रक्सी खाएर न्यूरोडमा दुर्घटना गराउने यी हुन ठूला कुटनीतिज्ञ

काठमाडौं, १४ वैशाख । नेपालस्थित उत्तर कोरियाली दूतावासका कर्मचारी ली छङ हो मादक पदार्थ सेवन गरी सवारी साधन चलाएको अवस्थामा पक्राउ परेका छन् ।

मापसे गरी सवारी साधन चलाएको अवस्थामा होलाई ट्राफिक प्रहरीले सोमबार बिहान न्यूरोड गेटबाट पक्राउ गरेको अन्नपूर्ण पोस्ट दैनिकले समाचार छापेको छ ।

उनले चलाएको २९ सीडी ३ नम्बरको कुटनीतिक नम्बर प्लेटको कारले वीर अस्पतालका चिकित्सकले चलाएको मोटरसाइकललाई ठक्कर दिएपछि उनलाई तत्काल ट्राफिक प्रहरीले नियन्त्रणमा लिएको थियो ।

उनले मापसे गरी अनियन्त्रित रुपमा कार हाँकेको प्रहरीले बताएको छ । हेले चलाएको कारले वीर अस्पतालका चिकित्सक विजय पाण्डेको बा ७२ प ६४२२ नम्बरको मोटरसाइकललाई ठक्कर दिएको थियो । कारको ठक्करबाट पाण्डे सामान्य घाइते भएका छन् ।

कार ट्राफिक प्रहरीको नियन्त्रणमा छ । प्रहरीले होलाई ट्राफिक नियमसम्बन्धी जनचेतनामुलक कक्षामा सहभगी गराउने सर्तमा दूतावासको जिम्मा लगाएको छ ।

यो समग्री नेपाल१२३.com मा पुरै पढौं