एक झलकमानै नशा चढाउने गजबको मात हौ तिमी,
मलाई लाग्छ लागु पदार्थको खतरनाक जात हौ तिमी,
गुलाबी ओठले आफ्नो वास्तविकता छिचोल्न नखोज,
नागीन भन्दा नि बढी विष बोकी बसेको दात हौ तिमी,
केहि त रहस्य छ जति गर्यो तेती नै बढ्छ तिम्रो कुरा,
अनन्तकालसम्म नि गरेर नसकिने बात हौ तिमी
जे जस्तो भएपनि तिमीलाई सधै माया गरेकै त थिए
येसो बुझ्दापो थाहा पाए, मायामा पाउने घात हौ तिमी
५ फागुन, काठमाडौ । मंगलबार भारतमा सम्पन्न १२ औँ दक्षिण एसियाली खेलकुमा नेपालले २३ वर्षयताकै खराब प्रर्दशन गरको छ ।
भारतको गुहावटी र सिलोङमा भएको सागमा नेपालले तीन स्वर्ण मात्रै जित्यो । नेपाल पदक तालिकाको छैटौं स्थानमा खुम्चियो ।
नेपालको लागी उसुकी नीमा घर्तिमगर, जुडोकी फुल्पुहामु खत्री र पुरुष फुटवलले मात्र स्वर्ण दिलाउन सफल भए । आजको नयाँ पत्रिका दैनिकमा समाचार छ ।
नेपालले १९९३को सागमा १ स्वर्ण ६ रजत र १५ कास्य जितेको थियो ।
त्यसयता सागमा नेपालले आफ्नो उपस्थिति बलियो बनाउँदै लग्यो । १९९५को सागमा नेपालले ४ स्वर्ण जितेको थियो ।
वासिंगटन । अमेरिकाको राष्ट्रपति चुनावमा आफ्नो भाषणका कारण चर्चामा रहेका डोनाल्ड ट्रंपको निजी जीवन काफी रंगीन छ । अमेरिकामा अहिले उनी राष्ट्रपति बनिहाले भने अमेरिकाको फस्ट लेडी को बन्लिन् भन्ने पनि चर्चा छ । किनकी उनका उल्लेख्य प्रेमिकाहरु छन् ।
यहाँ उनका केही चर्चामा आएका प्रेमिका र पत्नीहरुको बारेमा सचित्र चर्चा गर्ने प्रयत्न गरिएको छ :
नोस ट्रंपकी तेस्री पत्नी हुन् । उनी चर्चित मोडेल हुन् ।
मेलेनिया र ट्रंपको विवाह भएको १० वर्ष भैसक्यो । यी दुईका एक बच्चा पनि छ ।
अमेरिकन मोडल तथा अभिनेत्री अन्ना निकाले स्मिथ ।
१९९० मा आफ्नो पहिलो सम्बन्ध विच्छेदपछि ट्रंपको नाम केही दिनका लागि स्वर्गीय मोडेल अन्न निकोल स्मिथसँग जोडिएको थियो ।
अमेरिकन एडल्ट इन्टरटेनमेन्ट स्टार स्टोर्मी डेनियल्स २००८ मा डोनाल्ड ट्रंपसँग सम्बन्धमा रहेकी थिइन् ।
प्लेब्वाईकी पूर्व मोडेल भिक्टोरिया डोर्कलाई लिएर यस्तै हल्ला चलाइएको थियो कि ट्रंपले उनीसँग पनि डेटिङ गरेका थिए ।
१९९७ मा जब ट्रंपले मोडेल इन्ग्रीडलाई आफ्नो एजेन्सीका लागि साइन गरे, तब उनीहरुको बीचमा सम्बन्ध बनेको थियो ।
इंग्रीडसँग ट्रंप
१९९१ मा मोडेल कार्ला ब्रुनी र डोनाल्ड ट्रंपको बीच केही समयको लागि रोमान्स चल्यो । ब्रुनीसँगको अफेयरपछि फ्रान्सका राष्ट्रपति बनेका निकोलास सरकोजीसँग पनि चलेको थियो ।
यो तस्बिर अमेरिकन फेसन मोडेल तथा अभिनेत्री कारा यंगको हो ।
२००१ मा कारा यंगको नाम डोनाल्डसँग जोडियो । उनीहरु केही समयसम्म सम्बन्धमा रहे ।
यो तस्बिर मोडेल रानी ब्रिभरको हो ।
ट्रंपले यंग मोडेल रानी ब्रिभरसँग १९९३ मा डेटिङ चलाएका थिए ।
यी हुन् अमेरिकन अभिनेत्री मार्ला मेपल्स ।
अमेरिकन एक्ट्रेस मार्ला मेपल्स र डोनाल्ड ट्रंपले १९९३ मा विवाह गरे र १९९७ मा सम्बन्ध विच्छेद गरे । दुवैका एक बच्चा छन् ।
पूर्व ऐथलिट तथा मोडल इविना हुन् यिनी ।
इवाना ट्रंपको पहिली पत्नी थिइन् । उनीहरु दुईले १९७७ मा विवाह गरे र १९९२ मा अलग भए ।
पूर्व प्रोफेशनल टेनिस प्लेयर गेब्रिला सबातिनी ट्रंपसँग सम्बन्धमा रहेको हल्ला १९८९ तिर अत्यधिक थियो ।
मुम्बई, १ फागुन । कपिल शर्मा छिट्टै नयाँ शो ‘कमेडी स्टाइल’को साथमा टेलिभिजनको पर्दामा देखिने भएका छन् । खास कुरा त के भने अब उनको शो कलर्स टेलिभिजनमा नभएर अर्को प्रतिस्पर्धी च्यानलमा आउने छ ।
कपिलको शो ‘सोनी टेलिभिजन’मा राती १० बजेपछि प्रशारण हुनेछ, जुनसमयमा कृष्णा अभिषेकको शो ‘कमेडी नाइट्स बचाओ’ र ‘कमेडी नाइट्स लाइभ’ कलर्स टेलिभिजनबाट प्रशारण हुन्छ ।
सोनी टिभीमा कपिल एक्लै जाँदैछैनन्, लगभग उनको सिंगो टिम उनीसँगै हुनेछ । कपिलको साथमा गुत्थी (सुनिल ग्रोवर), दादी (अली असगर) र पलक (कीकू सारदा) पनि कमेडी स्टाइलमा देखिनेछन् । यो सिंगो टिमले सोनी टेलिभिजनको सिईओसँग भेटिसकेको छ । मार्चको अन्त्य वा अप्रिलको पहिलो साताभित्रमा कमेडी स्टाइल प्रशारणमा आउनेछ ।
‘कमेडी नाइट्स विद् कपिल’मा गुत्थीको रोलबाट चर्चित सुनिल ग्रोवरले यसको संकेत पहिले नै दिइसकेका थिए । यसै महिना उनले मनसुन अगावै टेलिभिजनको पर्दामा फर्किन लागेको जानकारी दिएका थिए । उनले लेखेका थिए, ‘I want to wear make up soon. See you soon. Before monsoon.’
यद्यपी कपिलले भने यसको पुष्टि र खण्डन दुवै गरेका छैनन् । पछिल्लो केही दिनयता ट्वीटरमा फर्किएका कपिललाई एक समर्थकले ‘कमेडी स्टाइल’को बारेमा जिज्ञासा राखेका थिए । त्यसमा कपिलको जवाफ थियो, ‘ये कौनसा शो है’
उनले पुष्टि नगरेपनि कमेडी स्टाइल सोनी टेलिभिजनमा साताको दुई दिन शनिबार र आईतबार आउने पक्कापक्की भइसकेको भारतीय मिडियाहरुले जनाएका छन् ।
५ फागुन, काठमाडाैं । राष्ट्रप्रमुख र सरकारप्रमुखको भ्रमणलाई मितव्यी र व्यवस्थित बनाउन सरकारले जारी गरेको निर्देशिका प्रधानमन्त्री केपी ओलीको पहिलो विदेश भ्रमणमै उल्लंघन भएको छ ।
प्रधानमन्त्री केपी शमौ ओलीले शुक्रबारबाट हुन आफ्नो भारत भ्रमणमा सहभागी टोली निर्देशिकाविपरीत ४६ सदस्यीय बनाएका आजको नागरिक दैनिकमा समाचार छ ।
मंगलबार सााझ बसको मन्त्रिपरिषद् बैठकले ओलीको छ दिने भ्रमण टोलीमा रहेन ४६ जनाको नाम तय गरेको हो । सरकारी खर्चबाहेक जानको संख्या जोड्दा एक सय नाघ्ने आाकडा छ ।
सुशील कोइरालको मन्त्रिपरिषद्ले साउन १४ मा पारित गरेको निर्देशिकामा प्रधानमन्त्री वा राष्ट्रपतिको विदेश भ्रमण टोली १९ सदस्यीय हुने, अतिव आवश्यक परे २२ जनासम्म हुने उल्लेख छ ।
झापा । विर्तामोडस्थित नयाँ बसपार्कको एक होटलमा रहस्यमय रुपमा मृत फेला परेका कनकाई–३ सुरुङ्गाका ४९ वर्षीय मनोरथ पाठकको घाँटी थिचेर हत्या’ भएको प्रारम्भिक अनुसन्धानबाट खुलासा भएको छ ।
वैदेशिक रोजगारीबाट केही महिनाअघि मात्र फर्केका मनोरथ घरका सदस्यलाई जानकारी नदिइ छिमेकीकै केटी साथीसँग होटलमा बस्दै आएका थिए । उनलाई विर्तामोड बसपार्कको एउटा कोठामा मृत अवस्थामा गत माघ १६ गते साँझ ६ः५० बजेतिर होटल सञ्चालकले फेला पारेर प्रहरीलाई खबर गरेका थिए ।
प्रहरीका अनुसार मनोरथ पाठकसँग होटलमा बस्दै आएकी कनकाई–३ सुरुङ्गाकी १९ वर्षीया प्रमिला विकले सामान्य विवादमा पाठकको घाँटी थिचेको’ प्रारम्भिक बयान दिएकी छन् ।
विवादका क्रममा केहीबेर घाँटी थिचिसकेपछि मनोरथ चलमलाउन छाडेको र त्यसपछि डर लागेर आफू होटलको कोठाको साँचो लगाएर भागेको प्रमिलाले प्रहरीलाई पहिलो बयानमा बताएकी हुन् ।
घरमा छोराछोरी र पत्नी भएका मनोरथ र वैदेशिक रोजगारीको सिलसिलामा विदेशमा पति भएकी प्रमिला एक महिनादेखि पटक पटक होटलमा सँगै बस्दै आएका थिए । सानो गाडी किन्ने भनी केही नगदसमेत लिएर घरबाट हिँडेका मनोरथ र प्रमिला विर्तामोडको होटलमा आउनुअघि धरानको अर्को होटलमा निकै दिन उनीहरु बसेका प्रहरीले जानकारी दिएको छ । रासस
