एमाओवादी नेता साहमाथि सांघातिक आक्रमण

७ फागुन, सिरहा । एमाओवादी दुई नम्बर प्रदेश इञ्चार्ज विश्वनाथ साह सहितका नेताहरुमा आक्रमण भएको छ ।

सिरहाको मझुलिया गाविसको अरङटोलमा शुक्रबार दिउँसो आक्रमण भएको हो । आक्रमणबाट साह जोगिए पनि उनीसँगै गाडीभित्र रहेका फुल्गेन नायक र जिल्ला सदस्य ओपेन्द्र साह घाइते भएका छन् । साहको अवस्था गम्भीर छ ।

नेता साह चढेको बा ९ च ६६९४ नम्बरको रातो बोलेरो गाडीमा पनि आक्रमणबाट क्षति पुगेको छ ।

मझुलिया टोलमा बाटोकोे विषयलाई लिएर फुल्गेन र कांग्रेस सांसद गणेश मण्डलको परिवारबीच विवाद भएको थियो । मण्डलको समूहले फुल्गेनको घरमा तोडफोड गरेको खबर पाएपछि नेता साह त्यहाँ पुगेका थिए ।

फर्किने क्रममा मुखमा मोटरसाइकलमा आएको समूहले आक्रमण गरेका छन् । ‘केहीले नकाब लगाएका थिए, गाडिलाई घेरेर आक्रमण गर्न थाले’ नेता साहले अनलाइनखबरसँग भने-‘ओपेन्द्र र फुल्गेनलाई आक्रमण गरे । बचाउने क्रममा मेरो पनि एउटा औंलामा चोट लागेको छ ।’

यो समग्री नेपाल१२३.com मा पुरै पढौं