एनआईडिसीको स्वामित्वमा रहेको नबिल बैंकको शेयर बिक्रीमा, प्रतिकित्ता न्युनतम १३५३ रुपैयाँ

नआईडिसी डेभलपमेन्ट बैंक (NIDC) ले नबिल बैंकमा रहेको करिब एक लाख ६३ हजार कित्ता शेयर बिक्री गर्ने भएको छ । एनआईडिसीले सस्थापक समूहको सेयर किन्न चाहनेका लागि बोलपत्र आब्हान गरेको छ । बैंकले प्रतिकित्ता न्युनतम एक हजार तीन सय ५३ रुपैयाँमा सेयर विक्री गर्न लागेको हो ।

एनआईडिसीले आफ्नो स्वामित्वमा रहेको एक लाख ६२ हजार नौ सय ८१ कित्ता सस्थापक सेयर विक्री गर्न लागेको हो । न्युनतम एक हजार तीन सय ५३ रुपैयाँमा तोकिएपनि बोलकबोलमा लगानीकर्ताले यो भन्दा बढी मूल्यमा किन्न पनि सक्छन् ।

नबिलको सस्थापक सेयर (NABILP) को अन्तिम कारोबार प्रतिकित्ता एक हजार पाँच सय १४ रुपैयाँमा भएको थियो । बजारमा चलेको भन्दा दुई सय रुपैयाँ कममा सेयर बेच्न प्रस्ताव गरिएको हो ।

लगानीकर्ताले कम्तिमा एक सय र त्यसमाथि १० अंकले भाग जानेगरी सेयर किन्ने प्रस्ताव पेश गर्नुपर्ने छ ।
डिम्याट खाता भएका लगानीकर्ताले मात्रै सेयर आवेदन दिन पाउनेछन् । डिम्याट खाता नभएका लगानीकर्ताले सेयर किन्ने बोलकबोलमा भाग लिन पाउँदैनन् ।

सरकारी स्वामित्वको एनआईडिसी डेभलपमेन्ट बैंक नबिलको सस्थापक लगानीकर्ता हो । नेपाल राष्ट्र बैंकले क्रस होल्डिङ गर्न नपाउने व्यवस्था गरेपछि एनआईडिसीले सेयर विक्री गर्न लागेको हो ।

यो समग्री नेपाल१२३.com मा पुरै पढौं