अहिलेको दुनियाँमा प्रबिधिको ब्यापार सवैभन्दा नाफामूलक ब्यापार हो । यो कुरालाई पुष्टी गरेका छन् हालै विश्व चर्चित म्यागेजिन फोव्र्सको सूचीकरणमा पर्ने प्रबिधि क्षेत्रका बादशाहरुले ।
प्रविधिको ब्यापारबाट उदाएर नाम र दाम कमाउँदै संसारकै धनीहरुको सूचीमा पर्न सफल १० जनाको नालीवेली यस्तो छ ।
१०. मा हुवातेङ
कुल सम्पतिः १६.६ अर्ब डलर
मुलुकः चीन
मा हुवातेङ चिनियाँ सचिनियाँ सˆटवेर कम्पनी टेनसेन्ट होल्डिङका सह संस्थापक तथा सिइओ हुन् । टेनसेन्टको QQ.com विश्वकै १० ठूला वेबसाइटहरुमध्ये एक पर्छ । उनी चाइना मोसन टेलिकम डेभलपमेन्ट लिमिटेड अन्तर्गत गरेर पेजिङ सिस्टमको बिकासमा लागि रिसर्च समूहमा आबद्ध थिए ।
९. माइकल डेल
मुलुकः अमेरिका
माइकल डेल चर्चित कम्पनी डेलका निर्देशक मण्डलका अध्यक्ष तथा सिइओ हुन् । उनले सन् १९८४ मा टेक्सासस्थित छात्राबासमा यो कम्पनी स्थापना गरेका थिए । त्यसबेला उनी मात्र १९ बर्षका थिए । सन् १९९२ मा उनलाई त्यसबेलाका कान्छा सिइओको रुपमा फर्च्युन ५०० ले उल्लेख गरेको थियो । फोव्र्सका अनुसार डेल कम्पनीमा अहिले पनि उनको ७० प्रतिशत शेयर छ ।
८. ज्याक मा
मुलुकः चीन
चिनियाँ इन्टरनेट उद्योगलाई विश्वभर बिस्तार गर्ने श्रेय अलिवावाका संस्थापक तथा सिइओ ज्याक मालाई जान्छ । उनले अलिबाबा नामक इकमर्स साइटबाटै अरबौं डलर बराबरको सम्पत्ति आर्जन गर्न सफल भएका छन् । ज्याकले अलिबाबाबाहेक सिनेमा र उत्पादन क्षेत्रमा पनि लगानी गरेका छन् ।
७. स्टिभ बाल्मर
मुलुकः अमेरिका
माइक्रोसˆटका पूर्व सिइओ स्टिभ बाल्मरसँग २३.५ विलियन अमेरिकी डलर बराबरको सम्पति छ । बाल्मरले माइक्रोसˆटको सिइओ र निर्देशकबाट सन् २०१४ मा राजीनामा दिएका थिए । तर उनसँग कम्पनीको ४ प्रतिशत शेयर भने कायमै छ । माइक्रोसफ्टको सेयर र प्रबिधि क्षेत्रमा गरेको लगानीबाट उनले यो सम्पत्ति आर्जन गर्न सफल भएका हुन् । उनी र बिल गेट्स मिलेर माइक्रोसफ्ट कम्पनीको स्थापना गरेका थिए ।
६. सेर्गेइ ब्रिन
मुलुकः अमेरिका
सेर्गेइ ब्रिन इन्टरनेट बादशाह गुगलका संहसंस्थापक एवं ‘अल्फाबेट’ कम्पनीका अध्यक्ष हुन् । यो नयाँ कम्पनी, उनी र गुगलका सह संस्थापक ल्यारी पेज मिलेर सन् २०१५ मा घोषणा गरेका हुन् । यो कम्पनी गुगलको माउ कम्पनी हो । अल्फावेट कम्पनीको छाता संगठनमा रहेर ‘क्यालिको’, ‘गुगल भेन्चर्स’ र ‘गुगल एक्स’ आदि सेवा उपलब्ध हुनेछन् । ब्रीनले स्टानफोर्ड विश्वबिद्यालयबाट कम्यूटर साइन्समा स्नाकोत्तर गरेका छन् ।
५. ल्यारी पेज
मुलुकः अमेरिका
ल्यारी पेज गुगलको मातृ संस्था अल्फावेटका प्रमुख कार्यकारी हुन् । ल्यारी र सर्गेइ मिलेर सन् १९९८ मा गुगलको स्थापना गरेका थिए । गुगलका पहिलो प्रमुख कार्यकारी अधिकृत रहेका ल्यारी सन् २००१ सम्म सो पदमा थिए ।
गुगल र त्यसअन्र्तगतका उत्पादनहरुबाट कमाएको पैसाकै कारण उनी बिश्वका १० धनी प्रबिधि बादशाहमा परेका हुन् ।
४. ल्यारी इलिसन
मुलुकः अमेरिका
ओरेकल कम्पनीका संस्थापक ल्यारी इलिसन यस सूचीमा चौथो नम्बरमा छन् । उनले सन् १९७७ मा ओलेकलको स्थापना गरेका थिए र सन् २०१४ सम्म त्यसको सिइओ थिए । उनी सेलबोट रेसिङ, बिमानको उडान र टेनिस खेलाडी तथा गितार बादकको रुपमा पनि परिचित छन् ।
३. मार्क जुकरवर्ग
मुलुकः अमेरिका
प्रविधि क्षेत्रका शीर्ष १० धनाढ्यको सूचीमा फेसबुकका संस्थापक मार्क जुकरवर्ग तेस्राे स्थानमा छन् । उनले पछिल्लो १२ महिनामा ११.२ अर्ब डलर सम्पति जोडेका छन् । जुकरवर्गले कलेजको छात्रावासबाट दुई रुममेटहरु डस्टिन मोस्कोभिच र क्रिस हृयुजसँग मिलेर सन् २००४ मा फेसबुकको सुरुवात गरेका थिए । जतिबेला उनी मात्र १९ बर्षका थिए ।
२. जेफ वेजोस
मुलुकः अमेरिका
शीर्ष १० को सूचीम दोस्रो नम्बरमा आउँछन् अमेरिकी धनाढ्य जेफरी प्रिष्टोन बेजोस । उनी इ-कमर्स जायन्ट अमेजनका फाउण्डर तथा सिइओ हुन् । उनले प्रिन्स्टोन विश्वबिद्यालयबाट ग्राजुएट गरेका छन् । इन्टरनेटमा आधारित किनमेललाई बिश्वभर स्थापित गर्न उनको मुख्य योगदान छ ।
१. विल गेट्स
मुलुकः अमेरिका
प्रविधि क्षेत्रका धनाढ्यहरुमा शीर्ष स्थानमा रहन सफल छन् माइक्रोसफ्टका सह-संस्थापक विल गेट्स । उनी विश्वकै सर्बाधिक धनी मानिस पनि हुन् । अमेरिकाको सियाटल्मा सन् १९५५ मा जन्मिएका गेट्ले सहकर्मी पल एलेनसँग मिलेर विश्वकै सबैभन्दा ठूलो सफ्टवेर विजनेश सुरु गरेका थिए ।
माइक्रोसफ्टमा उनको मात्र तीन प्रतिशत शेयर छ । यद्यपी उनको क्यानेडियन रेल्वे लगायत अन्य ठूला कम्पनीहरुमा शेयर छ ।
जुन २००८ देखि उनले माइक्रोसफ्टमा आफ्नो सक्रियता बिस्तारै घटाउँदै लगेका छन् । समाजसेवामा समय व्यतित् गर्न उनले व्यवसायिक जीवनबाट टाढा रहने निर्णय गरेका हुन् । उनी ‘विल एण्ड मेलिन्दा गेट्स फाउण्डेसन’मार्फत संसारका बिकासशील मुलुकमा सामाजिक क्षेत्रमा सक्रिय रहँदै आएका छन् ।
-एजेन्सीको सहयोगमा
यो समग्री नेपाल१२३.com मा पुरै पढौं
No comments:
Post a Comment