एक/दुई जना होइन पुरै दुई दर्जन विद्युत् चोरी गर्ने पक्राउ

नेपाल विद्युत् प्राधिकरण शाखा राजविराज वितरण केन्द्र र जिल्ला प्रहरी कार्यालयको संयुक्तरुपमा जिल्लाभर खटिएको अनुगमन टोलीले एकै दिन दुई दर्जन व्यक्तिलाई पक्राउ गरिएको प्रहरी नायब उपरीक्षक दानबहादुर कार्कीले बताए ।

पक्राउ पर्नेमा जिल्लाको जमुनिमधेपुरा गाविस ५ का अभिलास रजक, जुगाई रजक, रायपुर गाविस ६ का शिवनारायण यादव, पोखरिया ८ का जगु महतो, पर्साही ८ बस्ने शैलेन्द्र साह, पथ्थरगाडा ५ बस्ने भुवनेश्व झा, रमानन्द ठाकुर, गौइठी ६ बस्ने देव किसुन सदा र राजविराज नगरपालिका ५ का विजयकुमार चौधरीलगायत दुई दर्जन व्यक्ति रहेको विद्युत् प्राधिकरण राजविराजले जनाएको छ । उनीहरूलाई विद्युत् हुकिङ गरी चोरी गरेको आरोपमा नियन्त्रणमा लिएको बताइएको छ ।

पक्राउ परेका सबै जनालाई जिल्ला प्रहरी कार्यालयमा राखिएको र उनीहरूविरुद्ध विद्युत् ऐनअनुसार कारबाही गरिने प्रहरीले बताएको छ ।

यो समग्री नेपाल१२३.com मा पुरै पढौं