सञ्जय साहको यस्तो थियो बास्तविक अनुहार, यसरी हुँदैछ बचाउने खेल

जनकपुरधाम, ११ वैशाख । जनकपुर बम बलाष्ट र विभिन्न हत्याका आरोपी संञ्जय साहलाई बचाउन ठूलो चलखेल सुरू भएको रहस्य खुलेको छ ।

जनकपुरका थुपै सर्वसाधारणको ज्यान जाने गरी भएका हिंसात्मक घटनाका मुख्य नाईके साहलाई अपराधबाट जोगाउनका लागि पीडित पक्षका आफन्तलाई दबाब दिने गरेको खुलेको हो ।

निलम्वित सांसद साहले आफन्तमार्फत पीडित पक्षलाई विभिन्न प्रलोभनमा पारेर बयान फेन लगाउनुका साथै राजनीतिक दबाब दिन थालेको स्रोतको भनाइ छ ।

सद्भावना पार्टीका निलम्वित साहले आफू निर्दोश रहेको दाबी गर्दै आएका छन् । तर, प्रहरीले उनी सहायक मन्त्री भएकै बेला पनि जनकपुरधारममा सर्वसाधारणहरूको हत्या गराएर अपराधिलाई आफ्नै गाडीमा राखेर काठमाडौं ल्याएको यसअघि नै प्रहरीले पत्रकार सम्मेलन गरेर जानकारी दिइसकेको छ ।

यसैबीच, आधा दर्जन बढी हत्या घटनाका साथै आपराधिक कार्यमा संलग्न निलम्बित साहलाई बचाउनका लागि उनका केही भाडाका व्यक्तिले जनकपुरधारमा प्रदर्शन गर्ने, गुन्डागर्दी गर्ने गरेको आरोप छ ।

जनकपुरधारमका अधिकांश स्थानीय साहलाई कारबाही भएकोमा खुसी छन् । तर, सीमित केही व्यक्ति जो साहका पछि लागेर आएका थिए उनीहरू दुःखी भएको एकजना स्थानीयले बताए ।

निलम्बित साहलाई कारबाही गर्नुपर्छ भनेर लागेका केही युवाहरू साह निर्दोष रहेको भन्दै बचाउमा सडकमा उत्रिएको आरोप पनि छ ।

साधारण काम गर्दै आएका साहले गुन्डागर्दीी र धम्कीको भरमा जनकपुरधाममा अकुत सम्पत्ति कमाएका थिए । अहिले सोही सम्पत्तिको भरमा आफ्ना अपराध लकाउन खोजेको स्थानीयले आरोप लगाएका छन् ।

यो समग्री नेपाल१२३.com मा पुरै पढौं