सल्यान, ३ वैशाख । सल्यान जिल्लाको सिनवाङमा बहुला कुकुरको टोकाइबाट दुई जना घाइते भएका छन् ।
बहुला कुकुरले आज बिहान सनवाङ– ३ मा गोपाल परियार र ५ मा गोपाल बोहोरालाई टोकेर घाइते बनाएको सिनवाङबाट चन्द्रभान विकले जानकारी दिनुभयो । घाइतेलाई उपचारको लागि दाङतर्फ लगिएको छ ।
सिनवाङ– ४ मा बहुलाको कुकुरले चन्द्रभान विकको ६ वटा बाख्रा, चुडामणि विकका ३ वटा बाख्रा र जितबहादुर बोहोराका ८ वटा बाख्रा तथा ३ वटा गाईलाई टोकेर घाइते बनाएको छ ।
वडा नम्बर ३ मा पनि टीकाराम बोहोराको ३ वटा बाख्रालाई बहुला कुकुरले टोकेर घाइते बनाएको छ । गाउँमा बहुला कुकुरले आतंक फैलाउन थालेपछि स्थानीय त्रसित छन् ।
एउटा बहुलाएको कुकुरलाई स्थानीयले मारेका छन् । अर्काे कुकुर जंगलतर्फ पसेको स्थानीयले बताए ।
यो समग्री नेपाल१२३.com मा पुरै पढौं
No comments:
Post a Comment