छोरी-ज्वाइँको घर आएकी शान्ताको जलेर मृत्यु

नवराज पथिक
३० फागुन, रामेछाप । रामेछापको मन्थली नगरपालिका १४ भटौलीमा एक महिलाको घर भित्रै जलेर मृत्यु भएको छ ।

शनिबार राति जीतबहादुर सार्कीको घरमा आगलागि हुँदा उनकी सासु ८२ वर्षीया शान्तामाया सार्कीको जलेर मृत्यु भएको स्थानीय छत्र मुग्रातीले जानकारी दिए ।

छोरी-ज्वाइँको घरमा बस्दै आएकी सार्की राति घरमा एक्लै सुतेकी थिइन् । छोरी-ज्वाइँ भने नजिकैको गोठमा सुतेका थिए ।

राति १ बजेतिर घरमा आगो लागेको थाहा पाएपछि स्थानीयहरु भेला भएका थिए । त्यतिबेलासम्म घरमा आगलागी भएर शान्तामायाँको आधाभन्दा बढी भाग जलिसकेको थियो ।

शव जलेको अवस्थामा आइतबार विहान निकालिएको छ । आगलागिको कारण खुल्न सकेको छैन ।

यो समग्री नेपाल१२३.com मा पुरै पढौं