को-पाइलट सन्तोषको घरमा शोक

१४ फागुन, काठमाडौं । एयर काष्ठमण्डपको विमान कालिकोटमा दुर्घटना हुँदा मृत्यु भएका सहचालक सन्तोष रानाको काठमाडौं, कपनस्थित घरमा शोक छाएको छ ।

सन्तोष पूर्वमन्त्री तथा एमाले सांसद दलबहादुर रानाका छोरा हुन् । सन्तोषको परिवारमा बुवा आमा तथा एक दाजु छन् । छोराको विमान दुर्घटना हुँदा दलबहादुर भैरहवामा थिए ।

उनी अहिले काठमाडौं फर्किँदैछन् । घरमा रहेकी आमा बेहोस अवस्थामा छिन् । घटनापछि भेला भएका छरछिमेकी र आफन्तले उनलाई सान्त्वना दिइरहेका छन् ।

२८ वर्षका सन्तोषले गत वैशाखबाट मात्रै काष्टमण्डप एयरलाइन्समा काम थालेका थिए । सुर्खेतमा बस्ने उनी १० दिनअगाडि घरमा आएका थिए । परिवारले उनको विहेका लागि केटी खोजीरहेका थिए । तर, सन्तोष भने मुख्य पाइलट भएपछि मात्रै विहे गर्ने अडानमा थिए ।

सन्तोषले फिलिपिन्समा पढेका र अमेरिकामा ट्रेनिङ गरेका हुन् । उनका दाजु युकेको रिटायर्ड आर्मी हुन् र आफ्नो परिवारसहित युकेमा बस्दै आएका छन् ।

बुवा दलबहादुर पाल्पा-२ का एमाले सांसद तथा पूर्व भूमिसुधार मन्त्री हुन् ।

यो समग्री नेपाल१२३.com मा पुरै पढौं