प्रेमिका भेट्न गएका युवकको हत्या

काठमाडौँ, १५ फागुन । बारा जिल्लामा रहेकी प्रेमिका भेट्न रौतहटका एक युवकको हत्या भएको छ । रौतहटको सन्तपुर दोस्तिया गाविस ७ का २६ बर्षीय पुण्यदेवप्रसाद यादवको हत्या भएको हो । बाराको भोडहा गाविस ८ धोदामा रहेकी आफ्नो प्रेमिका प्रियंका साहलाई भेट्न आएका बेला यादवको हत्या भएको हो ।

बाराको मनहर्वा गाविस ५ मझौलियामा अवस्थित टेङग्रहर खोलाको पश्चिमतर्फको बाँसघारीमा गाडिएको अवस्थामा यादवको शव शुक्रबार फेला परेको जिल्ला जिल्ला प्रहरी कार्यालयले जनाएको छ । बाँघघारीमा टाउको तथा दाहिने हात नभएको अवस्थामा शव बरामद गरिएको बाराका प्रहरी उपरीक्षक नरेन्द्रप्रसाद उप्रेतीले बताए ।

प्रहरी उपरीक्षक उप्रेतीका अनुसार यादव गत फागुन ४ गते बाराको भोडहा गाविस ८ मा रहेकी प्रेमिकालाई भेट्न भन्दै घरबाट हिँडेका थिए । घरबाट हिँडेकै दिनदेखि घरपरिवार र आफन्तको सम्पर्कबाट बाहिर रहेका यादवको शव शुक्रबार बाँसघारीमा गाडिएको अवस्थामा भेटिएको प्रहरी उपरीक्षक उप्रेतीले बताए । अन्नपूर्ण पोष्टमा खबर छ ।

यो समग्री नेपाल१२३.com मा पुरै पढौं