बागलुङमा खोलाले बगाउँदा एकको मृत्यु

बागलुङ, १७ भदौ । बुर्तिवाङस्थित बढीगाड खोलाले बगाउँदा आज एकजनाको मृत्यु भएको छ ।

आज बिहान नुहाउन खोलामा पुग्नुभएका दर्लिङ–५ का ५६ वर्षीय टेकबहादुर पुनको बगेर मृत्यु भएको हो । पुन बुर्तिवाङमा रहेको प्रभु बैंकमा सुरक्षा गार्डमा कार्यरत हुनुहुन्थ्यो ।

प्रहरी र स्थानीयबासीले खोजी गर्ने क्रममा बुढाको शव भिमगिठे–९ स्थित ठूलाखेत बगरमा दिउँसो फेला परेको थियो ।

खोला किनारमा नुहाउँदै गरेको अवस्थामा बगेर आएको जुत्ता समाउने क्रममा पुनलाई खोलाले बगाएको प्रत्यक्षदर्शीले बताएका छन्

from Nepal123.com - बागलुङमा खोलाले बगाउँदा एकको मृत्यु