जागिरका लागि खुल्यो विज्ञापन, अल्छीले मात्र दरखास्त दिन पाइने

जाँगरिलो तथा परिश्रमी मानिसले जहाँ पनि काम पाउँछ र जागिर तथा व्यवसायमा राम्रै प्रगति गर्दछ ।

तर जो मानिस अल्छी छ उसले जागिर पाउन मात्र होइन पाएको जागिरमा टिक्न र प्रगति गर्न पनि गाह्रो हुन्छ । तर अजिंगरको आहारा दैवले पूराउँछ भन्ने उखान त्यसै बनेको होइन । यहाँ अल्छीका लागि समेत अवसर छन् । क्यानडाको एक कम्पनीले अल्छी मानिसहरुका लागि मात्रै भन्दै एउटा जागिर खुलाएको छ ।

क्यानडाको सरेस्थित एक थिम पार्क कम्पनीले प्रकाशित गरेको जागिरको विज्ञापनले अहिले सबैको ध्यान तानेको छ । कम्पनीले प्रकाशित गरेको विज्ञापन अनुसार उक्त जागिरमा केवल अल्छी मानिसले मात्र दरखास्त हाल्न पाउनेछन् ।

कम्पनीका अनुसार कम्पनीले थिम पार्कमा एकजना यस्तो कर्मचारी भर्ना गर्दैछ जो पूर्ण रुपमा अल्छी हुनु आवश्यक छ । वास्तवमा कामको प्रकृति नै त्यस्तै छ । उक्त कर्मचारीको काम नै पाण्डा जस्तै देखिने पोषाक लगाएर दिनभर थिम पार्कमा बसिरहनु । एकैठाउँमा बसिरहने काम साँच्ची अल्छीलाई सुहाउने भएपनि निकै गाह्रो चाहीँ हो । कम्पनीले अर्को शर्त पनि राखेको छ । जागिर खान चाहने मानिस वन्यजन्तुप्रेमी पनि हुनुपर्छ ।

यस्तो खालको विज्ञापन प्रकाशित गरेसँगै मानिसहरुले अनेक खालका प्रतिक्रिया दिएका छन् । एक युवकले त आफ्नी गर्लप|mेण्डले तिमीलाई यो जागिर सुहाउँछ भन्दै आफुलाई विज्ञापन ल्याएर देखाएको दुखेसो गरे । अर्का एक व्यक्तिले चाहीँ यस्तो जागिरका कारण दुनियामा पाण्डाको संख्या बढ्ने भएकाले सही सुरुवात रहेको बताएका छन् ।

यो समग्री नेपाल१२३.com मा पुरै पढौं