बर्षमा एकपटक बिक्छ रेखाको स्टारडम

नायिका रेखा थापा अभिनित चलचित्रले बर्षमा एकपटक धमकेदार व्यापार गर्छन् । नेपालमा रेखा यस्ती एक नायिका हुन्, जसको चलचित्रले मात्र बक्स अफिसमा दर्शक तान्ने क्षमता राख्छ ।

उनै रेखाले निर्माण तथा अभिनय गरेको चलचित्र रामप्यारी शुक्रबारदेखि देशभरका हलमा लाग्यो । चलचित्र हेर्नका लागि शुक्रबार र शनिबार हलमा दर्शकको उपस्थिती गजबकै देखियो । शुक्रबार त नायिका रेखा थापालाई हलमा महिला दर्शकले बोके नै ।

रेखा पनि आफू दर्शककै कलाकार भएकाले दर्शकका लागि नै चलचित्र बनाउने बताउँछिन् । चलचित्रको व्यापारिक रिपोर्ट आइसकेको छैन । तर, शनिबार देशभरका हलमा चलचित्रको व्यापार उच्च देखिएको छ ।

काठमाण्डौका वितरक गोपाल कायस्थ र काठमाण्डौ बाहिरको वितरण कम्पनी एफडीले रामप्यारीको व्यापारलाई उच्च भनेको छ । आइतबारदेखि चलचित्रको माउथ पब्लिसिटीले दर्शकको उपस्थिती जनाउनेछ ।

नेपाली चलचित्र स्टारडमकै आधारमा कम चलेको पाइन्छ । यो पटक पनि नायिका रेखा थापाको स्टारड हलमा देखिएको छ । प्राय स्टारले चलचित्र चलाउने २ दिन मात्र हो । यसैले २ दिनमा रेखाको स्टारडम हलमा देखिएको हल व्यवसायी बताउँछन् । सविर श्रेष्ठले निर्देशन गरेको यो चलचित्रमा रेखाका अलवा आश्मा डीसी, आभाष अधिकारी र सविन श्रेष्ठ मुख्य भूमिकामा छन् । नयाँ बर्षमा नेपाली चलचित्र अझ चल्ने भएकाले पनि यसले राम्रै कमाई गर्ने देखिएको छ ।

यो समग्री नेपाल१२३.com मा पुरै पढौं