जुम्ला । जीवनका ७१ औँ वसन्त देवदार र सल्लाको दियालो बाल्दै बिते । बिहान उठ्दा नाकबाट कालो सिङ्गान पुछ्न नपरेको दिनै थिएन ।
आज त्यही दियालोको कालोपोत लागेका घरमा सेतो प्रकाश पर्दा जीवनले नयाँ रुप फेरेजस्तो भएको छ, खुसीको सीमा नै छैन बड्की–८ कोइरेलीका ७१ वर्षीया दर रोकायालाई । उहाँले भन्नुभयो, “बेलैमा यस्तै उज्यालो देख्न पाएको भए कालो धुवाँ खानु पर्थेन र आयु पनि लम्बिन्थ्यो होला, तर पनि खुसी त्यसैमा छु । अब उज्यालो देखेर मर्न पाइने भइयो ।”
अहिले कोइरेली गाउँमा ३० किलोवाट क्षमताको ओदिघाट लघु जलविद्युत् आयोजना विद्युत् गृह बनेको छ । जिल्ला विकास समिति जुम्ला, वैकल्पिक ऊर्जा प्रवद्र्धन केन्द्र र बड्की गाविस तथा समुदायको श्रमदान गरेर रु एक करोड १५ लाखमा आयोजनाको निर्माण कार्य सम्पन्न भएको अध्यक्ष लंकबहादुर शाहीले जानकारी दिनुभयो ।
यसबाट ३, ४ र ८ वडामा विद्युत् सेवा पुगेको छ । पहिलो पटक गाउँ झलमल भएपछि स्थानीयवासी दङ्ग परेका छन् । अध्यक्ष शाहीका अनुसार यो आयोजनाबाट बड्की गाविसकै वडा नं ९ आचार्यलिही गाउँसम्म विद्युत् विस्तार गर्ने लक्ष्य लिइएको छ । हाल निर्मित आयोजनाबाट ८०० घरधुरी लाभान्वित भएको जनाइएको छ । उक्त आयोजनाको निर्माण कार्य २०६९ देखि सुरु भएको थियो । रासस5
यो समग्री नेपाल१२३.com मा पुरै पढौं
No comments:
Post a Comment