताले भने, ‘वास्ता गरेको भए यस्तो हुँदैन्थ्यो ।’ सडकबारे भिठ्ठामोडस्थित भारतीय एसएसबीका एक अधिकारीले उक्त सडक अस्थायी भएको बताए । ‘पुरानो पिच सडकको पूल जीर्ण भएकाले उक्त दशगजा क्षेत्रबाट केही किमी नयाँ सडक बनाइएको छ,’ उनले भने, ‘तर यो अस्थायी हो ।’

उता सशस्त्र सीमा सुरक्षा बल महोत्तरीका प्रमुख प्रहरी उपरीक्षक सुन्दर खड्काले दसगजा मिचेर बनाइएको त्यो क्षेत्रसम्म आफू नपुगेको बताए । उनी भन्छन्, ‘कसले किन बनायो भन्ने विषयमा स्थलगत अनुगमन गरेर प्रमुख जिल्ला अधिकारीलाई जानकारी गराउँछु ।’

 

यो समग्री नेपाल१२३.com मा पुरै पढौं

Indian authorities construct road by encroaching no man’s land

Mar 9, 2016- Indian authorities have constructed a 3-km road, encroaching the no man’s land in the bordering town of Bhitthamod in Bihar state.

As per international standards, no country can use no man’s land for any activities in 10 yard area on the either side of the border. The encroached land lies across Samsi of Mahottarai district.

The Indian side has constructed blacktopped road only few inches away from the border pillars. The road starts from Bhitthamod and passes through Sursand to reach Sitamadi. There is a huge Indian settlement south of the road while the Nepali side is relatively uninhabited.

The Nepali Border Outpost officials (BOP) have said that they have no knowledge of the construction of the pitch road. Locals from the Indian side of the border argue that Nepali officials are to blame for not keeping track of the construction.

Some areas along the border are difficult to identify as part of no man’s land due to the Indian encroachment, locals complain. “The Nepali authorities have turned a blind eye to the Indian activities along the border,” said a local leader from Mahottari, “Had the authority been concerned about the matter, this would not happen.”

Indian Seema Suraksha Bal official informed that the road constructed along the border is for temporary purpose. “The bridge along the previous blacktopped road is in poor condition so we have made a makeshift route from Dasgaja,” said the SSB official, “This is just for temporary purpose.”

Meanwhile, Mahottari Sashastra Seema Bal chief DSP Sundar Khadka said that he is unaware of the situation as he hasn’t gone to the area. “I will inform the Chief District Officer regarding the construction after a field observation,” said DSP Khadka.

यो समग्री नेपाल१२३.com मा पुरै पढौं

कांग्रेस महाधिवेशनमा भारतीय रणनीति सफल, केसीलाई हराउन देउवा र खूमबहादुर नै लागेको खुलासा !

काठमाण्डौ । देशको ठूलो दल नेपाली कांग्रेसको १३ औं महाधिवेशनमा भारतीय कार्डले काम गरेको छ । भारतको संस्थापन पक्षले प्रयोग गरेको कार्डले पदाधिकारीको निर्वाचनमा पूर्ण रुपमा काम गरेको हो । भारतीय कार्डको प्रयोग सफल भएसँगै कांग्रेसको काँधमा बन्दूक राखेर राजतन्त्रका लागि आगामी रणनीति बनाउन कट्टर हिन्दूवादी नेता तथा भारतीय प्रधानमन्त्री नरेन्द्र मोदीलाई अब सहज हुने विश्लेषण गरिएको छ । 

नेपाल१२३ ले कांग्रेस महाधिवेशनको उद्घाटनको दिन नै विशेष समाचार प्रस्तुत गरी भारतीय संस्थापन पक्ष र त्यहाँबाट परिचालित विभिन्न एजेन्सीहरुले सभापतिमा शेरबहादुर देउवा र महामन्त्रीको वीपी पुत्र सशांक कोइरालालाई निर्वाचित गराउने गोप्य रणनीति बनाएको र सोही अनुसार कार्यकर्ताहरुलाई विभिन्न नेतामार्फत विभिन्न गोटीहरु चालिएको रहस्य सार्वजनिक गरेको थियो । सोही रहस्य अनुसारकै परिणाम निर्वाचनपछिको मतगणनाले देखाएको हो ।

कांग्रेसको सभापतिमा संस्थापन पक्ष र भारतले समेत नरुचाएका नेता रामचन्द्र पौडेलले लज्जाजनक हार व्यहोर्नुपरेको छ । पौडेललाई ५२६ मतको भारी अन्तरले पछार्दै वरिष्ठ नेता शेरबहादुर देउवाले सभापतिको कुर्सी कब्जा गरेका छन् । संस्थापनका सभापति उम्मेद्वारलाई देउवाले यति धेरै अन्तरले पराजित गरेपछि धेरैले अड्कल काटेका थिए, अब महामन्त्रीमा पनि देउवा गुटकै उम्मेद्वार अर्जुन नरसिंह केसीले स्वभाविक रुपमा जित्नेछन् । तर यो अनुमान ठीक उल्टो निस्कियो । अर्थात, सभापतिमा ५२६ को भारी अन्तरले विजय हासिल गरेको देउवा गुटले महामन्त्रीमा चाहि ४ सय मतको भारी अन्तरले हार व्यहोर्नुपर्यो । सभापतिको भन्दा ठ्याक्कै उल्टो परिणाम आउनुको भित्री कारण समेत भारतीय रणनीति नै थियो । भारतले आफ्ना विभिन्न एजेन्सीलाई खटाएर सभापतिमा देउवा र महामन्त्रीमा कोइरालालाई जुनसुकै हालतमा पनि निर्वाचित गराइछाड्ने रणनीति अंगिकार गरेको स्रोतहरुले उल्लेख गरेका छन् । निर्वाचनअघिदेखि नै भारतीय पक्षकै योजनामा सभापतिमा देउवा र महामन्त्रीमा कोइराला जिताउने अभियान नै संचालन गरिएको थियो । यो अभियानलाई सफल बनाउन भारतीय पक्षले देउवा समूहलाई राम्रै आर्थिक सहयोग समेत उपलब्ध गराएको थियो भने भारतीय गुप्तचर संस्था रअ लगायतका एजेन्सीबाट कांग्रेस निर्वाचनमा आफूहरुको लाइनलाई सफल बनाउनैका लागि भनेर २० जनालाई प्रत्यक्ष रुपमै खटाइएको थियो ।

के हो भारतीय रणनीति ?

 

भारतीय जनता पार्टी(भाजपा) अहिले सत्तामा छ । सोही पार्टीका नेता नरेन्द्र मोदी भारतका प्रधानमन्त्री छन् । उनी कट्टर हिन्दूवादी नेता हुन् । भारतमै समेत मोदी सत्तामा पुगेपछि हिन्दू बाहेकका अन्य धर्म मान्नेहरुलाई सरकारले कठोर व्यवहार गर्ने गरेको बिषय बेला बेला बाहिर आउने गरेको छ । आफू कट्टर हिन्दू भएकै कारण मोदीले नेपाललाई हिन्दू राष्ट्रबाट धर्म निरपेक्ष राष्ट्र बनाएकोमा चित्त दुखाउने गरेका छन् । नेपाल आउँदा जनकपुर जान नपाएकै कारण ५ महिनासम्मको नाकाबन्दीको उपहार दिएका मोदीले पछिल्लो समय हिन्दू राष्ट्र ब्यूँताउन र त्यसको आडमा राजतन्त्र ल्याउन निकै ठूलो कसरत गरिरहेका शक्तिहरुलाई सहयोग गरिरहेका छन् । यही मेसोमा पछिल्लो समय भारतीय संस्थापन पक्षले शेरबहादुर देउवालाई हिन्दू राष्ट्र र राजतन्त्र पुनस्र्थापनाको विषयमा गोप्य रुपमा सहमत गराइसकेको स्रोतको दाबी छ । वीपी पुत्र सशांक कोइराला आफैँ पनि राजावादी हुन् । उनले निर्वाचनको केही दिनअघि बीबीसीलाई अन्तर्वार्ता दिने क्रममा घुमाउरो ढंगले हिन्दू राष्ट्र र राजतन्त्रको पक्षमा वकालत गरेका थिए । यसको अर्थ, भारतको हिन्दू राष्ट्र र राजतन्त्र पुनस्र्थापनाको चासोमा सहयोग गर्न देउवा र कोइराला नै उपयुक्त पात्र थिए, यही कारण भारतले उनीहरुलाई खुलेरै आर्थिक, भौतिक, रणनीतिक सहयोग गर्यो । सोही अनुसार सेटिङ मिलाइयो र भारतले खेलेको कार्डले सफलता पाएसँगै कांग्रेसको सभापतिमा देउवा र महामन्त्रीमा कोइराला भारी मतले विजयी भए ।

किन हारे केसी ? 

देउवा गुटबाट महामन्त्रीको उम्मेद्वार बनेका अर्जुन नरसिंह केसीले राम्रो संभावना भएका र कार्यकर्ताबाट अधिक रुचाइएका नेता भनिए पनि अन्ततः ४ सय मतले पछि पर्दै वीपी पुत्रसँग हार व्यहोर्नुपरेको छ । केसी हार्नु पछाडिको मुख्य कारण भारतीय पक्षले उनलाई मन नपराउनु हो भने अन्य थुप्रै आन्तरिक कारणहरुले समेत काम गरेका छन् । अर्जुन नरसिंह केसीले १२ औं महाधिवेशनमा केन्द्रीय सदस्यमा अधिक मत ल्याएर विजय हासिल गरेका थिए । उनले यसपटक पनि यस्तै हुने र आफ्नो कार्यकर्तासँगको व्यक्तिगत सम्बन्धले पनि काम गर्ने सोचेका थिए । तर उनी १२ औं महाधिवेशनमा रहेको संस्थापन क्याम्प छाडेर यसपटक देउवा क्याम्पमा पुगेका थिए । महाधिवेशनको अन्तिम अवस्थामा संस्थापन छाडेर देउवा क्याम्प पुगेका केसीलाई संस्थापनका केही नेताले ‘धोकेवाज’ भनेर प्रचार गरेका थिए भने देउवा पक्षकै केहीले ‘अवसरवादी’को संज्ञा दिएका थिए । कांग्रेस सभापतिहरुका अनुसार भित्री रुपमा शेरबहादुर देउवाले नै सुुदुर पश्चिम र पश्चिमाञ्चल विकास क्षेत्रका जिल्लाका सभापति तथा महाधिवेशन प्रतिनिधिहरुलाई आफ्नो निवासमा बोलाएर महामन्त्रीमा सशांक कोइरालालाई भोट हाल्नु भनेका थिए । देउवा निवास पुगेर निर्देशित एक जिल्ला सभापतिका अनुसार केसीलाई भन्दा कोइरालालाई महामन्त्रीमा भोट हाल्ने उर्दी गरिएको थियो । अर्कोतर्फ, देउवा क्याम्पकै शक्तिशाली नेताको रुपमा देखिएका खूमबहादुर खड्काले समेत आफ्ना पकेटका कार्यकर्ताहरुलाई केसीलाई क्रस गरेर महामन्त्रीमा कोइरालालाई मतदान गर्न कडा उर्दी जारी गरेका थिए । खड्कासँग पकेट भोट मात्रै ३ सय बढी थियो भनिन्छ । खड्का कट्टर राजावादी र हिन्दूवादी नेता हुन् । उनको भारतीय संस्थापन पक्षसँग निकै राम्रो सम्बन्ध छ र उनी भित्री रुपमा राजसंस्था पुनस्थापनाको पक्षमा क्रियाशील छन् । यस्तै, पछिल्लो समय करिब १ सय भोट परिचालन गर्ने हैसियत बनाएका प्रकाशशरण महतले समेत महामन्त्रीमा केसीलाई क्रस गर्न र कोइरालालाई मत हाल्न आफू निकटका कार्यकर्ताहरुलाई उर्दी गरेका थिए । स्वयम् देउवा नै भित्री रुपमा केसीविरुद्ध लाग्दा, देउवा क्याम्पका रणनीतिकार मानिइने राजावादी नेता खड्काले समेत ‘जसरी हुन्छ केसी हराउ अभियान’ संचालन गर्दा र महत जस्ता साना नेताहरु समेत विपक्षमा उभिँदा अपेक्षा भन्दा ठीक विपरीत भारी मत अन्तरले केसीले महामन्त्रीमा हार व्यहोर्नुपरेको हो । सभापतिमा निर्वाचित देउवाले समेत केही जिल्लाका पार्टी सभापति र प्रतिनिधिहरुलाई निवासमा बोलाएर महामन्त्रीमा सशांकलाई भोट हाल्न र उनका लागि माहौल तयार गर भन्नु पछाडिको कारण भारतीय कार्डको प्रभाव पनि रहेको स्रोतको भनाई छ ।

केसीले आफ्नै परिवारका सदस्यहरुबीचको प्रतिस्पर्धाका कारण समेत हारेका देखिन्छ । केसी समूहकै रणनीतिमा युवा नेता गगन थापालाई महामन्त्रीमा प्रस्तुत गरिएको थियो । थापा संस्थापनबाटै महामन्त्रीमा उठ्दा उनले संस्थापनबाट कोइरालालाई जाने मत काट्ने र यसले केसीलाई जित हासिल गर्न सहज हुने विश्लेषण गरिएको थियो । थापाले महामन्त्रीमा उम्मेद्वारी दिंदा यसले सशांकलाई पराजय चखाउने र महामन्त्रीमा केसीले जित्ने केसी समूहको विश्लेषण थियो । तर केसी समूहको यो विश्लेषण फेल भयो र आफ्नै रणनीति आफ्नै लागि ब्याक फायर बनिदियो । सशांकको भोट काट्ने आशासहित ज्वाइँ गगनलाई प्रस्तुत गरे पनि अन्ततः केसीलाई आउने धेरै मत गगनले नै काटिदिए । केसी समूहले आफूले जितेको भए गगनको यो योगदानका लागि उनलाई सहमहामन्त्रीमा मनोनयन गर्ने वचन दिएको थियो ।

ज्ञानेन्द्र खुशी

कांग्रेसको परिणाम आफ्नो पक्षमा आएको ठान्ने पूर्व राजा ज्ञानेन्द्र निकै धेरै खुशी भएका दरबारिया स्रोतहरुले बताएका छन् । उनीहरुका अनुसार भारतीय रणनीतिको विषयमा पूर्व राजा ज्ञानेन्द्र समेत जानकार थिए । पछिल्लो समय उनी बैंककमा रहँदा भेट गर्न पुगेका भारतीय प्रतिनिधिहरुले खूमबहादुर खड्का लगायतका नेतासँग कुरा भएको र कांग्रेस महाधिवेशनमा आफू अनुकुलका नेतृत्व आए हिन्दू राष्ट्र र त्यसैको आडमा राजतन्त्र पुनस्र्थापना गर्न आफूहरुलाई सहज हुने भनेको थियो । यसै कारण ज्ञानेन्द्र समेत कांगे्रस सभापति र महामन्त्रीको मतपरिणामको व्यग्र प्रतिक्षामा थिए । भारतले भनेजस्तो र आफूले चाहेजस्तो मत परिणाम आएपछि उनी खुशी भएका स्रोतको भनाई छ । कांग्रेसका राजावादी नेता, भारतीय संस्थापन पक्ष र राजाबीच केही समयअघि सुरुमा हिन्दू राष्ट्र कायम गर्ने र त्यसको आडमा केही समयपछि राजसंस्था पुनस्र्थापना गर्ने सहमति भइसकेको छ ।

यो समग्री नेपाल१२३.com मा पुरै पढौं

मध्यरातमा आमालाई भेटेको भन्दै ज्वाई-जेठान मिलेर रामप्रसादको हत्या

कपिल ज्ञवाली

२६ फागुन, बुटवल । रुपन्देहीको सैनामैनास्थित दानव खोलामा मृत भेटिएका रामप्रसाद थारुलाई ज्वाइ-जेठान मिलेर हत्या गरेको खुलेको छ ।

सैनामैना १३ समावेशी टोल पूर्वमा रहेको दानव खोलामा फागुन २५ गते हत्या गरेर फालिएको अबस्थामा सैनामैना ५ सदबदरा बस्ने गरिब थारुका छोरा ३६ वर्षीय रामप्रसाद थारुको शव भेटिएको थियो ।

हत्यामा संलग्न रहेको अशांकामा सैनामैना १ का २५ बर्षीय दिनेश कुँवर र बुटवल १८ का २४ वर्षीय हरिनारायण चौधरीलाई प्रहरीले पक्राउ गरेको छ । हरिनारायण दिनेशका बहिनी ज्वाइँ हुन् । उनीहरुले हत्या अभियोग स्वीकार गरेको अञ्चल प्रहरी प्रमुख प्रहरी उपरिक्षक बुद्धिराज गुरुङले बताए ।

घटनाको कारण के थियो ?

मृतक रामप्रसाद चौधरी र अभियुक्त दिनेश कँवरकी आमाबीच फागुन २१ गते सैनामैना १ मा मैलु चौधरीको विवाहमा दिउँसो चिनजान भएको थियो ।

चिनजानपछि उनीहरुबिच फोन सम्पर्क भएको भएको प्रहरी अनुसन्धानबाट खुल्न आएको छ । फागुन २५ गते बुटवल १८ मा हरिनारायणकी श्रीमतीको जन्मदिनमा सहभागि भएर उनी घर फर्केकी थिइन् ।

राती ९ बजे घरमा पुग्दा आफ्नी आमा र रामप्रसाद कोठामा बसेको देखेपछि दिनेशले सहन सकेनन् । दिनेशले त्यहिबखत रामप्रसाद र आफ्नै आमालाइ कुटपिट गरेका थिए ।

रामप्रसाद भागेपछि लौराले हान्दा बारीमा ढलेका थिए । लगतै दिनेश र हरिनारायण चौधरी मिलेर साइकलमा राखेर करिब साढे २ किलोमिटर टाढा रहेको दानव नदीमा लगेर मारेर फालेका थिए ।

अभियुक्त दिनेश ट्याक्टर चालक हुन् भने हरिनारायण मिस्त्री काम गर्थे । उनी रोजगारीका लागि कतार जाने तयारीमा थिए । उनको भिसा आइसकेको पाइएको बुटवलका प्रहरी नायव उपरिक्षक महेन्द्र खड्काले बताए ।

यो समग्री नेपाल१२३.com मा पुरै पढौं

कांग्रेस केन्द्रीय सदस्य खुलातर्फ कसले कति मत पाए ? (सूचीसहित)

२६ फागुन, काठमाडौं । नेपाली कांग्रेसको केन्द्रीय सदस्यको खुलातर्फको मतगणना पार्टी कार्यालय सानेपामा चलिरहेको छ । मत गणनाका लागि प्रोजेक्टर समेत प्रयोग गरिएको छ ।

२५ केन्द्रीय सदस्यका लागि ९० उम्मेदवार छन् । सबै उम्मेदवारले प्रतिनिधि राख्न पाउनु पर्ने माग गरेपछि निर्वाचन समितिका प्रतिनिधिले मञ्चमा बसेर मतपत्रलाई प्रोजेक्टरमा देखाएर मात्र गन्ने व्यवस्था गरिएको छ । उम्मेदवारका प्रतिनिधिहरु हलमा बसेका छन् ।

२५ भन्दा बढी उम्मेदवारलाई मत दिएको मतपत्र बदर गर्ने समझदारी भएको छ । ५०/५० मतपत्रको बिटो बनाइएको छ । खुलाको सकिएपछि आरक्षणतर्फको मत गणना हुनेछ ।

कांग्रेसको १३औं महाधिवेशनबाट सभापतिमा शेरबहादुर देउवा, महामन्त्रीमा शशांक कोइराला र कोषाध्यक्षमा सीतादेवी यादव निर्वाचित भएका छन् ।

उम्मेदवारको नाम	मत
प्रकाशमान सिंह	३६
प्रदिप पौडेल	३६
खुमबहादुर खड्का	२९
गोपालमान श्रेष्ठ	२५
चन्द्र भण्डारी	२५
धनराज गुरूङ	२७
नारायण खड्का	२८
प्रकाशशरण महत	२५
प्रदिप गिरी	२५
बद्री पाण्डे	२५
बलबहादुर केसी	२५
बालकृष्ण खाँड	२८
विमलेन्द्र निधि	२९
महेश आचार्य	२९
डा. मिनेन्द्र रिजाल	२९
डा. रामशरण महत	२८
डा. शेखर कोइराला	३२
सुजाता कोइराला	३४
विश्वप्रकाश शर्मा	२१

 

 

यो समग्री नेपाल१२३.com मा पुरै पढौं

हिमालय एयरलाइन्सको पहिलो एयरबस नेपाल भित्रियो

२६ फागुन, काठमाडौं । निजी वायुसेवा कम्पनी हिमालय एयरलाइन्सले आफ्नो पहिलो एयरबस नेपाल आइपुगेको छ ।

तिब्बत एयरलाइन्ससँग सहकार्य गरेर हिमालयले नेपालबाट अन्तर्राष्ट्रिय हवाई सेवा प्रदान गर्न लागेको हो । चैत ३० गतेदेखि व्यवसायिक उडान सुरु गर्ने कार्यतालिका रहेको कम्पनीका महाप्रबन्धक राजुबहादुर केसीले बताए ।

हिमालय एयरलाइन्सले चीनको लिजिङ कम्पनीसँग १२ वर्षका लागि एयरबस भाडामा लिएको हो ।

हिमालयले पहिलो उडान सुरु गरेको केही महिनापछि अर्को एयरबस ल्याएर सेवा विस्तार गर्ने योजना बनाएको छ ।

 

यो समग्री नेपाल१२३.com मा पुरै पढौं

विराटनगरमा विकास निर्माणको काम पुनः सुरु

२६ फागुन, विराटनगर । विराटनगर उपमहानगरपालिका क्षेत्रको ढल निकासका लागि निर्माण कार्यले पुनः तिव्रता पाएको छ । भारतको नाकावन्दी र मधेस आन्दोलनका कारण इन्धन लगायतका सामाग्री अभावका कारण निर्माणको काम प्रभावित बनेको थियो ।

‘मधेस आन्दोलनको चपेटामा मुलुक नै परेको समयमा हामीले काम रोकेका थियौं । अहिले पुनः कामलाई तिव्रता दिएका छौं, प्रोजेक्ट म्यानेजर उपेन्द्र बरालले भने ।

परियोजना अन्तर्गत अहिलेे मुख्य सडक क्षेत्र एवम् भित्री सडकको आसपासमा नाला निर्माणको काम भइरहेको छ ।

एशियाली विकास बैंकको ऋण सहयोगमा नेपाल सरकार र विराटनगर उपमहानगरपालिकाको आन्तरिक स्रोत समेत गरी करिब २ अर्ब ३९ करोड रुपैयाँको परियोजना विराटनगरमा एक वर्षदेखि चलिरहेको छ ।

विराटनगर उपमहानगरपालिकाका कार्यकारी प्रमुख गोपाल रेग्मीका अनुसार परियोजना अन्तर्गत ६५ किलोमिटर सडक सुधार, ६२ किलोमिटरमा ढल निर्माण र ३२ किलोमिटर नाला निर्माण गरिने छ । नगर क्षेत्रका साविकका भित्री सडक ५६ फिट चौडा बनाइने छ ।

त्यसैगरी पुष्पलाल चोकदेखि पानीटंकीसम्मको ३ किलोमिटर बाटो चौडा गरी कालोपत्रे गर्ने योजना समेत छ । परियोजना अन्तर्गत जतुवा र रानीमा ढलको पानी प्रशोधन गर्न प्रशोधन केन्द्र निर्माण शुरु गरिएको छ ।

यो समग्री नेपाल१२३.com मा पुरै पढौं

न्यायाधीश र कर्मचारी अभावमा मुद्दा फर्छ्यौटमा समस्या

२६ फागुन, भक्तपुर । भक्तपुर जिल्ला अदालतमा वार्षिक करिब दुई हजार ५०० मुद्दा दर्ता हुने गरेपनि न्यायाधीश र कर्मचारीको अभावले मुद्दा फर्छ्यौटमा समस्या परेको जिल्ला अदालत भक्तपुरले जानकारी दिएको छ ।

न्यायाधीश र कर्मचारीको अभावले अदालतमा दर्ता भएकामध्ये ६० प्रतिशत मुद्दाको मात्र फैसला हुने गरेको अदालतको तथ्याङ्कले देखाएको छ ।

दर्ता भएका दुई हजार ५०० मुद्दामध्ये गत पुसभन्दा अगाडिसम्म एकजना न्यायाधीशले वार्षिक ८०० मुद्दा हेर्नुपर्ने भएपनि पुसको दोस्रो सातापछि दुई न्यायाधीशको दरबन्दी थप भए तर मुद्दा फर्छ्यौटले तदारुकता पाएको छैन ।

अदालतमा पाँच न्यायाधीशको दरबन्दी रहेको छ । यो हिसाबले एकजनाले वार्षिक करिब ५०० मुद्दा हेर्नुपर्ने हुन्छ ।

बढ्दो मुद्दाको सङ्ख्या, दक्ष जनशक्तिको अभावका कारण समयमै मुद्दाको फैसला गर्न नसकिएको अदालतका श्रेस्तेदार खड्कराज अधिकारीले जानकारी दिनुभयो ।

अधिकारीका अनुसार जिल्ला अदालत भक्तपुरमा दैनिक २०/२५ को सङ्ख्यामा मुद्दा दर्ता हुने गरेको छ ।

आव २०७०/७१ मा एक हजार ४१७ मुद्दा दर्ता भएकामा एक हजार ३८६ मुद्दाको फैसला भएको थियो । त्यसैगरी भक्तपुर अदालतमा आव २०७१/७२ मा एक हजार ६०८ मुद्दा दर्ता भएकामा एक हजार ५८९ मुद्दा मात्रै फैसला भएको अदालतले जनाएको छ । रासस

यो समग्री नेपाल१२३.com मा पुरै पढौं

पार्टी खारेज भएपछि मन्त्री सिंहले भने-निर्वाचन आयोगले वितण्डा मच्चायो

२६ फागुन, काठमाडौं । खानेपानी तथा सरसफाई मन्त्री एवम समाजवादी जनता पार्टीका अध्यक्ष प्रेम बहादुर सिंहले निर्वाचन आयोगले संविधान र कानून विपरित आफ्नो दल खारेज गरेको आरोप लगाएका छन् । उनले आयोगको निर्णयविरुद्ध सर्वोच्च अदालत जाने बताए ।

रिपोर्टर्स क्लब नेपालले बुधबार आयोजना गरेको साक्षात्कारमा मन्त्री सिंहले भने, ‘संविधानको धारा २७० ले दलमाथि प्रतिबन्ध लगाउन नपाउने स्पष्ट व्यवस्था गरेको छ । तर, निर्वाचन आयुक्तमा राजा महेन्द्रको आत्मा प्रवेश गरेर वितण्डा मच्चा उने काम भएको छ ।’

नजिर बसाएर राजनीतिक दलहरुलाई प्रतिबन्ध लगाएर तर्साउने योजना रचिएको उनको दाबी थियो । लोकतान्त्रिक मुलुकमा राजनीतिक दल खारेज गर्ने निर्णय विडम्बनापूर्ण भएको उनले बताए ।

मन्त्री सिंहले राजनीतिक दलहरु दलदर्ता ऐन अनुसार दर्ता हुने हुँदा कारवाही पनि दल दर्ता ऐन अनुसार नै हुनु पर्नेमा बदनीयतपूर्ण ढंगले निर्वाचन ऐन अनुसार गरिएको दाबी गरे ।

उनले संसदीय सुनवाई नभएका निर्वाचन प्रमुख निर्वाचन आयूक्त अयोधि यादवको संवैधानिक हैसियतमाथि प्रश्न समेत उठाए ।

कुनै पनि राजनीतिक दलले आय ब्यय विवरण नबुझाउँदा सचेत गर्ने वा १०० रुपैयाँ जरिवाना गर्ने व्यवस्था रहेकोमा कसैलाई सोही अनुसार र कसैलाई बदनीयतपूर्ण काम गरेको आरोप लगाए । मन्त्री सिंहले भने, ‘कानूनको समान प्रयोग भएन । कसैलाई दलदर्ता ऐन अनुसार र कसैलाई निर्वाचन आयोग ऐन अनुसार कारवाही भयो ।’

मन्त्री सिंहले आफू २०७० सालमा नै निर्वाचन आयोगमा आयब्ययको विवरण बुझाएको भए पनि निर्वाचन आयोगमा रेकर्ड नराखेको आरोप लगाए । अहिले भने आफूसँग भएको तथ्याङ्क भैचालोमा परेर नष्ट भएकोले बुझाउन नसकेको उनको दाबी गिथयो ।

यो समग्री नेपाल१२३.com मा पुरै पढौं

भूमिहीनको प्रश्न- गरिबको घर जलाएर कसरी सरकार चलाउछौ ?

सनिउल्ला धोवी

२६ फागुन, चन्द्रौटा । कपिलवस्तुका भूमिहीन सुकुम्बासीहरुले सरकारबाट राहत भन्दा आहत धेरै पाएको गुनासो गरेका छन् । सरकारले विभिन्न समयमा फाराम भर्न लगाएर राजस्वमात्र असुलीरहेको तर आफूहरुको पक्षमा काम नगरेको उनीहरुको आरोप छ ।

बुधबार चन्द्रौटाको सहज नेपालको भवनमा कपिलवस्तु भूमि अधिकार मञ्च नेपालको नवौं साधारण सभा तथा चौथो अधिवेशन आयोजना गरिएको थियो । भित्तामा टाँगिएका ब्यानरमा लेखिएका थिए- ‘हाम्रै नारा हाम्रै भोट, बिर्सियौ बाचा दियौ चोट’, ‘गरिबको घर जलाउँछौ, कसरी सरकार चलाउछौ ?’

कपिलवस्तुमा अझै पनि १८ हजार भूमिहीन सुकुम्बासी रहेको अनुमान छ ।

कपिलवस्तु भूमिहीन अधिकार मन्च नेपालका अध्यक्ष प्रमोद पौडेलले नेताहरुले बिभिन्न आश्वासन दिएर भोट माग्ने तर चुनाव जितेपछि आफूहरुलाई बिर्सिने गरेको गुनासो गरेकाले यस्ता नारा लेख्न बाध्य भएको बताए ।

भूमि अधिकार मञ्च नेपालका केन्द्रीय अध्यक्ष लेमबहादुर दर्जीले सरकारले आफूहरुलाई दोस्रो दर्जाको नगरिकको रुपमा हेरेको आरोप लगाए ।

कार्यक्रममा नेपाल भूमि अधिकार मञ्च नेपालकी केन्द्रीय सदस्य बसन्ती चौधरी, समाजसेवी हरिप्रसाद पोखरेल लगायतले धारणा राखेका थिए ।

साधारण सभा तथा अधिवेशन बिहीबार नयाँ नेतृत्व चयन गर्दै सकिनेछ । कार्यक्रममा कपिलवस्तुका सय भन्दा बढी भूमिहीनहरुको सहभागीता छ ।

यो समग्री नेपाल१२३.com मा पुरै पढौं

रत्ननगरमा नमुना सडक निर्माण थालियो

२६ फागुन, चितवन। पूर्व पश्चिम राजमार्गको स्तरोन्नति गर्ने कार्यक्रमअन्तर्गत रत्ननगरको टाँडी बजारमा नमुना सडकको निर्माण थालिएको छ ।

रत्ननगरको टाँडीबजारमा निर्माण गर्न सुरु गरिएको चार लेन सडक एक वर्षभित्र सम्पन्न गर्ने गरी कामलाई तीव्रता दिइएको छ ।

रत्ननगरको निपनीदेखि लौरीघोलसम्मको दुई किलोमिटर ३०० मिटर लामो उक्त सडक निर्माणको जिम्मा डिभिजन सडक कार्यालय भरतपुरले १९ करोड रुपैयाँको लागतमा ठेक्कामार्फत श्रेष्ठ कन्सट्रक्सन प्रालि हेटौँडालाई दिएको हो ।

सो कम्पनीले एक वर्ष तीन महिनामा काम सम्पन्न गर्ने गरी सडक डिभिजन कार्यालय भरतपुरसँग ठेक्का सम्झौता गरेको छ । कम्पनीले गत माघ १० गतेदेखि निर्माणको काम सुरु गरेको छ ।

सडक निर्माणका लागि चितवन क्षेत्र नं २ का सांसद शेषनाथ अधिकारी संयोजक रहेको ५७ सदस्यीय सडक निर्माण उपभोक्ता समिति बनाइएको छ । पुरानो ढललाई भत्काएर नयाँ तथा गुणस्तरीय ढल निर्माण र होचो ठाउँमा पर्खाल निर्माणको काम भइरहेको श्रेष्ठ कन्सट्रक्सन प्रालिका सबइन्जिनियर दीपेन्द्र खातीले जानकारी दिए ।

अहिले चार लेन सडकअन्तर्गत सौराहाचोक र टाँडी बजार जोड्ने पुलनजिक कल्भर्ट निर्माणको काम भइरहेको उनले बताए । ढल र पर्खाल निर्माणको काम दुई महिनामा सकेर अन्य काम गर्ने योजना रहेको छ ।

ढल र पर्खाल निर्माणको काम सकिएपछि मूल सडक भत्काएर माटोको सतह मिलाउने (सबग्रेट) काम सुरु हुने उहाँले बताउनुभयो । त्यसपछि सडकमा मिश्रण गिट्टी हाल्ने काम गरिने सबइन्जिनियर खातीले बताए ।

गत मङ्सिरदेखि सडक निर्माणको काम सुरु गर्ने योजना रहे पनि नाकाबन्दीका कारण इन्धन असहज भएकाले निर्माण कार्य तीन महिना ढिलो भएको थियो ।

ढिलो भएको समयलाई पूर्ति गर्ने गरी कामलाई तीव्रता दिइएको खातीले बताए । रत्ननगरको निपनीदेखि लौरीघोलसम्म सरकारले राष्ट्रिय आयोजनाअन्तर्गत टाँडी बजारमा पहिलोपटक चार लेन सडक निर्माण गर्न लागेको हो ।

सो सडकमा रफ्तार र ढिलो गरी आवात–जावतका लागि फरक फरक बाटा हुनेछन् भने पैदल यात्रुका लागि छुट्टै बाटो हुनेछ । सडकको बीचमा बगैँचा र सोलार बत्ती जडान गरिनेछ ।

यो ठेक्कामा सोलार बत्ती नपरेको भए पनि पछि सोलार बत्ती र अन्य आवश्यक पूर्वाधार निर्माण हुने जानकारी दिए । यात्रु प्रतीक्षालय, जेब्राक्रस लगायतका सुविधा उक्त सडक क्षेत्रमा हुनेछन् ।

डिभिजन सडक कार्यालय भरतपुरका प्रमुख इन्जिनियर मुकुन्दराज अधिकारीले पूर्वपश्चिम राजमार्ग स्तरोन्नति गर्ने कार्यक्रमअन्तर्गत नमुनाका रुपमा टाँडीको सडक निर्माण हुने बताए ।

नेपाल सरकारले पूर्वपश्चिम राजमार्गलाई ५० मिटर चौडा गरी स्तरोन्नति गर्ने कार्य अगाडि बढाएको छ । सो सडक ५० मिटर फराकिलो हुनेछ । रासस

यो समग्री नेपाल१२३.com मा पुरै पढौं

अक्षराङ्कन प्रणालीबारे पाठ्यपुस्तकमा उल्लेख हुने

२६ फागुन, काठमाडौं । प्रवेशिका परीक्षामा यसै वर्षदेखि लागू भएको अक्षराङ्कन प्रणालीबारे विद्यार्थीलाई जानकारी दिन पाठ्यपुस्तकमा आवश्यक मार्गदर्शन समावेश हुने भएको छ ।

सो प्रणालीमा नपढे पनि उत्तीर्ण हुने जस्ता भ्रमसमेत देखिएकाले त्यसबारे पाठ्यक्रम र पाठ्यपुस्तकबाट स्पष्ट पार्ने काम प्रारम्भ भएको हो ।

पाठ्यक्रम विकास केन्द्रका उपनिर्देशक गेहनाथ गौतमले कक्षा १० का पाठ्यपुस्तकमा उत्तीर्णाङ्क ४० र पूर्णाङ्क १०० लेखिएका सन्दर्भ तथा सो तहको पाठ्यक्रममा शिक्षकलाई दिइनुपर्ने अक्षराङ्कन प्रणालीबारे पद्धतिगत निर्देशन परिमार्जनको कार्य भइरहेको जानकारी दिए ।

पाठ्यक्रम मूल्याङ्कन परिषद्को निर्णयका आधारमा परीक्षा नियन्त्रण कार्यालयले यसै वर्षदेखि प्रवेशिका परीक्षामा सो प्रणाली लागू गरेको हो । सोही प्रणालीका आधारमा आगामी चैतमा पहिलो परीक्षा हुँदैछ ।

गौतमले आगामी संशोधन हुने पाठ्यक्रममा ती सन्दर्भ परिमार्जन हुने बताए । केन्द्रले माध्यमिक तहका पाठ्यक्रम परिमार्जन गरी पाठ्यपुस्तकको मुद्रणीय प्रति तयार गर्ने काम गर्दै आएको छ । रासस

यो समग्री नेपाल१२३.com मा पुरै पढौं

सुटिङ नसकिदै ऋतिकको चलचित्रलाई ४५ करोड

बलिउडमा अहिले स्टार र राम्रो बिषय भएका चलचित्रलाई राम्रो कमाई गर्न खासै समस्या छैन । कुनै बेला निर्माताहरु चलचित्रको बक्स अफिसबाट आउने कमाइमै चित्त वुझाइरहेका हुन्थ्य । तर, अहिलेका निर्मातालाई चलचित्रको चर्चा राम्रो भएको खण्डमा पैसा कमाउने अनेक बाटा छन् ।

नायक ऋतिक रोशन अहिले चलचित्र ‘काबिल’को छायांकनमा व्यस्त छन् । तर, यो चलचित्रको कुनै पनि लुक सार्वजनिक नुहँदै यसलाई एक चर्चित टेलिभिजिन नेटवर्कले महंगो रकममा किनेको छ । स्टार इन्डिया नेटवर्कले यो चलचित्रको टेलिभिजन राइट्सका लागि ४५ करोड तिरेको खबर बलिउड हंगामा अनलाइनमा उल्लेख छ ।

संजय गुप्ताको निर्देशनमा तयार भएको यो चलचित्रमा ऋतिकले यमी गौतमसँग रोमान्स गरिरहेका छन् । चलचित्रको लुक पनि सार्वजनिक नहुँदै यति ठूलो रकम पाएपछि निर्मातालाई चल्नु अगावै फाइदा हुने देखिएको छ ।

यो समग्री नेपाल१२३.com मा पुरै पढौं

खुश्वुलाई लक कहिले लाग्ला ? ६ फिल्म तर छैन रिलिज

चलचित्र ‘साइना’मा पहिलो पटक काम गर्दा नायिका खुश्वु खड्कालाई यो क्षेत्रमा केही गर्ने जोश थियो । चलचित्र क्षेत्रमै लागेर चर्चित नायिका बन्ने सोचले अगाडि बढेकी उनी ७ बर्षदेखि यही क्षेत्रमा छिन् । तर, पहिलो चलचित्र चलेपनि अपेक्षित सफलता पाएन ।

खुश्वुले दोश्रो चलचित्रमा अभियन गरिन्, ‘सुकुलगुण्डा’ । यो चलचित्रमा नायक जीवन लुइटेलसँग उनले स्त्रिmन शेयर गरेकी थिइन् । तर, यो चलचित्र निर्माण भएको लामो समय भैसक्दा पनि रिलिज हुन सकेको छैन ।

खुश्वुले ६ वटा चलचित्रमा अभिनय गरिसकेकी छिन् । कुनै पनि चलचित्र रिलिज नहुँदा उनको करिअर चम्कन सकेको छैन । चलचित्र ‘उहिलेको बाजाको पालामा’ मंसिर महिनामा प्रदर्शनमा आउने भनिएतापनि पछि एकाएक सर्‍यो । अरु केही चलचित्र पनि छन्, जुन रिलिज हुने कुनै अत्तोपत्तो छैन ।

केही म्यूजिक भिडियो र एउटा हिन्दी चलचित्रको गीतको कभर भिडियोमा समेत काम गरेकी खुश्वु भन्छिन्-‘अझै धैर्यता गर्दैछु । हेरौ मेरो पनि समय पक्कै आउला ।’

उनी, अब प्रदर्शन नभएका चलचित्रको प्रदर्शन मिति पर्खनु भन्दा पनि नयाँ प्रोजेक्टमा व्यस्त रहने सोचमा छिन् ।

यो समग्री नेपाल१२३.com मा पुरै पढौं

कमल थापा बैंकक प्रस्थान, भारत हुँदै स्वदेश फर्किने

२६ फागुन, काठमाडौं । उपप्रधानमन्त्री तथा परराष्ट्रमन्त्री कमल थापा ६ सदस्यीय टोलीको नेतृत्व गर्दै बुधबार बिहान थाइल्याण्डको बैंकक प्रस्थान गरेका छन् ।

उपप्रधानमन्त्री तथा परराष्ट्रमन्त्री थापा नेतृत्वको टोली एसियन कोअपरेशन डायलग (एसिडी) को १४ औं मन्त्रीस्तरीय बैठकमा सहभागी  हुन बैंकक गएको हो ।

टोलीमा परराष्ट्र मन्त्रालयका सहसचिव मणिप्रसाद भट्टराई, उपसचिव भरत रेग्मी  लगायत छन् । एसिडीको बैठकलाई उपप्रधानमन्त्री तथा परराष्ट्रमन्त्री थापाले बिहीबारको बैठकमा सम्बोधन गर्ने कार्यक्रम छ ।

एसिडीको बैठकमा सहभागी भएर थापा भारत जाने कार्यक्रम छ ।

एसिडीमा हाल एसियाका ३३ मुलुक सदस्य छन् । एसिडीले १४ औं मन्त्रीस्तरीय बैठकबाट नेपाललाई ३४ औं सदस्यका रुपमा स्वीकार गर्ने तालिका छ ।

भारतमा धार्मिक गुरु रविशंकरले गर्न लागेको धार्मिक सभामा सहभागी भएर उनी २९ फागुनमा स्वदेश फर्किने कार्यक्रम छ ।

यो समग्री नेपाल१२३.com मा पुरै पढौं

प्रोजक्टरमा देखाएर कांग्रेस केन्द्रीय सदस्यको मत गणना

२६ फागुन, काठमाडौं । नेपाली कांग्रेस केन्द्रीय सदस्यको खुलातर्फको मत गणना सुरु भएको छ । पार्टी कार्यालय सानेपामा मत गणना सुरु भएको हो ।

मत गणनाका लागि प्रोजेक्टर समेत प्रयोग गरिएको छ । २५ केन्द्रीय सदस्यका लागि ९० उम्मेदवार छन् ।

सबै उम्मेदवारले प्रतिनिधि राख्न पाउनु पर्ने माग गरेपछि निर्वाचन समितिका प्रतिनिधिले मञ्चमा बसेर मतपत्रलाई प्रोजेक्टरमा देखाएर मात्र गन्ने व्यवस्था गरिएको छ । उम्मेदवारका प्रतिनिधिहरु हलमा बसेका छन् ।

२५ भन्दा बढी उम्मेदवारलाई मत दिएको मतपत्र बदर गर्ने समझदारी भएको छ ।

५०/५० मतपत्रको बिटो बनाइएको छ । एउटा बिटो गन्न कति समय लाग्छ भन्ने आधारमा परिणाम आउने समय अनुमान लगाउन सकिने बताइएको छ ।

खुलाको सकिएपछि आरक्षणतर्फको मत गणना हुनेछ । कांग्रेसको १३ औं महाधिवेशनबाट सभापतिमा शेरबहादुर देउवा, महामन्त्रीमा शशांक कोइराला र कोषाध्यक्षमा सीतादेवी यादव निर्वाचित भएका छन् ।

यो समग्री नेपाल१२३.com मा पुरै पढौं

बसाइँ सरेका गाउँलेको पुनर्मिलन समारोह

२६ फागुन तनहुँ । जिल्लाको मिर्लुङ- १ रतनपुरका स्थानीयले पुनर्मिलन समारोह गरेका छन् । रतनपुर स्थायी घर भएर विभिन्न कालखण्डमा जन्मगाउँ बाहिर रहेका, विवाह गरेर अन्यत्र गएका र स्थायी रुपमा नै अन्यन्त्र बसाइँ सरेर गएकाहरू पहिलोपटक पुनर्मिलन समारोह गरिएको हो ।

बाइसघर मिलिजुली महिला समूहको आयोजना र जनकल्याणकोष रतनपुर बाइसघरको व्यवस्थापनमा पुनर्मिलन समारोह गरिएको हो । समारोहमा काठमाडौं, चितवन, गोरखा, लमजुङ, कास्की, धादिङ, नुवाकोट, कञ्चनपुर लगायत जिल्लामा रहेका आफन्त भेला भएका थिए ।

समूहकी अध्यक्ष कल्पना पन्तको अध्यक्षतामा भएको कार्यक्रमको प्रमुख अतिथि डा. विष्णुहरि पण्डित रहेका थिए । कार्यक्रममा समाजसेवी उत्तम प्रकाश पण्डितले कार्यक्रमको उद्देश्यका विषयमा कार्यपत्र प्रस्तुत गर्दै विभिन्न समयमा एउटै धाराको पानी खाएर खेलेर हुर्किएका, एउटै विद्यालय पढेका दाजुभाइ तथा दिदीबहिनीका बीचमा कैयौँ वर्षपछि भेटघाटको अवसर सिर्जना गर्दा हर्षका आँसु आएको बताए ।

समाजसेवी यादवप्रसाद पण्डितले अब गाउँघर छाडेर विभिन्न स्थानमा गएकालाई गाउँ र्फकन आग्रह गर्दै सस्तो दरमा घडेरीको व्यवस्थापन गर्ने बताए । त्यस्तै, रतनपुर-चितवन मिलन समाजका सुवास पण्डित, रतनपुर-काठमाडौं मिलन समाजका उपाध्यक्ष, सन्तोष पण्डित, पूर्वसहसेनानी उपेन्द्र पन्तलगायतले बेलाबेला यस्ता कार्यक्रम आयोजना गर्दै जानुपर्नेमा जोड दिए ।

लामो समयपछि एकापसमा भेट भएका दिदीबहिनी रमाएर एकापसमा अंकमाल गर्दै नाचगान गरेको दृश्य निकै हृदयस्पर्शी देखिन्थ्यो ।

बाइसघरको विकास र समाजसेवा योगदान गरेका उत्तम प्रकाश पण्डित, शिव पन्त र ७० वर्ष उमेर पार गरेका १७ जनालाई सम्मान गरिएको थियो । त्यस्तै, समूहले निर्माण गरेको मन्दिरमा डा. विष्णुहरि पण्डितले सहयोग स्वरुप दिएको गजुर राख्ने र उत्तम पण्डितले आफ्नो आमाको स्मृतिमा दिएको बसाहाको प्रतिस्थापन कार्य गरिएको छ ।

रतनपुर-काठमाडौं मिलन समाजले स्थानीय अर्चले युवा क्लबले आयोजना गरेको भलिबल प्रतियोगिताका लागि खेलकुद सामाग्रीको हस्तान्तरण कार्यक्रम पनि गरिएको छ । स्थानीय शान्ता भुजेल देउजाले आफ्नो स्वर्गीय हजुर आमाको स्मृतिमा निर्माण गरिदिएको सडकपेटीको समेत उद्घाटन गरिएको छ ।

यो समग्री नेपाल१२३.com मा पुरै पढौं

घरकै लैनो भैँसी बेचेर विनोद मलेसियाबाट घर फर्किए

रामचन्द्र नेपाल

‘हजुर, लैनो भैंसी बेचेँ, ४२ हजारमा,’ श्रीमती मेनुकाले विनोदलाई फोनमा भनिन् । यो १० फागुनको कुरा हो । त्यसको हप्ता दिनपछि फेरि भनिन्, ‘हजुर, बाख्रा बेचेँ, पाँच हजारमा ।’

मेनुका महतो, घर सर्लाही जानकीनगर- ३ गंगापुर । मेनुका २१ वर्षीय विनोद महतोकी श्रीमती हुन् । घरमा सासु र तीन वर्षकी छोरी मात्र छन् । उनका श्रीमान विनोद १४ महिनाअगाडि रोजगारीका लागि मलेसियाका आएका थिए । श्रीमान मलेसिया छन् । तर, श्रीमतीले घरमा भैंसी र बाख्रा किन बेच्नुपर्यो त ? कथा लामो छ ।

बाबुआमा गुमाएपछि सुकुम्बासी

विनोद सात वर्षको हुँदा बुवा र आमाको मृत्यु भयो । गाउँमा छिमेकीको बिहे थियो । विनोदकी आमा घर पोत्ने माटो लिन गइन् । माटो खन्दै गर्दा ढिस्कोले पुरिएर आमाको मृत्यु भयो, बुवा पागलजस्तै भए । त्यसको एक वर्षमै बुवा पनि खसे ।

त्यतिबेला विनोदकी बहिनी पाँच वर्षकी थिइन्, बहिनी हुर्काउने जिम्मा उनकै काँधमा थियो । ५ धुर नापीको जग्गा थियो । बुवाआमाको मृत्युपछि आफन्तले उनको जग्गामा पनि आँखा गाडे । भएको जग्गा ठूलाठालुले लगे । उनीसँग अहिले एक कट्ठा ऐलानी जग्गा छ । त्यसैमा फुसको घर बनाएका छन् । त्यो घरले न पानी पर्दा ओत्छ न त घाम नै छेक्छ ।

पन्ध्र वर्षमा भारत

हजुरआमालाई बहिनीको जिम्मा लगाएर विनोद १५ वर्षको उमेरमा भारत पुगे । त्यहाँ कपडा सिलाउने काम सिके । घरको जिम्मेवारी पूरै भएकाले पनि होला निकै मेहनत साथ काम गरे । रातदिन, हिउँद-बर्खा केही भनेनन् । दुई वर्षमा पैसा पनि राम्रै कमाए । नेपाल फर्किएपछि उनी काठमाडौं आइपुगे । काठमाडौं कालोपुलमा रहेको गार्मेट उद्योगमा काम गरे । महिनाको १५ हजार त त्यो बेला उनी सजिलै कमाउँथे ।

सीपलाई गाउँमै प्रयोग

भारतमा सिकेको सीप अनि काठमाडौंमा कमाएको पैसालाई उनले जतनसाथ राखेका थिए । गाउँमा रहेको फरवार्ड भन्ने सहकारीबाट १० हजार ऋण लिएर कपडा सिलाउने मेसिन किनेर आफैँले सिलाउन थाले । कमाएर सहकारीको ऋण पनि समयमै तिरे । पछि २० हजार ऋण लिएर अर्काे सिलाउने मेसिन थपे । बहिनीको विवाह पनि गरिदिए ।

नन्दिनी टेलर्स

थोरै-थोरै जम्मा गरेको पैसाले उनी आफैँ पनि  बिहे गरे । मेहनती विनोदलाई श्रीमतीले पनि निकै साथ दिइन् । यसो गर्दागर्दा एक वर्ष बितेछ । एउटा छोरी समेतको जन्म भयो । छोरी अहिले ती तीन वर्षकी छिन् ।

विनोदले गाउँभन्दा केहीपर हजार बिघा भन्ने ठाउँमा पुगेर सिलाई-कटाईको दोकान खोले । घरबाट सुरु भएको उनको सिलाई-कटाईको यात्रा बजारसम्म पुग्न भ्यायो । यताउता ऋण-धन खोजेर जम्मा भएको ४० हजार रुपैयाँले खोलेको उनको दोकानले राम्ररी कमाई गर्यो । दुई-चार पैसाको दुःख भएन । छोरीको नामबाट खोलिएको नन्दिनी टेलर्सको चर्चा टाढा-टाढा गाउँ हुन थाल्यो । खाली हात बस्नैनपर्ने भयो ।

विदेशको सपना

उनले नेपालमा राम्रै कमाई गरिरहेका थिए । गाउँका ठिटाहरू विदेश गएर आउने-जाने गरिरहँदा आफन्तले उनलाई समेत विदेशको सपना देखाए । ‘ल विनोद यत्रो सीप जानेका छौ, यसरी बसेर हुन्छ ?’ एक आफन्त पर्नेले भने । उनलाई पनि हो कि जस्तै लाग्यो । श्रीमतीलाई समेत नसुनाएर रातभरि सोचे । भोलिपल्ट उनै विदेश पठाउने आफन्तलाई भेटेर सोधे, ‘कति हुन्छ त महिनाको कमाई ?’ जवाफ पाए- लाएर खाएर ४० हजार त कतै नजा ।

पासपोर्टको मुखै देखेनन्

उनी श्रीमतीसँग सरसल्लाह गरेर काठमाडौं पासपोर्ट बनाउन हिँडिहाले । उनलाई विदेश पठाउन आफन्त पर्ने दलाल पनिसँगै काठमाडौं आए । एक हप्तामा पासपोर्ट बन्यो, तर पासपोर्ट कस्तो थियो, आफ्नै फोटो पनि थियो कि पत्ता नपाउँदै ती छिमेकीले पासपोर्ट लिएर भने, ‘ल अब तिमी गाउँ जाउ पैसाको जोहो गर भिसा झरेपछि म बोलाउँछु ।’ उनलाई एक लाख ४० हजार रुपैयाँ तयार गर्न भनियो ।

साहुको दैलो चहार्दै गाउँभरि

विनोद गाउँ फर्केर ऋणका लागि धेरैको दैलो चहारे । आफूले खोलेको पसल ४५ हजारमा बेचे । एक लाख गाउँकै साहुसँग ऋण लिए । ५० हजार रुपैयाँमा त्यही आफन्तपर्नेलाई जग्गा-जमिन दृष्टिबन्धक गरिदिए । आफूले कमाएको १० हजार गरी जम्मा उनीसँग दुई लाख पाँच हजार रुपैयाँ जम्मा भयो । उनले खर्च कटाउन सुरु गरे, पासपोर्ट बनाउँदा १० हजार खर्च भयो । सहकारीको ऋण २० हजार तिरे । घरमा खाना खर्च भनेर ३० हजार रुपैयाँ छाडेपछि बाँकी भएको रकम सबै आफन्तपर्ने दलाललाई बुझाएर दुई वर्षअगाडि उनी डिसेम्बरमा मलेसिया आइपुगे ।

दुःखका दिन एयरपोर्टबाटै सुरु

मलेसियाको एयरपोर्टबाट नै विनोदका दुःखका दिन सुरु भयो । पासपोर्ट लिएको मानिस विनोदलाई भेट्न आएन । मलेसियाको चौधमहिने बसाइँमा उनले कहिल्यै आफ्नो पासपोर्ट देख्न पाएनन् । मलेसियाबाट जोहोरबहरु पुर्याएपछि दलालसँग उनको सम्पर्क कहिल्यै पनि भएन । कम्पनीमा कुरा गर्दा ‘आफ्नो एजेन्टलाई भन’ भनियो ।

१७ कम्पनीमा काम, कमाइ ७५ हजार

चौध महिना मलेसिया बसाइँमा उनले १७ वटा कम्पनीमा काम गरे । तलब माग्दा ‘तिमीहरू इलिगल हौ’ भन्दै पैसा कम दिन्थे ।

मलेसिया बसुन्जेल मासिक तलब उनले बढीमा ७ सय ४७ र कममा ५० रिगेटसम्म पाए । कतिपय कम्पनीले पैसा दिने बेला कुरा गर्दा प्रहरी समेत बोलाउँथे । चौध महिना उनले जसोतसो ७५ हजार रुपैयाँ मात्र नेपाल पठाए ।

श्रीमतीले पठाएको पैसाले उनले एउटा ब्ल्यांकेट, एउटा लाइट, छोरीका लागि चकलेट र हजुरआमाका लागि केही सामान किनेका छन् ।

घर फर्कन भैँसी र बाख्रा बेचे

मलेसियामा अवैधानिकलाई पक्राउ गर्न सुरु गरेपछि विनोदले नेपाल फर्कने योजना बनाए । आफूसँगै काम गर्ने साथीहरुलाई आफ्नै आँखा अगाडि अवैधानिक भनी हतकडी लगाएर लगेको देख्न थाले । त्यसपछि उनलाई मलेसियामा एक छिन पनि बस्न मन भएन । घर फर्कन चाहे, तर फर्कन पैसा थिएन । घरमा फोन गरेर श्रीमती मेनुकालाई भने, ‘घरमा जे छ, त्यही बेच म नेपाल फर्कन चाहन्छु । घरमा पैसा नपठाएको धेरै भएको थियो । पठाएको पैसा सबै खानपिनमै सकिएको थियो । श्रीमतीले घरमा भएको लैनो भैँसी र बाख्रा बेचिन् र श्रीमानलाई नेपाल झिकाउने निधो गरिन् ।

श्रीमतीले पठाएको पैसाले ब्ल्यांकेट किने

यही २५ फागुनमा विनोद मलेसियाबाट काठमाडौं पुगेका छन् । काठमाडौंमा एक संस्थाको सेल्टरहाउसमा बसेर मंगलबार साँझ मात्रै उनी घर पुगेका हुन् । श्रीमतीले पठाएको पैसाले उनले एउटा ब्ल्यांकेट, एउटा लाइट, छोरीका लागि चकलेट र हजुरआमाका लागि केही सामान किनेका छन् । आफैँले सिलाएको रातो सर्ट लगाएका छन् । कालो छालाको जुत्ता लगाएको भए पनि तुना थिएन ।

क्वालालम्पुरमा बिदा हुन थाल्दा गहभरि आँसु पार्दै उनले भने, ‘लहैलहैमा विदेश आएँ । आफ्नैले ठग्दा रैछन् । साहुको ऋण जस्ताको त्यस्तै छ । दृष्टिबन्धक गर्नेलाई कानुनमा ल्याएरै छाड्छु ।’

यो समग्री नेपाल१२३.com मा पुरै पढौं