मासुपसलमा खान अयोग्य २१ केजी मासु बरामद

विमला अधिकारी भाद्र १६
लमजुङ सदरमुकाम बेशेीसहरमा २१ किलाग्राम मासु कुहिएको भेटिएको छ । जिल्ला पशु सेवा कार्यालय लमजुङले सदरमुकाम बेशीसहरमा रहेका मासु पसल तथा फ्रेस हाउसहरुमा गरेको अनुगमनका क्रममा २१ कलिो खान अयोग्य मासु भेटिएको हो ।

कार्यालयले बेसीशहर बजारमा रहेका २१ वटा मासु पसलहरुको अनुगमन गरेको हो । अनुगमनका क्रममा २१ किलोेग्राम सेवन गर्न अयोग्य रहेको कुहिएको मासु बरामद गरिएको जिल्ला पशु सेवा कार्यालयका प्रमुख एवं पशु विकास अधिकृत डाक्टर ढुङ्गानाले बताउनुभयो । उहाँका अनुसार बेसीशरहको हाइस्कुल चोकमा रहेको सुरज फ्रेस हाउसबाट खान योग्य नभएको साथै कुहिएको १९ किलोग्राम रागोँको मासु बरामद गरीएको थियो । यसैगरी, अन्य दुईवटा पसलहरुबाट १÷१ किलोग्राम सेवन गर्न अयोग्य रहेको कुखुराको मासु बरामद गरेर गाडिएको उहाँले बताउनुभयो ।

पशु सेवा कार्यलयका प्रमुख एवं पशु विकास अधिकृत डाक्टर दिर्घनाथ ढुङ्गानाको नेतृत्वमा रहेको टोलीले मासु पसलहरुको अनुगमन गरेको हो । उहाँका अनुसार बेसीशरहको हाइस्कुल चोकमा रहेको सुरज फ्रेस हाउसबाट खान योग्य नभएको साथै कुहिएको १९ किलोग्राम रागोँको मासु बरामद गरीएको थियो । यसैगरी, अन्य दुईवटा पसलहरुबाट १÷१ किलोग्राम सेवन गर्न अयोग्य रहेको कुखुराको मासु बरामद गरेर गाडिएको उहाँले बताउनुभयो । अनुगमनका क्रममा बजारका ७ वटा मासु पसल उत्कृष्ठ रहेको पाइएको उहाँको भनाई छ । सो मासुपसलहरुमा सरसफाई देखि लिएर अन्य पुर्वाधारहरुमा उत्कृष्ठ रहेको पाइएको उहाँले बताउनुभयो ।
६ वटा मासु पसलको सरसफाई र सेवा सन्तोषजनक रहेको र ४ वटा पसलमा पसल संचालनका लागि पुर्वाधार नभएका कारण बन्द गरिएको उहाँले जानकारी दिनुभयो । साथै पसल संचालन गर्नका लागि दर्ता नभएको ६ वटा मासु पसललाई दर्ताको प्रक्रिया पुरा गरेर मात्र पसल संचालन गर्न आग्रह गरिएको डाक्टर ढुङ्गानाले बताउनुभयो ।
अनुगमनसँगै मासु पसल संचालकहरुलाई सरसफाई, स्वस्थकर मासु उत्पादन, सडेको मासु सेवन गर्दा हुने स्वास्थ्य समस्या, रोग लगायतका बारेमा पशु विकास अधिकृत डाक्टर ढुङ्गानाले व्यवसायीहरुलाई जानकारी गराउनुभएको थियो ।

from Nepal123.com - मासुपसलमा खान अयोग्य २१ केजी मासु बरामद