चितवनको तास कसरी बनाउने ? How to make famous Chitwane Taas

1. Get 4 pounds of raw lamb or खसी को मासु , with little bone (चितवन को जस्तो तास को लागि कुखुराको मासु राम्रो मानिदैन )

2.  Add salt, 2 tea spoons जिराको धुलो , 6 tea spoons of meat masala, 5 to 10 sliced green clilies.

3. Add one tea spoon बेसार

4. Add 2 to 5 cups of sliced garlic and ginger ( you can add as much as you want, भुजा वा चिउरा संग हालेर खान को लागि).

5. Mix all well with mustard oil.

6. Keep it for 4,5 hours

7. Get a flat-thick-bottom cooking pot (flat non sticky pan is okay)

8. Heat some oil and add the meat

9 . Cook in low heat, do not add water or anything

10. If the garlic, zinger, and chilies get red, take them out and cook the meat until it gets done

यो समग्री नेपाल१२३.com मा पुरै पढौं

आजदेखि नवीकरण गर्नेलाई पनि ‘स्मार्ट लाइसेन्स’

६ हजार नयाँ बाँडियो, प्रतिलिपि लिनेले तत्काल नपाउने

९ फागुन, काठमाडौं । तपाईंको सवारी चालक अनुमतिपत्र (लाइसेन्स) को म्याद गुजि्रएको छ ? त्यसो हो भने तपाईंले ‘स्मार्ट लाइसेन्स’ पाउनु हुनेछ

यातायात व्यवस्था विभागले आज आइतबारदेखि काठमाडौंमा नवीकरण हुने लाइसेन्सका लागि पनि स्मार्ट कार्ड वितरण प्रक्रिया सुरु गरेको छ । आजदेखि लागि फारम वितरण सुरु भएको हो ।

यातायात व्यवस्था विभागले बाग्मती अञ्चल कार्यालयमा मंसिरदेखि नयाँ सवारी चलाक अनुमति पत्र लिनेहरुका लागिस्मार्ट लाइसेन्स वितरण थालेको थियो ।

केही दिनअघिदेखि बर्ग थप गर्दा पनि स्मार्ट लाइसेन्स वितरण सुरु गरेको विभागले अब नवीकरण गर्ने चालकलाई पनि स्मार्ट लाइसेन्स नै दिन लागेको हो ।

प्रतिलिपि लिनेलाई पुरानै !

प्राविधिक समस्याका कारण नयाँ चालकलाई मात्र स्मार्ट लाइसेन्स बाँड्नु परेको स्पष्टीकरण दिँदै विभागका प्रवक्ता बसन्त अधिकारीले भने-‘अब चरणबद्ध रुपमा सबै अञ्चलमा स्मार्ट लाइसेन्स दिन सुरु गरिनेछ ।’

तर, विभागले प्रतिलिपी लिनेहरुका लागि अहिले नै नयाँ प्रविधिको लाइसेन्स दिन नसकिने बताएको छ । प्रतिलिपि लिनेहरुका लागि पुरानै प्रविधिको लाइसेन्स वितरण जारी नै रहने भएको छ ।

प्रतिलिपिका रुपमा स्मार्ट लाइसेन्स वितरण थालेपछि झण्डै आधा संख्यका चालकहरुले हराएको दावी गर्ने हुँदा वितरणमा समस्या हुने विभागको भनाइ छ ।

‘तत्काल प्रतिलिपि दिन थालियो भने एकैपटक काठमाडौंमा प्रतिलिपि बनाउने ठूलो भीड लाग्नेछ’ प्रवक्ता अधिकारीले भने-‘सबैलाई एकैपटक स्मार्ट लाइसेन्स जारी गर्न हामी असक्षम छौं । त्यसैले अब एकैसाथ सबै अञ्चलमा स्मार्ट लाइसेन्सको वितरण थालेर प्रतिलिपिको लागि पनि खुला गर्नेछौं ।’

विभागले हालसम्म्म ६ हजार स्मार्ट लाइसेन्स जारी गरिसकेको छ । स्मार्ट कार्ड जारी गर्ने क्रम तीब भएपनि त्यसको अनुगमनका लागि ट्राफिक प्रहरीसँग आवश्यक प्रणाली र उपकरण नहुँदा समस्या भएको छ ।

विभागका महानिर्देशक चन्द्रमान श्रेष्ठले ट्राफिकलाई लाईसेन्सको नियमनका लागि प्रदान गर्ने उपकरण रक्सौल आइपुगेको बताए । काठमाडौं ल्याउनासाथ ट्राफिकलाई उपकरण हस्तान्तरण गर्ने विभागको योजना छ ।

यो समग्री नेपाल१२३.com मा पुरै पढौं

मधेसका अधिकांश गाविसमा नक्कली परिषद्

आन्दोलनको बाहानामा आर्थिक चलखेल तीब्र

सुभाषप्रसाद साह

९ फागुन, कलैया । बारा जिल्लाको अधिकांश गाविसहरुमा यतिखेतर गाउँ परिषद् गर्ने चटारो परेको छ । विगत ६ महिनाभन्दा बढि तराई मधेसमा आन्दोलन चलेकोले पुष मसान्त भित्र हुनुपर्ने भएपनि जिल्लाका धेरैजसो गाविस र नगरहरुमा गाउँ परिषद् अहिलेसम्म हुन सकेको छैन ।

जिल्ला विकास समितिले गत फागुन ४ गते सचिवहरुको मासिक बैठकमा एकसाता भित्र गाउँ तथा नगरहरुको परिषद् सम्पन्न गर्न निर्देशन दिई सकेको स्थानीय विकास अधिकारी नाराणबहादुर पाण्डेले बताए ।

बारामा ६ नगरपालिका सहित ६८ वटा गाविसहरु छ । मधेस आन्दोलनकै वेला तीन नगरपालिकाहरु कोल्हवी, गढिमाई र निजगढ तथा २७ वटा गाविसहरुले गाउँ परिषद् सम्मन्न गरेको जिविसले जनाएको छ । कलैया, महागढीमाई र सिम्रौनगढ नगरपालिकाको हालसम्म परिषद् हुन सकेको छैन । तर यस अवधिमा भएका र हाल हुँदै गरेका अधिकाशं गाविसका सचिवहरुले खुला रुपमा नभई सदुमुकाम र गोप्य रुपमा परिषद् सम्पन्न गर्ने गरेको आरोप लागेको छ ।

सरोकारवाला, सर्वसाधारण र राजनीतिक दलका प्रतिनिधिहरुको रोहवरमा खुल्ला रुपमा गाउँ परिषद् गर्नुपर्ने भएपनि कागजी रुपमै परिषद् भईरहेको नागरिकको गुनासो छ । मधेसी मोर्चाले आहवान गरेका तराई मधेस बन्दका वेला गाउँ तथा नगर परिषद् गर्न केही असहज भएपनि अहिलो सहज परिस्थिति छ । तर अन्दोलनकै बहाना बनाई कतिपय गाविस सचिवहरुले सदरमुकाम त केहीले गाउँमै गोप्य रुपमा परिषद् गरिरहेको जनगुनासो आईरहेको जिविस स्रोतले जनाएको छ ।

यता स्थानीय विकास अधिकारी पाण्डेका अनुसार केही गाविसहरुमा मधेस आन्दोलनको बढि प्रभाव भएकाले कम सहभागितामा परिषद् भएको हुनसक्ने स्वीकार गर्दै जिविसले सवै सरोकारवालाहरुको अनिवार्य उपस्थिति र कोरम पुर्‍याएर परिषद् गर्न सचिवहरुलाई निर्देशन दिएको बताए ।

तराई मधेसमा चलेको आन्दोलनले समयमा नै गाउँ परिषद् तथा नगरपरिषदहरु हुन नसक्दा जिल्ला परिषद्लाई समेत प्रभाव परेको स्थानीय बिकाश अधिकारी पाण्डेले बताए । फागुनको अन्तिम साता सम्ममा जिल्ला परिषद गरिने पक्कापक्कि भएकाले १५ गतेदेखी ईलाका स्तरीय गोष्ठीहरु सुरु गर्ने उनले बताए ।

गढीमाईमा जताततै फोहर

यसैवीच बिश्व प्रसिद्ध धार्मिक, ऐतिहासिक एवं पर्यटकीय स्थल बाराको महागढीमाई नगरपालिकाको बरियारपुर स्थित गढीमाई मन्दिर व्यवस्थापनको अभावमा अस्तव्यस्त बनेको छ ।

मन्दिरको व्यवस्थापनमा नगरपालिका र स्थानीय जनता कोहीपनि सचेत भएको पाइदैन । जुत्ता चप्पल लगाएर मन्दिर प्रबेश गर्ने, मंन्दिरको परिसर भित्र गुट्खा, धूमपान, गाँजा सेवन गर्ने गरेको पुजारी कपिलदेव चौधरीले दुखेसो पोखे ।

गढीमाई पोखरीलाई निर्मल पोखरी भनिन्छ । बाहिरबाट आएका भक्तजनहरुले पोखरीको पानीलाई मन्दिरमा जलको रुपमा प्रयोग गर्छन् । तर स्थानीयबासिन्दाले यसलाई नर्क बनाएर राखेको पुजारी चौधरीले बताए । पोखरीमा कपाडा धुने गरिन्छ जसले गर्दा पानी प्रदुषित बनेको छ

यस्ता कार्यप्रति ट्रस्ट समिती र प्रहरी प्रशासन मुकदर्शक बनेका छन् । मन्दिर व्यवस्थापन समिति र प्रहरी प्रशासनको चरम लापरवाहीले बिश्वमै प्रसिद्ध रहेको यस धार्मिक नगरी फाहोर भएकोमा नागरिक समाजले चिन्ता व्यक्त गरेका छन् ।

यो समग्री नेपाल१२३.com मा पुरै पढौं

वीरगञ्जबाट दैनिक २० लाख लिटर तेल भित्रिँदै, बजार भने सुक्खै

तेलको सीमा हटाउने निगमको तयारी

९ फागुन, काठमाडौं । बजारमा तेलको ‘सुख्खायाम’ कायमै छ । पम्पहरुमा अझै उपभोक्ताको लामो लाइन छ । धेरैले अझै ब्ल्याककै तेल हालिरहेका छन् ।

तेल आपूर्तिको सम्पूर्ण जिम्मा लिएको नेपाल आयल निगम भने भारतबाट माग बमोजिम तेल नआएका कारण तेलको ‘सुख्खायाम’ नहटेको बताइरहेको छ ।

निगमका अनुसार भारतबाट अहिले दैनिक ३३ लाख लिटर तेल नेपाल भित्रिरहेको छ । यसमा पेट्रोलको परिमाण झण्डै ६ लाख लिटरभन्दा माथि रहेको निगम प्रवक्ता मुकुन्द घिमिरे बताउँछन् ।

भारतीय आयल कर्पोरेशनको रक्सौल डिपोले मात्रै दैनिक २० लाख लिटर तेल दिइरहेको छ । अन्य डिपोहरुले १३ लाख लिटरसम्म तेल पाएका छन् ।

घिमिरेका अनुसार ३ दिन अघिसम्म १७ लाख लिटर तेल दिइरहेको रक्सौलले दुईदिन यता बढाएर २० लाख लिटर पुर्‍याएको छ ।रक्सौलबाट दैनिक ३ लाख लिटरसम्म पेट्रोल लोड भएको छ । यस्तै दिनमा ११ लाख लिटर डिजेल वीरगञ्ज भएर भित्रिँदैछ भने हवाइ इन्धन ६ लाख लिटरसम्म आइरहेको छ । यो लोडिङ दर सामान्य अवस्थाको जत्तिकै हो ।

प्रवक्ता घिमिरे भन्छन्, ‘सामान्य अवस्थामा जत्तिकै तेल बजार पठाउन सुरु गरिसक्यौं । साढे चार महिनाको असहज अवस्थाले धेरै सवारीका ट्यांकी रित्ता छन् । त्यसैले अझै अभाव साम्य भएन ।’

बजारमा तलेको माग उच्च भएकाले आपूर्ति सामान्य नभएको घिमिरेको तर्क छ । बजारको माग आयातले थेग्न नसकेको आयल निगम बताउँछ ।

‘तेल आपूर्ति सामान्य बनाउन रक्सौलबाट दिनमा २८ लाख लिटरसम्म तेल लोड हुनुपर्छ । हामीले अपौचारिकरुपमै मागेका पनि हौं,’ प्रवक्ता घिमिरेले भने, ‘वीरगञ्जबाट दैनिक ६ लाख लिटरभन्दा बढी पेट्रोल आएपछि मात्रै समस्या हटेर जानसक्छ । नत्र अझै केही समय लाग्छ ।’

५ लिटरको सीमाले समस्या

आयल निगमले तेलको सीमा राखेसम्म अभाव कायमै रहने निश्कर्ष पनि निकालेको छ ।

अब मोटरसाइकल र स्कुटरलाई ५ लिटर तथा कार जीपलाई १५ लिटर पेट्रोलको सीमा हटाउनेबारे पनि छलफल हुने घिमिरेले बताए ।

‘५ लिटर तेल दिँदा एउटै उपभोक्ता दैनिकजसो लाइनमा आएको महसुस हामीले गरेका छौं । यो सीमा हटाउनेबारे छलफल हुँदैछ ।’ प्रवक्ता घिमिरेले भने ।

यो समग्री नेपाल१२३.com मा पुरै पढौं

गजलः तिम्ले साह्रै छोटो जीवन जियौ र त रोएँ

पदम भण्डारी

मेरो मुटु कलेजोमा थियौ र त रोएँ
एकैचोटी ठूलो चोट दियौ र त रोएँ

दिल दुख्दा पनि आशा भरोसामा थिएँ
तर आज फरक बाटो लियौ र त रोएँ

सिन्कीजस्तै भईछौ केको पीर-सुर्ता पऱ्यो
त्यति साह्रै दुब्लाएर खियौ र त रोएँ

के भएर शून्य लाग्यो छिटै टाढा भयौ
तिम्ले साह्रै छोटो जीवन जियौ र त रोएँ

तिम्रो काख घोप्टिएर रोएका दिन सम्झें
जीवनदेखि हारी विष, पियौ र त रोएँ

यो समग्री नेपाल१२३.com मा पुरै पढौं

‘कथामा अल्झिएका प्रेम’ सार्वजनिक

फागुन ८, काठमाडौं । संगीता श्रेष्ठद्वार लिखित ‘कथामा अल्झिएका प्रेम’ पुस्तक शनिबार सार्वजनिक भएको छ ।

कालिकास्थानस्थित पब्लिकेशन्स नेपालयको मञ्चबाट लेखिका श्रेष्ठ र पूर्व मिस नेपाल माल्भिका सुब्बाले पुस्तकको विमोचन गरे ।

उनीहरु दुवै टेलिभिजनका सहकर्मी पनि हुन् । श्रेष्ठ १५ महिने छोरीकी आमा हुन् भने सुब्बा केहि दिनमै आमा बन्दै छिन् ।

पुस्तक सार्वजनिक गर्दै माल्भिकाले श्रेष्ठलाई पुस्तक लेखिका बन्दाको अनुभव सोधिन् । श्रेष्ठले भनिन्-‘जन्मिनासाथ छोरीलाई बोक्दा जस्तो अनुभव भएको थियो, आज पुस्तक हातमा हुँदा उस्तै अनुभव भयो ।’

कार्यक्रममा नेपालका शहरी महिला, उनीहरुको मन र कामकाजी जीवनका भोगाइहरुबारे संवाद पनि भयो । पुस्तकका कथाहरुजस्तै प्रेम र त्यसपछि विकास हुने सम्बन्धको बारेमा सहभागीले खुलेरै चर्चा गरे । पुरुष र पतिका विषयमा पनि चर्चा भए ।

पाँच दर्जनभन्दा बढी म्यूजिक भिडियो निर्माण गरेकी श्रेष्ठले बीचमा केहि समय श्रृंखलावद्ध टेलिफिल्म ‘कथा प्रेमका’ निर्माण गरेकी थिइन् ।

यो समग्री नेपाल१२३.com मा पुरै पढौं

शुभेच्छाको मखमली चैतमा

शुभेच्छाको मखमली चैतमा फागुन ७ । चलचित्र बिन्दास–३ प्रदर्शन भैरहेको छ । गत माघ २२ गतेबाट प्रदर्शन सुरु भएको चलचित्र बिन्दास–३ तेश्रो सातामा प्रवेश गरेको छ । चलचित्र बिन्दास–३ ले हलहरुमा सफलता पाएसगै नायिका शुभेच्छा थापाद्धारा निर्मित चलचित्र मखमली प्रदर्शनको तयारीमा भएको ।

नायिका थापा पनि यति बेला चलचित्र मखमलीको प्रदर्शनको तयारीका लागि व्यस्त रहेकी छन । थापाद्धारा निर्माण गरिएको चलचित्र मखमली आउदो चैत १९ गते प्रदर्शनमा आउन लागेको नायिका थापाले बिजपाटीलाई बताएकी छन । चलचित्रलाई राजु गिरीले निर्देशन गरेका छन भने कलाकारहरुमा नायिका शुभेच्छा थापा, अशोक फुयाँल, जीवन गिरी दुर्गेश थापा लगायतले अभिनय गरेका छन ।

यो समग्री नेपाल१२३.com मा पुरै पढौं

‘फागू’ले करिश्माको कमब्याकलाई सार्थक बनायो त ?

चलचित्र ‘बाबुसाहेब’ पछि नायिका करिश्मा मानन्धरले निर्माण गरेको चलचित्र ‘फागू’ शुक्रबारबाट हलमा लाग्यो । करिब १२ बर्षपछि नायिका मानन्धरले आफ्नै लगानीमा यो चलचित्र बनाएकी हुन् ।

शिल्पा पोख्रेललाई लिडिङ लेडी बनाउँदै करिश्माले चलचित्रमा नयाँ कलाकार सुवास पराजुलीलाई पनि लिइन् ।

उनै करिश्माले बनाएको यो चलचित्रको व्यापारका बारेमा विभिन्न खालका चर्चा भैरहेको छ । शुक्रबार चलचित्रको व्यापार उत्साहजनक थिएन । शनिबार बिदाको दिन पनि भएकाले हुनसक्छ, ‘फागू’को व्यापार बढ्यो । नायिका मानन्धर चलचित्रको व्यापार बढेको बताउँछिन् ।

काठमाण्डौका हलमा शनिबार दर्शकको उल्लेख्य साथ चलचित्रले पाएको वितरक गोपाल कायस्थले दाबी गरे । काठमाण्डौ बाहिर ‘प्रेमगीत र क्लासिक’ले हल नछाडेकाले पनि कम स्थानमा मात्र चलचित्र लाग्यो ।

चलचित्र अर्को साताबाट काठमाण्डौ बाहिरका केही हलमा लाग्नेछ । यसैले पनि यसको व्यापारको बारेमा स्पष्ट खाँका सार्वजनिक गर्न अझै केही समय लाग्नेछ ।

यो समग्री नेपाल१२३.com मा पुरै पढौं

धनुषामा किशोरी शिक्षामा भ्रष्टाचार

राजकमल सिंह

९ फागुन, जनकपुर । धनुषामा विद्यालय बाहिर रहेका किशोरीहरुका लागि सञ्चालित किशोरी शिक्षामा भ्रष्टाचार भएको खुलेको छ ।

विद्यालय जानबाट बञ्चित रहेका १० देखि १६ वर्ष उमेरका किशोरीहरुलाई शिक्षा दिने उद्देश्यले गत बैशाखबाट सञ्चालनमा आएको किशोरी शिक्षा अपेक्षाकृत प्रभावकारी हुन नसकेको पाईएको हो ।

जिल्ला शिक्षा कार्यालय धनुषा संग समन्वय गरी युनिसेफको सहयोगमा लाईफ नेपालले जनकपुर उपमहानगरपालिकाको सहित जिल्लाका ३० स्थानमा किशोरी शिक्षा सञ्चालन गरे पनि पछिल्लो समय नियमित रुपमा कक्षा सञ्चालन नहुँदा योजना प्रभावकारी नभएको जिल्ला शिक्षा कार्यालय धनुषाले जनाएको छ ।

दलित, मुस्लिम, जनजाति सहित विद्यालय जानबाट बञ्चित किशोरीहरुलाई आधारभूत तह अन्तर्गत अनौपचारिक शिक्षाको रुपमा किशोरी शिक्षा कार्यक्रम सञ्चालन गरिएको छ । तर कार्यक्रम सञ्चालनको जिम्मा पाएको संस्था लाईफ नेपालले बजेट दुरुपयोग गर्दै शिक्षा कार्यालयलाई जानकारी नै नदिई कागजी रुपमा कार्यक्रम चलाईरहेको जिल्ला शिक्षा कार्यालय धनुषाका कार्यक्रम अधिकृत शशी यादव बताउछन् ।

जिल्लाको फुलगम्मा र तारापट्टी गाविस, क्षिरेश्वरनाथ नगरपालिका र जनकपुर उपमहानगपालिका सहित ३० स्थानमा सञ्चालन गर्नु पर्ने कक्षा संस्थाको लापरवाहीका कारण नियमित हुन सकेको छैन ।

कार्यक्रम सञ्चालन सम्बन्धमा उक्त संस्थाले जिल्ला शिक्षा कार्यालय र सम्बन्धित गाविस सचिवहरुलाई जानकारी दिनुपर्ने हुन्छ । तर लाईफ नेपालले कार्यक्रम सञ्चालन भइएरहेको बताएपनि सम्बन्धित स्थानीयहरुले कार्यक्रम सञ्चालन नरहेको बताएका छन् ।

३९ लाख ४८ हजार ७०० बजेटमध्ये कक्षा नै संचालन नगरी लाईफ नेपालले जिल्ला शिक्षा कार्यालय र जिल्ला विकास समिति धनुषा मार्फत १७ लाख ३३ हजार ९ सय ३३ रुपैंया भुक्तानी गरिसकेको छ । तर शिक्षा कार्यालयलाई यस सम्बन्धमा कुनै जानकारी नरहेको धनुषाका सहायक जिल्ला शिक्षा अधिकारी मिहिलाल यादवले बताए ।

अनुगमन गएको समयमा केही किशोरीहरुलाई जम्मा गरेर कक्षा सञ्चालनको नाकट मञ्चन भएपनि नियमित कक्षा सञ्चालन नभएको पाइएपछि परियोजनाको उद्देश्य पुरा नहुने निश्चित देखिएको सहायक जिसिअ यादवले बताए ।

यो समग्री नेपाल१२३.com मा पुरै पढौं

नेपाली क्रिकेटलाई निलम्बन गर्न सक्ने आईसीसीको चेतावनी

९ फागुन, काठमाडौं । अन्तराष्ट्रिय क्रिकेट काउन्सिल (आईसीसी)ले क्रिकेटको विवाद तत्काल अन्त्य गरेर नेपाललाई निलम्बन गर्ने संकेत गरेको छ । क्रिकेट संघको विवाद लम्बिरहेका बेला आईसीसीले सम्वद्ध पक्षहरुलाई पत्र पठाएर कडा कदम चाल्ने संकेत दिएको हो ।

आईसीसीका ग्लोबल डेभलोपमेन्ट प्रमुख टीम एन्डरसनले राष्ट्रिय खेलकुद परिषद राखेपका सदस्य सचिव केशवकुमार विष्ट, सरकारद्वारा गठित नेपाल क्रिकेट संघको  तदर्थ समितिका अध्यक्ष रमेश शिलवाल र निर्वाचनबाट चुनिएको क्यानका महासचिव अशोकनाथ प्याकुरेललाई सम्बोधन गरेर पत्र पठाएका छन् ।

पत्रमा एन्डरसनले  नेपालको क्रिकेट संघ दयनीय अवस्थामा रहेको भन्दै नेपाली क्रिकेटले ठूलो मूल्य चुकाउनु पर्ने चेतावनी दिएका छन् ।

मंसिरको अन्तिममा राखेपको अनुमति बिना क्यानको एक समूहले चुनाव गरेर चतुरबहादुर चन्दको नेतृत्वमा बोर्ड बनाएको छ । तर, राखेपले त्यसलाई मान्यता नदिएर रमेश सिलवानको नेतृत्वमा तदर्थ समिति बनाएपछि विवाद सर्वोच्च  अदालतसम्म पुगेको छ । अदालतले अन्तिम निर्णय दिन बाँकी छ, जसका कारण क्यान अहिले बोर्डविहीन र सीईओको भरमा चलेको छ ।

स्रोतका अनुसार अदालत प्रक्रिया लम्बिएपछि चन्द समितिका महासचिव अशोकनाथ प्याकुरेलले एन्सडरसनलाई इमेल गरेका थिए । यसअघिका इमेलहरुमा नोट गरेका छौं भन्ने एन्डरसेनले यो पटक भने तीनै पक्षलाई सम्बोधन गरिएको पत्र पठाए र
निलम्बन हुन सक्ने संकेत गरे ।

एन्डरसनले आगामी अपि्रलमा आईसीसीको बोर्ढ बैठक बस्ने र त्यसबेलासम्म स्थिति  यस्तै रहे निलम्बनसम्मको कारबाही गर्न सक्ने बताएका छन् । आईसीसीका ग्लोबल डेभलोपमेन्ट प्रमुखको पत्र आएको स्वीकार गर्दै एक अधिकारीले भने-‘अमेरिकामा  दुई वटा समिति बनेपछि निलम्बन गरेको थियो । अब हाम्रोमा पनि त्यस्तो  हुनसक्छ भनेर आईसीसीले प्रष्ट संकेत गरेको छ ।’

विश्व क्रिकेट लिग च्याम्पियनससिप अन्तरगत नेपाल र नामिबियाबीच वैशाखमा काठमाडौंमा हुने तय भएको छ । र, आईसीसीले ससर्त नेपालमा खेल गराउन लागेको हो । मैदानको अवस्था, सुरक्षा लगायतका विषयमा उसले चासो राखेको छ ।

नेपालको तयारी  सन्तोषजनक नहुनका साथै प्रशिक्षकविहीन रहेको छ भने विवादका कारण क्यान कर्मचारीको भरमा चलेपछि आईसीसीले चेतावनी दिएको छ । यद्यपि अहिले नै आईसीसी नेपाललाई निलम्बनको निष्कर्षमा पुगिसकेको भन्न  नसकिने उनको तर्क छ । उनले भने, यदि नेपाली क्रिकेटलाई अघि बढाउने हो भने हामी सबै पक्ष एक ठाउँमा उभिनुपर्छ र एउटा निष्कर्षमा पुग्नुपर्छ ।’

तर, सर्वोच्च अदालतले फैसला पनि नगर्ने र सहमति पनि नहुने हो भने नेपालले  अमेरिकाले जस्तै प्रतिवन्ध भोग्नु पर्नेछ ।

नेपाल क्रिकेट संघको विवाद र कमजोरीकै कारण आईसीसीले दिने ९ लाख डलर समेत राखेको छ ।

यो समग्री नेपाल१२३.com मा पुरै पढौं

वर्ल्ड प्रेसले नछोएका नेपाली फोटोग्राफर

श्रीधर पौडेल

काठमाडौं । वर्ल्ड प्रेस फोटोले विश्वभरिबाट उत्कृष्ट फोटोलाई छानेको छ । वर्ल्ड प्रेस फोटो सन् १९५५ मा नेदरल्यान्डमा स्थापित गैरनाफामूलक संस्था हो ।

यसले हरेक वर्ष विश्वभरिका फोटोग्राफरले खिचेका फोटोलाई पुरस्कृत गर्ने गर्छ । विश्वमै वर्ल्ड प्रेस फोटो पुरस्कारलाई महत्त्वपूर्ण रुपमा लिइन्छ ।

यसमा छानिनका लागि आफ्नै प्रक्रिया छ । उसले आवेदन खोलेका बेला विश्वभरका फोटोग्राफरले फोटो पठाउन सक्छन् । यसरी पठाइएका फोटोबाटै विभिन्न क्याटगोरीमा फोटो छानिन्छन् ।

यसपालि वर्ल्ड प्रेस फोटोले आठ क्याटगोरीमा २१ देशका ४१ फोटोग्राफरलाई छानेको छ । जसमा नेपालका दृश्य रहेका फोटो पनि परेका छन् । तर, नेपाली फोटोग्राफरले खिचेका तस्बिर भने छैनन् ।

अमूल थापाको तस्बिर

यसपालि नेपालमा भूकम्पले क्षति गर्यो, धेरै नेपाली फोटोग्राफरले भूकम्पसाग सम्बन्धित तस्बिर खिचे । थुप्रै तस्बिर विश्वस्तरमा चर्चित पनि भए । तर, वल्र्ड प्रेस फोटोको आाखामा भने पर्न सकेनन् ।

यसअघि पनि वल्ड प्रेसमा नेपालका दृश्य छानिएका थिए । मह सिकार, ०६२/६३ को जनआन्दोलन, तिलगंगा हस्पिटलमा गरिएको आखादानलगायत दृश्य वल्र्ड प्रेसले छानेको थियो । जुन नेपाली फोटोग्राफरले नभएर विदेशीले खिचेका थिए ।

नेपालकै दृश्य छानिादा किने नेपाली फोटोग्राफरका फोटो छानिएनन् त ?  यसबारे अनलाइनखबरले केही फोटो पत्रकारको मत लिएको छ ।

चन्द्रशेखर कार्की, वरिष्ठ फोटो पत्रकार 

यो अवार्डमााथि मलाई खासै विश्वास छैन । यहाा जो-जो जर्ज हुन्छन्, त्यही क्षेत्रका फोटोग्राफरका फोटो छानिए जस्तो मलाई लाग्छ । यसले आफ्नो मार्केट हेरेर विजेता बनाउाछ । यसले छानिएका फोटो प्रदर्शनी गर्ने पनि गर्छ । यसरी प्रदर्शनी गर्दा कता बढी व्यापार हुन्छ, त्यही क्षेत्र रोज्छ । यदि नेपालमा प्रदर्शनी हुादा व्यापार हुन्थ्यो भने यहााका फोटोपत्रकारले पनि अवार्ड पाउाथे ।

त्यस्तै, फोटो छान्ने जर्जमा भर पर्छ । नेपाली फोटो एकसे एक थिए । केही कमी-कमजोरी पनि थिए होला । तर, जर्जले र आमदर्शकले हेर्ने नजर फरक हुन्छ । हामी पोस्ट प्रोडक्समा केही चुकेका हुन सक्छौ ।

नरेन्द्र श्रेष्ठ, फोटो पत्रकार, युरोपियन प्रेस एजेन्सी

यसपालि मैले पनि आफूले खिचेका फोटो वल्र्ड प्रेस फोटोलाई पठाएको थिएँ । नेपाली फोटोग्राफरका फोटो पर्नुपथ्र्यो भन्ने धेरैलाई लागेको थियो । किनभने, यसपालि भूकम्पका बेला नेपाली फोटो पत्रकारले विश्वस्तरमै चर्चा पाउने फोटो खिचेका थिए ।

कतिपय फोटोग्राफरले भूकम्प आउादाआउादैको खास घटना झल्काउने खालका फोटोसमेत खिचेका छन् । नेपाली फोटोग्राफरका फोटोले नेपालमा भुइाचालो गएको विश्वस्तरमा सूचना प्रवाह गरेको थियो ।

भूकम्पको समाचार सम्प्रेषण गर्ने बेला विश्वका थुप्रै मिडियाले नेपाली फोटोग्राफरका फोटोलाई नै प्रयोग गरेका थिए । तत्कालीन अवस्थामा हाम्रा फोटोले नै विश्वका मिडिया धानेका थिए । धेरै फोटो भाइरल भएका पनि थिए । हाम्रो फोटोमा पनि क्वालिटी थियो । यति हुादा पनि हाम्रा फोटो वल्र्ड प्रेस फोटोमा किन छानिएनन्, हामीले डिस्कसन गर्नुपर्छ ।

वल्र्ड प्रेसले विश्वस्तरमा चर्चित मिडियामा काम गर्ने फोटोग्राफरलाई मात्रै हेरेको देखिन्छ । विश्वस्तरमा पहुाच नभएका मिडियामा काम गर्ने पत्रकारले खिचेका फोटो पनि राम्रा हुन सक्छन् । अब हामीले हाम्रा फोटो पनि राम्रा छन् भन्ने खालको दाबी कुनै न कुनै किसिमले गर्नुपर्छ, बहस गर्नुपर्छ । यसो गरेनौा भने राम्रो गर्दागर्दै पनि हामी अझै दश वर्षसम्म विश्वस्तरमा नआउन सक्छौँ।

निरञ्जन श्रेष्ठ, फोटो ग्राफर, एपी

यसपालि वर्ल्ड प्रेसमा मैले पनि केही फोटो पठाएको थिएँ । यसपालि छानिएका फोटोमा नेपालका दृश्य पनि छन् । जुन फोटो छानिएको छ, त्योभन्दा धेरै राम्रा फोटो नेपाली फोटोग्राफरले खिचेका थिए ।

हामीले खिचेका फोटो पनि कम छैनन् । तर, छानिएनन् । यसो किन भयो ? नेपाली फोटोग्राफर एक्स्पर्ट नभएर हो कि, अथवा राम्रो फोटोका लागि चाहिने आवश्यक प्राविधिक ज्ञान नभएर हो, अब हामीले यसबारे पनि बुझ्नुपर्छ ।

अब हामीले अन्तर्राष्ट्रिय स्तरका हरेक कन्टेस्टमा निरन्तर भाग लिनपर्छ । त्यही स्तरका वर्कसपहरुमा पनि भाग लिनुपर्छ । इन्टरनेसनल ट्रेन्ड के छ, बुझ्नुपर्छ । यसअघि पनि नेपालका दृश्य छानिएका थिए । नेपाली फोटो पत्रकारका आाखामै नपरेका दृश्य छानिएका होइनन् । यसैले अब हामीले हाम्रा फोटो किन परेनन्, अन्तर्राष्ट्रिय स्तरमै बहस गर्नुपर्छ ।

विकास कार्की, फोटो पत्रकार, महासचिव पीजे क्लब

नेपाली फोटो पत्रकारले  ब्याक ग्राउन्डमा ध्यान दिन सकेका छैनौँ । ‘भिजुअल लिटरेचर’ अनुसार पनि फोटो प्रिजेन्ट गर्न सकेका छैनौँ । फोटो कसरी प्रिजेन्ट गर्ने भन्नेमा पनि कमजोरी छ ।

व्यक्तिगत रुपमा भन्ने हो भने नेपालले अवार्ड पाउाछ भन्नेमा म आशावादी थिइनँ । प्रकाश माथेमा र नरेन्द्र श्रेष्ठको फोटो राम्रो थियो । उहाँहरुले कुन कन्टेन्टमा फोटो पठाउनुभयो, थाहा भएन । अमूल थापाको फोटोमा भने टेक्निकल रुपमा धेरै कमजोरी छ ।

वल्ड प्रेसले आवेदन खोल्दा नै जर्जहरुबारे बताएको हुन्छ । हामीले जर्जहरुबारे पनि जानकारी लिनुपर्छ । उनीहरुले केमा राम्रो गरेका छन्, चिनिएका छन्, त्यसअनुसारको फोटो पठाउन पनि हामीले ध्यान दिनुपर्छ ।

अब हामीले अवार्ड पाएनौँ भन्दा पनि किन पाउनौँ भनेर बहस गर्नुपर्छ ।

नवेश चित्रकार, फोटो पत्रकार, रोयटर्स

हाम्रा फोटो अन्तर्राष्ट्रिय स्तरमै चर्चित थिए । तर, हामीले नियममा रहेरै फोटो पठाएका थियौँ । तर, हामी छानिन सकेनौँ ।

लागेको थियो, नेपाली फोटोग्राफरमध्ये कसै न कसैको कामलाई यसपालि सम्मान गरिन्छ भन्ने । तर, जर्जको आँखामा हामी पर्न सकेनौँ।

हामीले भूकम्पको त्रासका बीच फोटो खिचेका थियौँ, तर विदेशीले दुई-तीन दिन पछि नेपाल आएर खिचेका फोटो छानिएका छन् । यति दुःखले खिचेका बेला पनि छानिएनौँ भने हामीले हाम्रा कमजोरी खोज्नुपर्छ । कमजोरी नहुादा पनि नछानिएका हौँ भने बहस गर्नुपर्छ ।

यो समग्री नेपाल१२३.com मा पुरै पढौं

साउदीमा ३०० नेपाली अलपत्र, प्रवासी मञ्चद्वारा खाद्यान्न सहयोग

९ फागुन, साउदी अरब । पारिश्रमिक नपाएर साउदी अरबमा बिचल्लीमा परेका नेपाली कामदारलाई राहतस्वरुप खाद्यान्न सामग्री प्रदान गरिएको छ ।

साद सह्मी अल हाज्री कम्पनीमा कार्यरत नेपालीलाई साउदीमा क्रियाशील नेपाली संस्था लुम्बिनी प्रवासी सम्पर्क मञ्चले शुक्रबार दमामस्थित सो कम्पनीको आवास क्षेत्रमा पुगेर राहत सामग्री प्रदान गरेको हो ।

मञ्चले पीडित नेपालीका लागि एक क्विन्टल ६० केजी चामल, ६० केजी दाल, ७५ केजी पिठो, २० केजी आलु, १५ केजी प्याज, १८ लिटर तेल, तरकारीलगायतका खाद्यान्न सामग्री सहयोग गरेको हो ।

राहत सामग्री मञ्चका अध्यक्ष मनोज विष्ट तथा महासचिव प्रेम भण्डारीले संयुक्तरुपमा हस्तान्तरण गरे। पारिश्रमिक नपाएकै कारण पीडित नेपाली भोकभोकै बस्न नपरोस् भन्ने उद्देश्यले राहत सामग्री प्रदान गरिएको मञ्चका कोषाध्यक्ष टोपबहादुर कार्कीले जानकारी दिए ।

काम गरेको तलब नपाउँदा उक्त कम्पनीमा कार्यरत नेपाली कामदार भोकभोकै बस्नुपरेको समाचार प्रकाशन भएपछि साउदीमा क्रियाशील नेपाली सङ्घ संस्थाले खाद्यान्न सामग्री सहयोग गर्न थालेको हो।

चार महिनादेखिको तलब नपाउँदा उक्त कम्पनीमा कार्यरत ३०० नेपाली बिचल्लीमा परेका हुन् । रासस

यो समग्री नेपाल१२३.com मा पुरै पढौं

नेपाली दूतावासमा शुक्रबार राति अबेरसम्म भव्य भोज (फोटोफिचर)

चिरञ्जीवी पौडेल

८ फागुन, नयाँ दिल्ली । नयाँ दिल्लीस्थित नेपाली दूतावासले प्रजातन्त्र दिवसका अवसरमा शुक्रबार साँझ ‘अहिलेसम्मकै भव्य भोज’ आयोजना गरेको छ । भारतभ्रमणमा आएका प्रधानमन्त्री केपी ओलीसमेत पाँच सय अतिथिका बीच भएको भोजले दूतावास अबेरसम्म गुलजार बन्यो ।

इन्दिरा गान्धि विमानस्थलमा सुस्मा स्वराजको न्यानो स्वागत खाएका प्रधानमन्त्री ओलीले भोजमा खानेकुरा भने धेरै खाएनन् । भोजमा खानेकुराका आइटमहरु अनगिन्ति थिए । मासु र मदिरा छेलोखोलो भएको भोज राति अबेरसम्म चलेको थियो ।

एयपोर्टबाट सोझै राष्ट्रपति निवास लगिएका प्रधानमन्त्री ओली त्यहाँबाट बेलुकी आठ बजे बारखम्बास्थित नेपाली दूतावास आएका थिए । उनलाई भारतका लागि नेपाल राजदूत दिपकुमार उपाध्यायले स्वागत गरे । प्

रधानमन्त्रीसहित नेपालबाट आएको सारा टोली राष्ट्रिय पोशाकमा थिए । स्रोतका अनुसार प्रधानमन्त्रीले नै सबैलाई अनिवार्यरुपमा लगाउन निर्देशन दिएका थिए । एमाओवादीबाट गृहमन्त्री बनेका शक्ति बस्नेत पहिलोपटक दौरासुरुवालमा ठाँटिएका थिए  ।

प्रधानमन्त्री ओली उनकी पत्नी राधिका शाक्य, उपप्ररधानमन्त्री तथा परराष्ट्रमन्त्री कमल थापा, अर्थमन्त्री विष्णु पौडेल र गृहमन्त्री शक्ति बस्नेतलाई स्टेजमा राखिएको थियो । कार्यक्रममा राजदूत उपाध्यायले स्वागत मन्तव्य व्यक्त गरे ।

कार्यक्रममा नेपालका लागि पूर्व भारतीय राजदूतहरुको सहभागिता थियो । यसैगरी दिल्लीबाट नेपाल हेर्दै आएका अन्य देशका राजदूतहरु पनि कार्यक्रममा सहभागी भए ।

एयरपोर्टमा प्रधानमन्त्रीलाई कालो झण्डा देखाउने विद्यार्थिहरुको समुहले दूतावासबाहिर पनि कालोझण्डा देखाउने प्रयास गरेको थियो । एयरपोर्टमा कुनै हस्तक्षेप नगरेको भारतीय प्रहरीले दूतावास बाहिरबाट भने केहि युवाहरुलाई पक्राउ गरेको छ ।  

यो समग्री नेपाल१२३.com मा पुरै पढौं

शनिबार हैदरावाद हाउसमा जे देखियो…

नेपाललाई पुरानो ललिपप नयाँ प्याकमा बेच्दैछ भारत

 

चिरञ्जीवी पौडेल/नयाँ दिल्ली

पुरानो उत्पादन असरदार हुन छाडेपछि त्यसलाई नयाँ प्याकेजिङका साथ फेरि लञ्च गरेर बिक्री प्रवर्द्धन गर्ने कला मार्केटिङमा महत्वपूर्ण मानिन्छ । यो मार्केटिङ कलाको उपयोग भारतले नेपालका प्रधानमन्त्री केपी ओलीको राजकीय भ्रमणमा गर्न खोजेको छ ।

मोदीको सम्बोधन

शनिबार हैदरावाद हाउसमा भारतीयभन्दा नेपाली पत्रकार धेरै थिए । भारतले नेपाललाई नाकाबन्दी लगाए यता नेपालको विषयमा एक शब्द नबोलेका मोदीले त्यहाँ के बोल्लान् भन्ने चासो पनि नेपाली पत्रकारलाई नै धेरै थियो । तर, मोदीको भाषणले दुई देशबीचको सम्वन्धमा नयाँपनको कुनै संकेत गरेन ।

नेपाली पत्रकार आधाभन्दा बढी रहेको कार्यक्रममा मोदीले हिन्दीमा भाषण गरे । नेपाली पत्रकारलाई अंग्रेजीभन्दा हिन्दी बुझ्न सजिलो हुन्छ भनेर पक्कै होइन उनले हिन्दीमा भाषण गरेको । आफ्नो अहमपना देखाउनलाई हो । भारतको सरकारी कामकाजको भाषा अंग्रेजी हो ।

मोदीले आफ्नो चिप्लोचाप्लो शैली पनि देखाउन चुकेनन् । उनले भने, ‘नेपालमा भूकम्प आउँदा हरेक भारतीयको मन रोयो ।’ उनले नेपालमा भूकम्प जाँदा त्यसको पीडा हरेक भारतीयले महसुस गरेको उल्लेख गरिरहँदा भूकम्पभन्दा ठूलो पीडा दिनेगरी भारतले ६ महिनासम्म नाकाबन्दी लगाएर नेपालीलाई धुरुधुरु रुवाएको विषयलाई भने कोट्याएनन् । नाकाबन्दीका विषयमा क्षमा माग्नु टाढाको कुरा भयो, उनले आफ्नो सम्वोधनमा नाकाबन्दीको उच्चारण नै गरेनन् । न सोझो, न घुमाउरो ।

नेपालको राजनीतिक विषयवस्तुमा उनले पुरानै अडानमा रहेको संकेत गरे । सबै पक्षलाई मिलाएर समस्या समाधान गर्नुपर्ने पुरानो सुगा रटाइ दोहोर्‍याउन चुकेनन् । नेपाल र भारतबीचको कथित अद्वीतीय सम्वन्धको चर्चा गर्न पनि चुकेनन् । यद्यपि, उनले यस्तो चर्चा गर्दा अहिले नेपालीहरुलाई खुशीभन्दा आक्रोशित बनाउँछ ।

पुरानै सम्झौताको नयाँ मार्केटिङ

मुजफ्फरपुर-ढल्केवर प्रशारण लाइनको कुरालाई शनिबार हैदरावाद हाउसमा यति अतिरञ्जित एवं नाटकीय बनाइयो कि मानौं भारतले नेपाललाई कुनै नयाँ उपहार नै दिँदैछ ।

यद्यपि, सो बिजुली भारतले सित्तैमा दिएको होइन । यो दुई देशबीचको भएको किनबेचको प्रसंग मात्रै हो र त्यो पनि नयाँ सम्झौता होइन । पहिल्यै भइसकेको व्यापारिक सम्झौतालाई नयाँ जामा भिराएर ‘स्वीच अन’ को नाटक गरिएको छ ।

शनिबार गरिएका अन्य सम्झौता पनि नेपालका लागि बासीभात जस्ता हुन्, जसलाई भारतले भुटभाट पारेर ‘फ्राइ राइस’ भन्दै पस्केको छ ।

जस्तो कि- भूकम्पपछि भारतले नेपाललाई पुनर्निर्माणका लागि एक अर्ब अमेरिकी डलर सहयोग दिने प्रतिवद्धता जनाएको थियो । तत्कालीन सुशील कोइरालाले गरेको दाता सम्मेलनमा नै सो प्रतिवद्धता आएको हो । त्यही सम्झौतालाई अहिले फेरि नयाँ प्याकेजिङका साथ मार्केटिङ गरेको छ । विपतमा दिएको सहयोगका लागि खर्चका क्षेत्रहरु तोक्नलाई समेत दुई देशका परराष्ट्रमन्त्री स्तरमा सम्झौता गराउनु आवश्यक थिएन ।

भारतले दिने भनेको १ अर्बमध्ये २५ करोड डलर मात्रै अनुदान हो । बाँकी ७५ करोड डलर ऋण हो, जुन नेपालले ब्याजसहित उसलाई तिर्नुपर्छ । जबकि अर्को छिमेकी चीनले पुननिर्माणका लागि दिएको ७६ करोड डलर सिंगै अनुदान हो । भारतले भन्दा तीन गुणा बढि अनुदानको प्रतिवद्धता गरेको चीनले कुनै मार्केटिङ गरेको छैन ।

भूकम्प जानुभन्दा अघि नै मोदी नेपालमा आउँदा पनि एक अर्ब डलर ऋण दिने एकतर्फी घोषणा गरेका थिए । पुराना ऋणहरु नै सदुपयोग गर्न नसकेको नेपाललाई उनले नमागेको ऋण बोकाएका थिए । अनि त्यसलाई अनुदान नै दिएजसरी चर्को मार्केटिङ गरे ।

भूकम्पपछि फेरि ७५ अर्ब रुपैयाँ ऋण बोकाएका छन् । भारतले यसरी बोकाएको ऋणले नेपाललाई माथि उठाउनेभन्दा तल धसाउने खतरा ज्यादा छ ।

नेपालको तराईमा हुलाकी सडक निर्माणका विषयमा पनि सम्झौता गरिएको छ । यसमा त झन् नयाँ कुरा केही पनि छैन । पुरानै प्रतिवद्धतालाई कार्यान्वयन गर्ने भनेर अर्थहिन सम्झौता गरिएको छ ।

यसैगरी प्रबुद्ध नागरिकको समुह गठन गर्ने कुरालाई साताैं सम्झौताका रुपमा उल्लेख गरिएको छ । जबकि यो पहिल्यै, सन् २०१४ मै निर्णय भइसकेको कुरा हो । अहिले भारतका तर्फबाट चार जनाको नाम मात्रै आएको हो ।

शनिबार गरिएका भनिएका सम्झौताहरुमध्ये विशाखापटनम बन्दरगाहसम्मको पहुँच दिने सम्झौतामा मात्रै अलिकति नयाँपन देखिन्छ । यसबाट तेस्रो मुलुकसम्म नेपालको आयात-निर्यात सहज हुने अपेक्षा गरिएको छ । तथापि, भारतले नेपालको चीनसँगको सम्भावित व्यापार सम्झौतालाई निस्तेज पार्नका लागि लिएको रणनीति मात्रै पनि हुन सक्छ । त्यसैले भोलि यसको कार्यान्वयनमा नेपाल ढुक्क हुने अवस्था छैन ।

ओलीको सम्वोधन

नेपालमा हँसीमजाक र उखान तुक्कायुक्त भाषणका लागि चर्चित प्रधानमन्त्री ओलीले संयुक्त पत्रकार सम्मेलनमा अंग्रेजीमा लिखित भाषण गरेका थिए, जसमा कतै पनि ओलीको मौलिक छाप थिएन ।

भारत-नेपालको विशेषखालको सम्वन्ध भन्नुको साटो उनले ‘महत्वपूर्ण सम्वन्ध’ भनिदिए । उनले नेपालको संविधानमा रहेका विशेषताहरुको फेहरिस्त प्रस्तुत गरेनन् । बरु नेपालमा राजनीतिक विवाद सकिएको र अब आर्थिक एजेन्डामा देश अघि बढ्ने भन्दै मधेस आन्दोलनको च्याप्टर बन्द भएको सन्देश दिन खोजे ।

मधेसी मोर्चाले नाकामा गएर दिएको धर्नालाई ओलीले घुमाउरो ढंगले प्रहार गर्न पनि भ्याए । उनले भने, ‘दुई देशबीचको खुल्ला सीमाको अवाञ्छित तत्वहरुले दुरुपयोग नगरुन् भन्नेमा हामी दुवै सहमत भयौं ।’

ओलीले दुई देशबीच कायम रहेका असमझदारी अन्त्य भएको घोषणा पनि गरिदिए । यद्यपि मोदीको सम्वोधनलाई हेर्दा असमझदारी पूर्णरुपमा अन्त्य नभएको लक्षण प्रष्ट देखिएको छ ।

द्वीपक्षीय वार्तामा पनि ओलीको प्रस्तुति प्रभावशाली रहेको वार्ताका सहभागीहरुले बताएका छन् । भारतीय प्रधानमन्त्रीसँगको ‘वान टु वान’ वार्तामा भएका कुराकानीका विषयवस्तु बाहिर नआएता पनि समूह बैठकमा उनले खुलेर नेपालका स्वार्थका कुराहरु उठाएका थिए ।

सूत्रहरुको दाबी अनुसार ओलीले १९५० को सन्धि पुनरावलोकनदेखि कालापानी, सुस्तालगायतका क्षेत्रमा नेपालको सीमाना भारतले मिचेको सन्दर्भ समेत उठाए । यसैगरी भारतले होल्ड गरेर राखेका नेपालका जलविद्युत आयोजनाका विषयमा पनि उनले असन्तुष्टि राखेका थिए । पञ्चेश्वरका विषयमा ओलीले आफ्नो मन्यव्यमै छुवाएका थिए ।

भारत भ्रमणमा गएर देश हितविपरीत कुनै सम्झौता गर्दिँन भनेर ओलीले काठमाडौमा वाचा गरेका थिए । यदि नेताहरुको भित्री छलफलमा कुनै गोप्य लेनदेन भएको छैन भने यो भ्रमणबाट भारतले खासै केही हासिल गर्न सकेको छैन । नेपालका लागि केही नगुमाउनु पनि उपलब्धि नै हो कि ?

यो समग्री नेपाल१२३.com मा पुरै पढौं

सात महिनाकी नाबालिका जेलमा बस्नुपर्ने !

८ फागुन, जाजरकोट । बहुविवाहको आरोपमा जेल सजाय भोग्दै आएका आफ्ना अभिभावकसँग सात महिनाकी नाबालिकाले जेलभित्र बस्नुपर्ने अवस्था आएको छ ।

भेरी मालिका नगरपालिका–११ कुदुकी सात महिनाकी नाबालिका विन्दु सुनारलाई जेलभित्र बस्नुपर्ने अवस्था आएको हो ।

बहुविवाहको मुद्दामा उनका बुबा टेकेन्द्र सुनार र आमा लक्ष्मी सुनारले जेलको सजाय पाएपछि आमासँगै विन्दुलाई जेलमै बस्नुपर्ने स्थिति सिर्जना भएको छ ।

सदरमुकाम खलङ्गा नजिकैको कुदु गाउँका टेकेन्द्र र लक्ष्मीले बहुविवाह गरेको अभियोगमा जेल सजाय पाउने भएका छन् ।

घरमा श्रीमती हुँदाहुँदै कान्छी बिहे गरेको भन्दै टेकेन्द्रकी जेठी श्रीमती काली सुनारले बहुविवाहको मुद्दा हालेपछि दुवैले अदालतको फैसलाबाट जेल सजाय पाएका हुन् ।

टेकेन्द्रलाई जिल्ला कारागार जाजरकोटमा राखिएको छ भने लक्ष्मीलाई प्रहरी कार्यालयकै हिरासतमा रखिएको छ ।

नाबालिकासहित लक्ष्मीलाई भोलि नै बर्दिया जिल्ला कारागारमा पठाउन लागिएको प्रहरी नायब उपरीक्षक दानबहादुर मल्लले जानकारी दिए ।

अदालतले टेकेन्द्रलाइ १४ महिनाको र लक्ष्मीलाई ११ महिनाको जेल सजाय सुनाएपनि विशेष छुट भन्दै टेकेन्द्रले ११ महिना र लक्ष्मीले नौ महिनाको जेल जीवन बिताउनुपर्ने भएको छ ।

सामान्य परिवारकी लक्ष्मीले डेढ वर्षअघि टेकेन्द्रसँग प्रेम गरी भागी विवाह गरेकी थिइन् । घरमा स्याहार गरिदिने कोही पनि नभएपछि आमाको दूध खाइरहेकी विन्दुलाई आफूसँगै राख्नुपरेको लक्ष्मीको भनाइ छ ।

जता आमा उतै विन्दुको बसाइँ छ । जिल्लामा बहुविवाहका घटना धेरै भए पनि त्यति उजुरी नपर्ने जाजरकोटमा अधिकांश घटना लापर्वाही र जनचेतनाको अभावमा बाहिर नआउने गरेको महिला तथा बालबालिका कार्यालय जाजरकोटले जनाएको छ ।

जिल्लामा खुल्ला समाज र बहुविवाह गरे पनि के हुन्छ भन्ने गलत सोचका कारण बहुविवाह धेरै हुने र उजुरी नपर्ने गरेको पाइएको छ ।

बहुविवाह र बालविवाहका कारण समाजमा विकृति गम्भीररुपले बढे पनि कानुन कार्यान्वयन गर्ने र पीडित पक्षले बेवास्ता गरेका कारण समस्या परेको अधिकारकर्मी दिनेशकुमार श्रेष्ठले बताए ।

आफू पीडित भएको कुरा बाहिर भन्न नसक्ने र सरोकारवालाले पनि चासो नदिने गरेका कारण बालविवाह र बहुविवाहका घटना बढ्दोरुपमा रहेको श्रेष्ठको भनाइ छ ।

बहुविवाह गर्नेलाई नेपालको मुलुकी ऐनसम्बन्धी कानुनले एक वर्षदेखि तीन वर्षसम्म जेल सजाय अथवा रु पाँच हजारदेखि २५ हजार जरिवाना वा दुवै सजाय गर्नसक्ने व्यवस्था गरेको छ । रासस

यो समग्री नेपाल१२३.com मा पुरै पढौं