काठमाडौं, १३ चैत । एकीकृत नेकपा माओवादीका अध्यक्ष पुष्पकमल दाहाल प्रचण्ड तराई प्रवेश गरेपछि आन्दोलनरत संयुक्त लोकतान्त्रिक मधेसी मोर्चामा खैलाबैला मच्चिएको छ ।
आफूले प्रवेश गर्न नदिने घोषणा गरेपनि प्रचण्ड पावर लगाएर मधेस पसेपछि मोर्चाले आपत्ति जनाउँदै विहानै कडा विज्ञप्ति निकालेको छ ।
मोर्चाका नेताहरु वृषेश चन्द्र लाल, मंगलसिद्धि मानन्धर, मनिष कुमार सुमन, राम नरेश राय, केशव झा, कौशलेन्द्र मिश्र र परमेश कुमार साहले हस्ताक्षर गरेको संयुक्त विज्ञप्तिमा ‘संविधानमा हस्ताक्षरकत्र्ता पूर्व सभासदहरुलाई जिल्लामा विरोध गर्ने मोर्चाको घोषित कार्यक्रम अनुसार शुक्रबार एमाओवादीका अध्यक्ष प्रचण्डको वीरगंजमा मोर्चाका नेता कार्यकत्र्ताद्वारा विरोध गरिएको र उक्त विरोध प्रदर्शनमा प्रहरीबाट भएको दमनको घोर भर्त्सना गर्दछौं’ भनिएको छ ।
विज्ञप्तिमा मोर्चाले विरोध प्रदर्शनमा प्रहरी प्रशासनद्वारा गरिएको हस्तक्षेप र महोत्तरी लगायतका जिल्लाहरुमा झुठा आरोपमा आन्दोलनकारीहरु पक्राउ गरी मुद्दा चलाउने कार्य तत्काल फिर्ता लिन माग गरेको छ भने पक्राउ परेकालाई रिहा गर्न माग गरेको छ ।
‘प्रचण्डको वीरगंजमा मोर्चाका नेता कार्यकत्र्ताद्वारा गरिएको विरोध प्रदर्शनमा प्रहरी प्रशासनद्वारा गरिएको हस्तक्षेप र महोत्तरी लगायतका जिल्लाहरुमा झुठा आरोपमा आन्दोलनकारीहरु पक्राउ गरी मुद्दा चलाउने सरकारी दमन नीतिलाई निरन्तरता दिइदै विरगंजमा भएको धडपकडको मोर्चा घोर भत्सर्ना गर्दछ र पक्राउ परेका आन्दोलनकारी साथीहरुलाई तत्काल बिना शर्त रिहाई गर्न मोर्चा जोडदार माँग गर्दछ,’ विज्ञप्तिमा उल्लेख छ ।
यो समग्री नेपाल१२३.com मा पुरै पढौं
No comments:
Post a Comment