विराटनगरमा सुविधासम्पन्न बसपार्क बन्ने

२१ फागुन, विराटनगर । पूर्वको प्रमुख शहर विराटनगरमा अत्याधुनिक सुविधासम्पन्न दुई तले बसपार्क निर्माण हुने भएको छ ।

पूर्वाञ्चलको मूख्य शहरमा आफ्नै व्यवस्थित बसपार्क नभएको अवस्थामा उपमहानगरपालिकाले बसपार्क निर्माण योजना अघि बढाएको हो ।

विराटनगर-१५ स्थित साविकको बसपार्कलाई व्यवस्थित गर्न १४ करोड ११ लाख ५५ हजार रुपैयाँ लागतमा वसपार्क निर्माणको काम उपमहानगरपालिकाले अघि बढाएको छ ।

विराटनगर उप-महानगरपालिकाका कार्यकारी अधिकृत गोपाल रेग्मीले निर्माण प्रक्रिया अघि बढिसकेको जानकारी दिए । उनले नगर विकास कोषसँग ऋण लिएर बसपार्क निर्माणको गुरु योजना तयार गरिसकिएकाले यही महिना भित्र वसपार्कको निर्माणका लागि सम्झाैता हुने दावी गरे ।

कोषको ९० प्रतिशत लगानी रहने बसपार्कमा सरकारको साढे ७ प्रतिशत र उपमहानगरपालिकाले साढे २ प्रतिशत रकम लगानी गरिने छ । उपमहानगरपालिका योजना फाँटका इन्जिनियर अर्जुन थापाका अनुसार करिव डेढ बिघा क्षेत्रफलमा फैलिने बसपार्कको तल्लोतलामा टिकट काउन्टर, सोधपुछ कक्ष, प्रतीक्षालय, मजदुर, कर्मचारी बस्ने कोठालगायत हुनेछ । पहिलो तलामा रेष्टुरेन्ट, व्यागेज रुम, रहने बव्यस्था हुने छ । इन्जिनियर थापाले बसपार्क क्षेत्रको सबै भुँइलाई पिच बनाइने र बसपार्कभित्रै वर्कसप, बिजुलीबाट गाडी धुनेजस्ता सुविधा पनि हुने जानकारी दिए ।

दैनिक २७ वटा बस र २८ वटा माइक्रो बस बसपार्कमा आउने-जाने गरी अट्नेछ । यसअघि सामान्य वर्षा हुँदा पनि विराटनगर वसपार्क अस्तव्यस्त हुने गरेको थियो ।

यो समग्री नेपाल१२३.com मा पुरै पढौं