नेता पौडेलको निवासमा सांसदहरूको भेला, देउवा हराउने रणनीति बन्दै

काठमाडौं, १५ चैत । नेपाली कांग्रेसको सभापति पदमा पराजित नेता रामचन्द्र पौडेलले आज आफ्नै निवासमा सांसदहरूको भेला बोलाएका छन् ।

काठमाडौंको बोहराटारस्थित आफ्नै निवासमा नेता पौडेलले सांसदहरूको भेला बोलाएका हुन् । भेलामा आफू निकटका सांसदहरूलाई मात्रै बोलाइएको स्रोत दाबी छ । भेला दिउँसो १ बजेपछि हुनेछ ।

तर, पौडेल निकटका नेताहरूले भेलामा सबै सांसदहरूलाई खबर पठाएको दाबी गरेका छन् ।

चैत २४ गते संसदीय दलको नेताको निर्वाचन हुँदैछ । सोही निर्वाचनलाई लिएर पौडेलले आफ्ना पक्षका सांसदहरूको भेला बोलाएका हुन् ।

पौडेलले दलको नेतामा पनि आफूले उम्मेदवारी दिने तयारी गरेका छन् । दलको नेतामा सभापति शेरबहादुर देउवाले उम्मेदवारी दिने यसअघि जनाइ सकेका छन् ।

यो समग्री नेपाल१२३.com मा पुरै पढौं