यी हुन् राप्रपा र राप्रपा नेपाल फुटाउँदै गरेका नेताहरू

काठमाडौं, १५ चैत । राप्रपा र राप्रपा नेपालबीच पार्टी एकीकरणको तयारी भइरहेका बेला राप्रपा भने विभाजनको अन्तिम संघारमा रहेको छ ।

राप्रपाका नेता हेमजंग गुरुङसहितका एक दर्जन केन्द्रीय सदस्यहरूले पार्टी चोइट्याएर राप्रपा नेपालमा प्रवेशको तयारी गरेका हुन् ।

राप्रपा चोइट्याउने अन्तिम तयारीमा रहेका नेताहरूमा भुवन पाठक, भीमप्रसाद गौचन, नरबहादुर बुढाथोकीलगायतका एक दर्जन केन्द्रीय सदस्य रहेको उच्च स्रोतले जनाएको छ ।

राप्रपा र राप्रपा नेपालबीच आगामी वैशाखभित्र पार्टी एकताको तयारी भएको छ । तयारी स्वरुप दुबै पार्टीमा वार्ता टोली गठन गरेर वार्ता पनि भइरहेका छन् । तर वार्ता पछिल्लो समय शून्य प्रायः रहेको छ ।

राप्रपा मात्रै होइन राप्रपा नेपाल पनि विभाजनको संघारमा छ । राप्रपा नेपालका नेता केशरबहादुर विष्टले पनि पार्टी विभाजन गर्न खोजी रहेको स्रोतको भनाइ छ । विष्टले राप्रपा नेपाललाई विभाजन गरेर राप्रपामा प्रवेशको तयारी गरेको एक नेताले बताए ।

यो समग्री नेपाल१२३.com मा पुरै पढौं