नवलपरासी: नवलपरासीमा एक वर्षको अवधिमा ४५ जना गरिब र विपन्न वर्गका सर्वसाधारणले निःशुल्क कानुनी सहायता पाएका छन् ।
गरिब र विपन्न समुदायलाई निःशुल्क कानुनी सहायता प्रदान गर्दै आएको संस्था कानुन अन्वेषण तथा स्रोत विकास केन्द्रले ४५ वटा मुद्दामा निःशुल्क कानुनी सहायता प्रदान गरेको हो । त्यसमध्ये २५ वटा मुद्दा समाधान भइसकेका छन् भने २० वटा मुद्दामा पैरवी चलिरहेको केन्द्रले जनाए ।
यसरी कानुनी सहायता प्रदान गरिएकामध्ये ११ वटा सम्बन्ध बिच्छेदका, नौ वटा अंशका, सात वटा घरेलु हिंसा तथा जालसाझीलगायत अन्य १८ वटा मुद्दा रहेको केन्द्रले जनाए ।
कानुनी सहायत प्राप्त गर्नेमा पाँच जना पुरुष रहेका छन् भने ४० जना महिला रहेका छन् ।
यसैबीच केन्द्रले जिल्लामा सञ्चालन गरेको मेलमिलाप कार्यक्रमअन्तर्गत ७४ वटा मुद्दा दर्ता भएको छ । जिल्लाका १२ वटा गाविस र ६ वटा नगरपालिकामा सञ्चालन भइरहेको मेलमिलाप कार्यक्रमबाट एक वर्षको अवधिमा ती मुद्दा दर्ता भएको र त्यसमध्ये ५१ वटा समाधान भइसकेको र २३ वटा समाधानको प्रक्रियामा रहेको केन्द्रले जनाए ।
रासस
यो समग्री नेपाल१२३.com मा पुरै पढौं
No comments:
Post a Comment