​लगानी बोर्डका सिइओको नयाँ काम : सांसद भानुभक्त ढकालका अनुवादक

स्थान : विवेकानन्द फाउन्डेसन, चाणक्यपुरी, नयाँ दिल्ली
कार्यक्रम : नेप्लिज बिजनेस एन्ड ट्रेड डेलिगेसनसित अन्तर्क्रिया

आठ जना सांसदसहित लगानी बोर्डका सिइओ डा. राधेश पन्त र राष्ट्रिय पुनर्निर्माण प्राधिकरणका सिइओ सुशील ज्ञवाली दिउँसो ३ बजेको कार्यक्रमका लागि आइपुगे।

भन्नलाई बिजनेस एन्ड ट्रेड डेलिगेसन भनिए पनि बिजनेसको नाममा नेपाली टोलीमा डा. पन्तमात्रै सम्बन्धित व्यक्ति थिए। उतातिर भारतको सहभागी टिममा पनि अधिकांश पूर्व सैनिक थिए। बाँकी राजदूत र विदेश मन्त्रालयका अधिकारी।

राजन भट्टराई नेतृत्वको टोलीलाई स्वागत गर्दै भारतीय टोलीका तर्फबाट फाउन्डेसनका अध्यक्ष जनरल एनसी भिजले भनाई राखे। नेपाली टोलीका तर्फबाट केही भन्न आग्रह गर्दा टोली सुरुमै अलमलियो। एमाले सांसद भानुभक्त ढकालले सुरु मै नेपालीमा कुरा गर्ने कि भनेर प्रस्ताव गरे। पछि त्यहीँ भएको सल्लाह अनुसार एमालेकै सांसद राजन भट्टराईलाई बोल्न लगाइयो। उनले संविधानको विषयमा अङ्ग्रेजीमा अलि लामै बोले।

उनको भनाई सकिएपछि एमालेकै सांसद लालबाबु राउत बोल्न खोज्दै थिए, भारतीय पक्षको बोल्ने पालो भन्दै रोकियो। त्यसपछि राउतले आफ्नो भनाई राखे। उनको भनाई पनि राजनीतिक नै थियो।

कार्यक्रमको अन्त्यतिर एमाले सांसद भानुभक्त ढकालले बोल्ने इच्छा गरे। भारतीय टोलीका तर्फबाट तपाईँहरुलाई जे सजिलो लाग्छ त्यसैमा बोल्नु भए हुन्छ, हिन्दीमा बोल्दा पनि हामी अधिकांश बुझ्छौँ भनियो।

तर एमाले सचेतक समेत रहेका ढकालले हैन मलाई नेपालीमा नै सजिलो हुन्छ भनेर नेपालीमा भनाई राखे।

उनको नेपाली भनाईलाई अनुवाद गर्ने जिम्मा पाए लगानी बोर्डका सिइओ डा. पन्तले।

ढकालले एक लाइन नेपालीमा बोल्ने, पन्तले त्यसलाई अङ्ग्रेजीमा उल्था गर्ने। फेरि ढकालको एक लाइन, पन्तको अनुवाद।

अडियो सुन्नुस्-

यो समग्री नेपाल१२३.com मा पुरै पढौं