अब काठमाडौं र लुम्बिनीको सडकमा ‘स्मार्ट’ रिक्सा !

६ फागुन, काठमाडौं । मोबाइल फोनको डिजाइन धेरै परिर्वतन भइसक्यो । अब त हरेक महिना जस्तो नयाँ नयाँ मोडल सार्वजनिक हुन्छ । कार, बस र मोटरसाइकलको पनि डिजाइनमा परिवर्तन गरेर नयाँ प्रविधि भित्र्याइएको छ । तर, रिक्साको डिजाइनमा कुनै परिर्वतन भएको छैन ।

हिजो जे थियो, त्यही छ । छोटो दुरीको यात्राका लागि उपुयक्त भएपनि रिक्साको डिजाइन परिवर्तनमा कसैले पनि लगानी गर्न चाहँदैनन् ।

एसियाली विकास बैंक (एडीबी) को सहयोगमा परम्परागत रिक्साको विकल्पमा नयाँ प्रविधिमा आधारित गेयरसहितको रिक्सा तयार भएको छ र, यो अब छिट्टै नेपालमा पनि भित्रने भएको छ ।

एडीबीमार्फत एक अमेरिकी सवारी निर्माता कम्पनीले नेपालका लागि आधुनिक किसिमको स्मार्ट रिक्साको डिजाइन तयार गरेको छ । यो डिजाइनलाई ६ महिनाभित्र अन्तिम रुप दिएर टेण्डर गर्ने एडीबीको तयारी छ ।

एडीबीले ‘पाइलट प्राेजेक्ट’का  रूपमा पहिलो चरणमा ६० वटा आधुनिक प्रविधिको रिक्सा नेपाल ल्याउन योजना बनाएको छ । जसमध्ये मध्ये ३० वटा काठमाडौं र ३० वटा लुम्बिनीका सडकमा गुडाइनेछ । यो रिक्सा हेर्दा आकर्षक, चलाउन सजिलो, चढ्न आरमदायी र किफायती हुने कम्पनीको दाबी छ ।

सवारी निर्माता कम्पनीहरुले कार, मोटरसाकल बस लगायतका डिजाइनमा परिवर्तन गरेर नयाँ प्रविधि भित्र्याएपनि रिक्सामा नयाँ प्रविधि नआएकाले एडीबीले स्मार्ट रिक्सा नेपाल ल्याउन लागेको टिम लिटर स्क्रोडरले बताए ।

‘विकासशील देशमा रिक्सा छोटो दुरीका लागि प्रभावकारी सार्वजनिक यातायात हो । तर, यसमा नयाँ प्रविधिहरु नआएकाले हामीले नयाँ योजना तयार पारेका हौं’ उनले भने ।

कम्पनीका एक अधिकारीले भने  ‘रिक्सालाई स्मार्ट फोन जस्तो हेरक तवरमा उत्कृष्ट बनाउन सकिन्छ । त्यसैका लागि हामीले काम गरेका हौं ।’

कस्तो हुन्छ अमेरिकी रिक्सा

यो रिक्सामा पाइडल र इलेक्टि्रक ब्याट्री दुबै जडान गरिएको हुन्छ । अहिले नेपालमा गुड्ने रिक्सा स्टीलको प्रयोगबाट बन्ने गरेका छन् ।

by Catapult Design on Sketchfab

अब एडीबीले डिजाइन गरेको रिक्सा आल्मुनियम र कार्बन फाइबरबाट बनेको हुनेछ, जसका कारण यो हलुका हुने भएकाले यसलाई चलाउँदा चाकले ठूलो बल लगाउनुपर्दैन । उकालो र ठूलो लोड भएका बेला भने इलेक्ट्रक ब्याटि्रको सहयोग लिन सकिने एबीसी डट नेटले जनाएको छ ।

यो रिक्साको कार्यक्षमता धेरै भएकाले चालकले अहिलेभन्दा भन्दा धेरै यात्रु पाएर अधिकतम् आर्जन गर्न सक्नेमा एडीबी विश्वस्त छ ।

जानकारी छैनः यातायात विभाग

एडीबीले नेपालमा रिक्साको स्तरउन्नतीको लागि छुट्टै योजना बनाएर काम गरिरहेपनि सरकार भने यसमा बेखबर छ ।

यातायात व्यवस्था विभागले भने एडीबीको योजनामा अनविज्ञता जनाएको छ । ‘अहिलेसम्म एडीबीबाट त्यस्तो जानकारी आएको छैन’ विभागका महानिर्देशक चन्द्रमान श्रेष्ठले अनलाइनखबरसँग भने ।

यो समग्री नेपाल१२३.com मा पुरै पढौं

‘रोमियो’कि ओसिमा, फेशन दुनियाँबाट चलचित्रकी नायिका

निर्माता तथा नायक हसनराजा खानले निर्देशन गर्न लागेको नयाँ चलचित्र ‘रोमियो’मा काम गर्ने पक्का भएपछि फेसन डिजाइनर ओसिमा बाँनु खुशी छिन् ।

नेपाली चलचित्रमा अहिलेसम्म मुस्लिम यूवतीले नायिकाको रुपमा काम गरेका छैनन् । ओसिमा अब यो चलचित्रबाट नायिकाको रुपमा पर्दामा देखिदैछिन्, जसलाई आफ्नो भूमिकाले मन छोएको छ ।

सुमन घिमिरेले निर्देशन गर्न लागेको यो चलचित्रमा ओसिमासँगै अर्की एक मुख्य नायिकाको पनि आवश्यकता छ, जसको खोजी भैरहेको निर्माता तथा नायक हसन खान बताउँछन् । एचआरके प्रोडक्शनले निर्माण गर्न लागेको यो चलचित्रमा काम गर्न  पाउँदा खुशी भएकी ओसिमाले अनलाइनखबरसँग भनिन्-‘हसन र मेरो चिनजान पहिले देखि नै थियो । मलाई चलचित्र खेल्छु नै भन्ने थिएन तर यसको अफर आएपछि नाई भन्न सकिन ।’
समय अनुसार आफू स्टाइलिस्ट हुने बताउँदै यी डेब्यू सुन्दरीले भनिन्-‘३-४ वटा चलचित्रको अफर आए पनि मैले आफ्नै फेशनको दुनियाँलाई अगाडि बढाएको थिएँ । तर, अब भने निरन्तर चलचित्र गर्नुपर्छ भन्ने सोच आएको छ ।’
‘हाउस अफ फेसन’ संचालन गरेर बसेकी ओसिमाका लागि यो चलचित्रमा चुनौती पनि छ ।

चलचित्रकी मुख्य नायिका र उनको अभिनय जसको दमदार हुनेछ, उसले नै क्लिक हुने मौका पाउने निश्चित छ । नायक हसन खान आफूहरुले दुबै क्यारेक्टरका लागि बराबरको कथा तयार पारेको बताउँछन् । फागुनको अन्तिमबाट छायांकनमा जाने यो चलचित्रको कथावस्तुका लागि अहिले निर्देशक सुमन घिमिरे लागिपरेका छन् । चलचित्रमा समावेश ३ वटा गीत उत्कृष्ट बनेको र गीतले बजारमा तहल्का मच्चाउने विश्वास हसनको छ ।
यसअघि ‘अलबिदा’ बनाएर केही रकम घाटा लागेपनि आफूले चलचित्र क्षेत्र र बजार बुझेर यो चलचित्र निर्माण गर्न लागेको हसनको भनाई छ । यो चलचित्रको शिर्ष भूमिकामा भने हसन आफै देखिदैछन् ।

यो समग्री नेपाल१२३.com मा पुरै पढौं

साइप्रसमा राई इज किङ

फाल्गुन ५, २०७२- सोनम ल्होसार तथा भ्यालेन्टाइन डेको अवसर पारेर साइप्रसमा सञ्चालित सांगीतिक कन्सर्टमा लोकप्रिय गायक राजेशपायल राईले आफ्ना हिट नम्बर गाएर दर्शकलाई मन्त्रमुग्ध तुल्याए । साइप्रसको लिमासोलस्थित सेन्ट जर्ज हलको प्रांगणमा परम्परागत पहिरनमा सजिएर आएका नेपालीहरू गायक राईले गीत गाउने क्रममा कम्मर मर्काउन व्यस्त देखिन्थे ।

‘नेप्लिज धमाका–२०१६’ मा दर्शकहरूको उल्लेखनीय सहभागिता थियो । कार्यक्रमको सुरुवातमा गायिका मौसमी मञ्चमा उक्लिएकी थिइन् । मौसमीले करिब १ घन्टा गीत गाइन् । त्यसपछि नाइ नभन्नु लको तिमीसँगै जिउने मर्ने चाहना छ मेरो गाउँदै स्टेजमा पुगेका गायक राईले लगातार २ घन्टा वातावरण तताए । नयाँ गेटअपमा देखिएका गायकलाई युवती फ्यानहरूले रातो गुलाफ दिने प्रतिस्पर्धा नै चलेको थियो । उक्त अवसरमा गायिका गुरुङले गायक राईलाई केही गीतमा साथ दिएकी थिइन् ।

यो समग्री नेपाल१२३.com मा पुरै पढौं

म स्वयंलाई प्रेम गर्छु: बर्षा

– बर्षा शिवाकोटी, नायिका

आमा 
मेरो जीवनमा मेरी आमा दुर्गा शिवाकोटीको ठूलो भूमिका छ । मलाई आजको स्थितिसम्म ल्याइपुर्‍याउनमा आमाको ठूलो योगदान छ । मलाई लाग्छ हरेक छोरा–छोरीलाई प्रेम गर्न सिकाउने, जीवन दिने व्यक्ति नै आमा हुन् । सम्भवत: प्रेमको परिभाषा आमा नै हुन् कि ? 

म स्वयं 
मान्छेले आफूसँग जे हुन्छ, त्यही कुरा अरूलाई दिन्छ । म तबमात्र अरूलाई केही दिन सक्छु, जब आफू त्यो चिजले भरिपूर्ण छु । म स्वयंलाई प्रेम गर्छु, जसका कारण म अरुलाई त्यो माया बाँड्न सकौं ।

मेरा दुई साथी
विजय र विशाल मेरा अति मिल्ने साथी हुन् । करिब ५ वर्ष भयो हाम्रो दोस्ती भएको । त्यो दिनदेखि आजको दिनसम्म उनीहरूकै कारण मैले कुनै पनि तरिकाले कहिल्लै एक्लो महसुस गर्नुपरेको छैन । हुन त केटीमान्छेका साथी धेरै हुन्छन् र त्यसमा पनि केटी नै बढी हुन्छन्, तर मेरा यी दुई साथीले मलाई केटीसाथी अभाव महसुस हुन दिएका छैनन् । हाम्रो सम्बन्धमा हरेक कुरा सेयर हुन्छ । कलेजको समयमा हाम्रो निकटता देखेर सबै चकित पर्थे । हामी तीन जना भएपछि अरू कोही चाहिँदैन । त्यो भन्दा पनि रमाइलो कुरा के छ भने हामी तीन जनाको समूहमा अरू कोहि टिक्न सक्दैनन् ।

मेरो स्कुटर 
मेरो आफ्नो स्कुटरलाई म असाध्यै प्रेम गर्छु । सानो उमेरमा कमाइ त्यति धेरै नभए पनि जति रकम हातमा पथ्र्यो, त्योमध्ये केही रकम आफ्नो पकेटमनि राखेर थोरै–थोरै बचत गरी मैले आफ्नै पैसाले किनेको स्कुटर हो यो । यो स्कुटरमा मेरो हरेक सानाभन्दा साना भावना मिसिएका छन् ।

काम 
चलचित्र क्षेत्रमा प्रवेश गरेको करिब २ वर्ष भयो । मलाई यो क्षेत्र तथा मेरो आफ्नो कामप्रति यति लगाव छ कि अब लाग्छ मुस्किलले मात्र यो काम छाड्न सक्छु । अभिनय गर्नु अब बानीसरह भएको छ । मलाई कामबिना एक दिन पनि घरमा बस्यो भने छट्पट हुन्छ ।

ह्यान्डराइटिङ
मेरो ह्यान्डराइटिङ म आफैंलाई असाध्यै मन पर्छ । मेरो ह्यान्डराइटिङ देख्ने जो–कोहीले पनि आहा नभनेको छैन । मैले राम्रो ह्यान्डराइटिङका लागि खासै मेहनत पनि गरेकी छैन तर कसरी ती अक्षरहरू आकर्षक बन्न पुगे, म आफैंलाई थाहा छैन । मलाई परीक्षामा अब्बल बनाउने मेरो ह्यान्डराइटिङलाई म असाध्यै प्रेम गर्छु ।

किनमेल
म किनमेल गर्न मन पराउँछु । फुर्सद भयो कि म केही न केही किन्न बजारतिर दौडन्छु । आफूलाई चाहिने व्यक्तिगत सामानबाहेक घरायसी सामानको किनमेलमा पनि म उत्तिकै रमाउँछु । आमासँग किनमेल गर्न जाँदा अझ बढी रमाइलो हुन्छ ।

यो समग्री नेपाल१२३.com मा पुरै पढौं

चितवनमा ज्योतिको धमाका

– विमल खतिवडा

फाल्गुन, २०७२- औद्योगिक प्रदर्शन मैदान भरतपुरमा आयोजित चौथो राष्ट्रिय औद्योगिक प्रदर्शनी मेलामा दर्शकको भीड थियो । माघ २५ देखि चलेको मेलामा केही दिन गीत संगीतको मज्जाबाट दर्शकहरू वञ्चित रहे । कारण थियो पूर्वप्रधानमन्त्री एवं कांग्रेस सभापति सुशील कोइरालाको निधन । बिहीबारदेखि भने दर्शकले कलाकारको उपस्थितिमा रमाउने अवसर पाए ।

सुरुका दिनमा स्थानीय कलाकारको नृत्य, गायन एवं प्रहसनमा रमाएका दर्शकलाई थप मनोरञ्जन प्रदान गर्ने काम भने चर्चित कलाकारले गरे ।

निलम ढुंगानाको एक खुट्टाको नृत्यले दर्शकको मन जित्यो । कलाकार राजा राजेन्द्रले गीत, फेसबुक, नाकाबन्दी आदि विषयमा गरिएको ब्यंग्यले दर्शक एकोहोरो हांस्न बाध्य भए । श्रीमती अनिता तथा छोरा संगीतराजका साथ उपस्थित भएका गायक सत्यराजले आधा दर्जनभन्दा बढी गीत गाएर दर्शकलाई भुलाउने काम गरे । उता गायक भुवन प्यासीको गीत तथा कलाकार किरण केसी र शिवहरि पौडेलले समसामयिक विषयमा प्रहसन प्रस्तुत गर्दै दर्शकलाई हाँस्न बाध्य पारे ।

तन्नेरी पुस्ताको रोजाइमा भने गायिका ज्योति मगर परिन् । चितवन उद्योग संघको आयोजनामा चलेको मेलाको प्रमुख आकर्षण ज्योति नै रहिन् । छोटो पहिरनमा मञ्चमा देखा परेकी ज्योतिलाई हेर्न र छुन युवादर्शकहरूबीच प्रतिस्पर्धा नै चल्यो । भीड नियन्त्रण गर्न प्रहरीले सहयोग गरेको थियो । उक्त अवसरमा ज्योतिले आफ्ना लोकप्रिय गीतहरू गाएर दर्शकहरूलाई छमछमी नचाइन् ।

यो समग्री नेपाल१२३.com मा पुरै पढौं

एमबिबीएस प्रथम वर्षमा ८.७५% मात्र उत्तीर्ण

महेन्द्रनगर (धनुषा), ६ फागुन । धनुषाको क्षीरेश्वरनाथ नगरपालिका–२ रमदैयास्थित जानकी मेडिकल कलेजको एमबिबीएस प्रथम वर्षमा ९१ प्रतिशत विद्यार्थी असफल भएका छन् ।

परीक्षामा सहभागी नियमित तथा आंशिक गरी ८० विद्यार्थीमध्ये सातजना मात्र उत्तीर्ण भएको क्याम्पस प्रशासनले जनाएको छ । एमबिबीएस प्रथम वर्षको ११ औँ समूहको परीक्षाफलमा ८.७५ प्रतिशत विद्यार्थी मात्रै पास भएका छन् ।

कलेजको यस्तो परिणाम आएपछि रु ३५ देखि ४० लाखसम्म खर्च गरेर चिकित्साशास्त्र अध्ययन गरिरहेका विद्यार्थी चिन्तामा परेका छन् ।

मेडिकल कलेजका व्यवस्थापन समितिका पूर्वअध्यक्ष ओपी पाण्डेलगायत व्यवस्थापकले शिक्षक, कर्मचारीको तलबभत्ता नियमित भुक्तान नगर्दा विगत दुई वर्ष क्याम्पस अस्तव्यस्त बनेको थियो ।

पटक पटकको हडतालले विद्यार्थीको अधिकांश समय आन्दोलन मै बितेको थियो । पूर्व सञ्चालकमध्येका केहीमाथि अहिले पनि ठगी मुद्दा चलिरहेको छ भने केही फरार छन् । पाण्डेले बिक्री गरेपछि गत असार २७ देखि धनबहादुर शेरचनको नेतृत्वको नयाँ व्यवस्थापनमा कलेज सञ्चालन भइरहेको छ ।

नयाँ व्यवस्थापनले जिम्मेवारी सम्हालेयता पठनपाठन र भौतिक सुविधामा सुधार भएको प्रशासन शाखाका राकेश ठाकुरको दाबी छ । उहाँका अनुसार कक्षा नियमित छन् भने ५३५ श्ययाको अस्पताल पनि सञ्चालन गरिएको छ ।
भौतिक र शैक्षिक पूर्वाधारमा सुधार भएपनि दुई वर्षदेखि यस कलेजले छात्र भर्ना गर्ने अनुमति (कोटा) नपाएको कलेज प्रशासकको गुनासो छ । प्रशासक सुशील झाले जनकपुर उपमहानगरपालिकामा सिटी अस्पतालसँगै आइसियु तथा सिसियु सञ्चालन भएको बताउनुभयो । उहाँले २५ सङ्काय थपिएको जनाउँदै अब पठनपाठन नियमित छ, तैपनि विद्यार्थी कोटा रोकिएको बताउनुभयो ।

यो समग्री नेपाल१२३.com मा पुरै पढौं

पोखरामा प्याराग्लाइडिङ प्रिवल्र्डकप फागुन १५–२२ सम्म हुने

पोखरा–नेपाल हवाई खेलकुद संस्था पोखराको आयोजनामा यही फागुन १५ देखि २२ गतेसम्म पोखरामा प्याराग्लाइडिङ प्रि वल्र्ड कप प्रतियोगिता आयोजना गरिने भएको छ ।

मनोरञ्जनात्मक एवम् साहसिक हवाई खेलकुदको माध्यमबाट नेपालको आन्तरिक एवम् बाह्य पर्यटन प्रवद्र्धन गर्ने उद्देश्यले आयोजित सो प्रतियोगितामा नेपालसहित ३५ राष्ट्रका १५० जना प्याराग्लाइडिङ पाइलटले भाग लिने संस्थाका अध्यक्ष सोभित बानियाँले आज यहाँ आयोजित पत्रकार भेटघाट कार्यक्रममा जानकारी दिए ।

पोखराको सराङ्कोटबाट प्रतियोगिताका सहभागी प्याराग्लाइडिङ पाइलट उड्ने र फेवातालको किनार खपौदीमा अवतरण गर्ने कार्यक्रम रहेको छ ।

प्रतियोगिता सम्पन्न गर्न रु ५६ लाख ८० हजार खर्च लाग्ने र उक्त रकम संस्थाका सदस्य कम्पनी, नेपाल पर्यटन बोर्ड र सहभागिता शुल्कबाट व्यहोरिने बताइएको छ ।

प्रतियोगिताका विजयी पाइलटलाई नगद पुरस्कारबाट पनि पुरस्कृत गरिने कार्यक्रम संयोजक कृष्णप्रसाद भण्डारीले जानकारी दिनुभयो । प्रतियोगिता सम्पन्न गर्न विभिन्न १३ वटा उपसमिति पनि गठन गरिएको छ । संस्थाले विगत १६ वर्षदेखि निरन्तररुपमा नेपाल खुल्ला प्याराग्लाइडिङ प्रतियोगिता गर्दै आएको छ ।

यो समग्री नेपाल१२३.com मा पुरै पढौं