गृहमन्त्रीको गलामा रुद्राक्षको माला

जनार्जन पौडेल

जहिले पनि रङ रङका खादा र मालामा कार्यक्रम स्थलमा स्वागत गरिदै आएकोमा हिजो एक कार्यक्रमाम रुद्राक्षको मालामा स्वागत गरिएकोमा गुहमन्त्री शक्ति बस्नेत एकाएक छक्क परेका थिए ।राष्ट्रिय खवर डटकमले राजधानीमा आयोजना गरेको दोश्रो बार्षिक उत्सवको कार्यक्रममा प्रमुख अतिथिको रुपमा आउँदा उनलाई रुद्राक्षको मालाले स्वागत गरिएको हो ।

त्यति मात्र नभइ स्वागत मन्तव्य समेत स्वस्तिवाचनबाट पढिँदा कार्यक्रममा उपस्थित सबै जिल्ल परेका थिए । ज्योतिष मणी शर्माले स्वागत मन्तव्यको सट्टा स्वस्तिवाचन पढिरहँदा त्यो कुनै अनलाईन पत्रिकाको कार्यक्रम नभएर धार्मिक कार्यक्रमको उद्घाटन जस्तो देखिन्थ्यो । राष्ट्रिय खवर डटकमका प्रधान सम्पादक मुकुन्द ढुंगानाको जन्मदिन समेत यसैदिन परेकाले उनले अतिथिहरुलाई आफुलाई प्यारो लाग्ने रुद्राक्ष उपहारको रुपमा दिन चाहेको बताए ।
पूर्वमन्त्री लालबावु पण्डीत र गृहमन्त्री शक्ति बस्नेतका बिचमा नेपाली ढाका टोपी र दौरा सुरुवाल लगाएर बसेका ढुंगाना आगन्तुक सबैको आकर्षणका केन्द्रविन्दु बनेका थिए । गुहमन्त्री भने कार्यक्रम सञ्चालनको तरिका देखेर मुसुमुसु हासिरहेका थिए ।
यस्तै अन्यत्र दिपप्रज्वलन एवं रिबीन काटेर उद्घाटन गर्ने गरिएकोमा यहाँ भने बिरुवामा जल सेचन गरेर उद्घाटन गरिएको थियो । त्यसैले होला कार्यक्रमको उद्घाटन गर्न अगाडी बढ्दा प्रमुख अतिथि लगायतका व्यक्ति एकछिन अलमल्ल परेका थिए ।

अनलाईन मिडियामा २ बर्षे कार्यकाल राम्रो रहेको र आगामी दिनमा अझ प्रभावकारी बनाउनु पर्ने सुझावका साथ कार्यक्रम सम्पन्न भएको थियो ।जे होस कार्यक्रम उद्घाटन लगायत स्वागत मन्तव्य,मायाको चिनो लगायतका वितरणको भिन्न शैली देखेर आगन्तुक अतिथि एवं पत्रकारहरु अचम्ममा परेका थिए । गृहमन्त्री बस्नेतलाई भने रुद्राक्षको माला के गरौ के गरौ भएको जस्तो देखिन्थ्यो ।

यो समग्री नेपाल१२३.com मा पुरै पढौं