‘मेरो कथाका पानाहरु’को विमोचन रोकियो

काठमाडौँ । नेपालको प्रजातान्त्रिक आन्दोलनका लौहपुरुष गणेशमान सिंहको जन्मशताब्दी वर्षका अवसरमा यही माघ २८ गते प्रकाशित हुन लागेको उहाँको संस्मरणात्मक आत्मकथा ‘मेरो कथाका पानाहरु’को अङ्गे्रजी भाषामा दुईखण्ड र नेपालीमा तेस्रो खण्डको विमोचन कार्यक्रम स्थागित भएको छ ।

गणेशमान सिंह फाउन्डेसनद्वारा प्रकाशित ती आत्मकथाको यही माघ २८ गते नेपाली काँग्रेसका सभापति सुशील कोइरालाले विमोचन गर्ने कार्यक्रम तय भएकोमा सभापति कोइरालाको आकस्मिक निधनका कारण कार्यक्रम स्थगित भएको हो ।

फाउन्डेसनले उहाँको निधनप्रति गहिरो दुःख व्यक्त तथा दिवङ्गत आत्माको चीरशान्तिको कामना गर्दै विमोचन कार्यक्रमको मिति पछि तय गरिने फउन्डेसनद्वारा आज जारी विज्ञप्तिमा जनाइएको छ ।

यो समग्री नेपाल१२३.com मा पुरै पढौं