कारागारभित्रै श्रीमानको मृत्यु भएपछि पत्नी आमरण अनशनमा

रौतहटको गौरमा रहेको कारागारभित्रै कैदी शेख मुबारकको मृत्यु भएपछि उनकी पत्नी आमरण अनशनमा बसेकी छन्।

कारागारभित्र रहेका कैदी मुबारकलार्इ उपचारका लागि अस्पताल नलगिएकाले ज्यान गएको आरोप लगाउँदै उनका परिवार अनशनमा बसेका हुन्। मृतककी पत्नी अकलोवा -८ की सगिरा खातुन आफ्ना श्रीमान कारागारभित्रै उपचार नपाएर मरेको भन्दै कारागार प्रमुखमाथि कारबाहीको माग गर्दै कारागार परिसर नजिकै आमरण अनशनमा बसेकी हुन्।

खातुनले आफ्ना श्रीमान जेलभित्रै बिरामी हुँदा समेत परिवारलार्इ थाहा नदिएको र उपचारके समेत नगराएर राखेकाले ज्यान गएको आरोप लगाइन्। खातुन वैशाख १० गते देखि आमरण अनशनमा बस्दै आएकी छिन्।

पीडित परिवारले कारागारभित्रै उपचार नपाएर कैदीको ज्यान जानु गम्भीर घटना भएको भन्दै दोषीमाथि कारबाही र क्षतिपूर्तिको माग गरेको छ। पीडित परिवारले घटनाको न्यायिक छानविन गरेर सत्यतथ्य बाहिर ल्याउन माग समेत गरेको छ।

यो समग्री नेपाल१२३.com मा पुरै पढौं