गैरकानुनी तरिकाबाट पन्जाब पुर्याइएका बालबालिकालाई यसरी फर्काइयो नेपाल…

काठमाण्डु, १६ भदौ– गैरकानुनी तरिकाबाट भारतको पन्जाबमा पुर्याइएका पाँच बालबालिकाको उद्धार गरिएको छ ।

महिला, बालबालिका तथा समाजकल्याण मन्त्रालयले भारतस्थित नेपाली दूतावास र माइती भारतका सहयोगमा ती बालबालिकालाई उद्धार गरी आज साँझ काठमाण्डु ल्याइर्याएको हो ।

त्यसरी उद्धार गरिएका बालबालिकाको उमेर १२ देखि १६ वर्षसम्मको छ । तिनमा दुई बालिका छन् । उनीहरुलाई सल्यान र जाजरकोट लगायत जिल्लाबाट भारत पु¥याइएको मन्त्रालयले जनाएको छ ।

महिला, बालबालिका तथा समाजकल्याण मन्त्रालयका सचिव मधुप्रसाद रेग्मीले विभिन्न कारणबाट त्यहाँ पुगेका उनीहरुको उद्धार गरी आजै अपराह्न काठमाण्डु ल्याइएको जानकारी दिँदै उनीहरूलाई परिवारको पहिचान भएपछि परिवार तथा आफन्तको जिम्मा लगाइने बताए ।
उद्धार गरिएका दुई बालिकालाई माइती नेपालमा र तीन बालकलाई छोराछोरी नामक संस्थाको जिम्मा लगाइने मन्त्रालयको सहसचिव राधिका अर्यालले जानकारी दिइन्। मन्त्रालयले पीडित बालबालिकाको नाम गोप्य राखिदिन सम्बन्धित पक्षलाई आग्रह गरेको छ । रासस

from Nepal123.com - गैरकानुनी तरिकाबाट पन्जाब पुर्याइएका बालबालिकालाई यसरी फर्काइयो नेपाल…