कति मिल्यो अनमोल र श्रृष्टिको केमेष्ट्री ?

देशले शुक्रबार नयाँ मिस नेपाल पायो । नेपाली चलचित्र क्षेत्रले भने पूर्व मिस नेपाल श्रृष्टी श्रेष्ठलाई नायिकाको रुपमा पाएको छ । श्रृष्टीले अभिनय गरेको गाजलु चलचित्रको एउटा गीत सार्वजनिक गरिएको छ ।

रोहित अधिकारीको निर्देशनमा बनेको यो चलचित्रलाई हेमराज वीसीले निर्देशन गरेका हुन् । चलचित्रको प्रदर्शन मिति जेठ २१ लाई पक्का गरिएपनि पछि सारिएको थियो । निर्माणपक्षले नयाँ प्रदर्शन मिति तय गरेको छैन ।

चलचित्रको तिमी आयौ बोलको गीत रिलिज गरिएको छ । हर्कुलेस बस्नेतको शब्द, संगीत र स्वर रहेको यो गीतमा अनमोल केसी र श्रृष्टी श्रेष्ठको केमेष्ट्री देखिएको छ ।

चलचित्रमा गौरव पहारी, सलोन बस्नेत, मेनुका प्रधानको पनि मुख्य भूमिका छ । चलचित्रको यो गीतमा के अनमोल र श्रृष्टीको केमेष्ट्री मिलेको छ त, एकपटक हेर्नुहोस् ।

यो समग्री नेपाल१२३.com मा पुरै पढौं