बास्केटबल प्रतियोगिता : पुष्पसदन दोहोरो उपाधि नजिक

काठमाडौँ, १७ भदौ । आयोजक पुष्पसदन बोर्डिङ हाइस्कुलको सिनियर र जुनियर ब्वाइज टोली दोस्रो पुष्पसदन कप काठमाडौँ जिल्लाव्यापी अन्तरविद्यालय बास्केटबल प्रतियोगितामा आज फाइनलमा प्रवेश गरेका छन् ।

कीर्तिपुरस्थित घरेलु मैदानमा भएको सिनियर ब्वाइज सेमिफाइनलमा पुष्पसदनले रेडिअन्टलाई ५०–४५ ले पराजित ग¥यो । पुष्पसदनका प्रतीक श्रेष्ठ र ध्रुव लामाले समान १४–१४ अङ्क जोडे । फाइनलमा पुष्पसदनको भेट ग्रिनफिल्डसँग हुनेछ । अर्को सेमिफाइनलमा ग्रिनफिल्डले ब्राइट होराइजनलाई ५९–५५ ले हराएको थियो । ग्रिनफिल्डका अनिश भण्डारीले २२ स्कोर गरे ।

जुनियर ब्वाइजमा पुष्पसदनले ग्रिनफिल्डलाई ३८–२३ ले हराउँदै नेरिकसँग उपाधि भिडन्त पक्का ग¥यो । पुष्पसदनको जितमा रोजिन महर्जनले १८ अङ्क योगदान गरे । असीम भण्डारीको १६ अङ्क सहयोगमा नेरिकले इनोभेटिभलाई ४२–३१ ले पाखा लगाएको थियो । फाइनल शनिबार हुनेछ ।

from Nepal123.com - बास्केटबल प्रतियोगिता : पुष्पसदन दोहोरो उपाधि नजिक