घरमा श्रीमती छाडेर छिमेकीकै केटी साथीसँग होटलमा बस्दा…

झापा । विर्तामोडस्थित नयाँ बसपार्कको एक होटलमा रहस्यमय रुपमा मृत फेला परेका कनकाई–३ सुरुङ्गाका ४९ वर्षीय मनोरथ पाठकको घाँटी थिचेर हत्या’ भएको प्रारम्भिक अनुसन्धानबाट खुलासा भएको छ ।

वैदेशिक रोजगारीबाट केही महिनाअघि मात्र फर्केका मनोरथ घरका सदस्यलाई जानकारी नदिइ छिमेकीकै केटी साथीसँग होटलमा बस्दै आएका थिए । उनलाई विर्तामोड बसपार्कको एउटा कोठामा मृत अवस्थामा गत माघ १६ गते साँझ ६ः५० बजेतिर होटल सञ्चालकले फेला पारेर प्रहरीलाई खबर गरेका थिए ।

प्रहरीका अनुसार मनोरथ पाठकसँग होटलमा बस्दै आएकी कनकाई–३ सुरुङ्गाकी १९ वर्षीया प्रमिला विकले सामान्य विवादमा पाठकको घाँटी थिचेको’ प्रारम्भिक बयान दिएकी छन् ।

विवादका क्रममा केहीबेर घाँटी थिचिसकेपछि मनोरथ चलमलाउन छाडेको र त्यसपछि डर लागेर आफू होटलको कोठाको साँचो लगाएर भागेको प्रमिलाले प्रहरीलाई पहिलो बयानमा बताएकी हुन् ।

घरमा छोराछोरी र पत्नी भएका मनोरथ र वैदेशिक रोजगारीको सिलसिलामा विदेशमा पति भएकी प्रमिला एक महिनादेखि पटक पटक होटलमा सँगै बस्दै आएका थिए । सानो गाडी किन्ने भनी केही नगदसमेत लिएर घरबाट हिँडेका मनोरथ र प्रमिला विर्तामोडको होटलमा आउनुअघि धरानको अर्को होटलमा निकै दिन उनीहरु बसेका प्रहरीले जानकारी दिएको छ । रासस

यो समग्री नेपाल१२३.com मा पुरै पढौं

बाहुनकी छोरी मुश्लिमसँग भागेपछि…

एजेन्सी । धर्महरुमध्ये सबैभन्दा कट्टर मानिने मुसलमान हो । जहाँ छोरी चेलीले अनिवार्य बुर्का लाउने चलन छ । यसैक्रममा बाहुनकी छोरी मुसलमानकी बुहारी बन्दा हंगामा मच्चिएको छ ।

मुसलमानकी बुहारी बनेकी उत्तरी केरलको कोझिकोडकी ती युवतीले आफ्नो कलेज प्रशासनमाथि गम्भीर आरोप लगाएकी छिन् । उनले आफूले मुश्लिम धर्मका युवकसँग विहे गर्दा कलेजले क्लासबाट निकालिदिएको बताइन् । उनी यो घटनालाई राज्य महिला आयोगमा पुगाउने योजनामा छिन् ।

समाचार अनुसार मुस्लिम एजुकेशन सोसाइटी वुमन कलेजमा प्रथम वर्ष ‘फर्स्ट ईयर’की छात्रा नीरजा २३ वर्षीय मोहम्मद रमीजसँग प्रेम गर्थिन् । दुबैले आफ्नो प्रेम सम्बन्धलाई एक फेब्रुअरीका दिन अदालतमा गएर विहेमा परिणत गरे । तर, एक हप्तापछि जब उनी कलेज गइन् तब कलेज प्रशासनले उनलाई कलेज नआउन भन्यो ।

यता कलेजले भने नीरजाले आफ्ना आमाबुवाको अनुमति विना मुसलमान घरकी बुहारी बनेकाले क्लास प्रवेशमा रोक लगाएको बताएको छ । कलेज प्रशासन भन्छ– यदि उनी कलेज आइन भने यसको असर अनय युवतीमा पनि पर्नेछ ।

यो समग्री नेपाल१२३.com मा पुरै पढौं

आकाशबाट खस्यो रहस्यमय वस्तु, के हो यो जसले जमिनै हल्लायो ?

एजेन्सी । पृथ्वीमा एकपटक फेरि अनौठो बस्तु आकाशबाट खसेको छ ।

यसअघि ताइवानमा गोलाकार आकारमा अनौठो वस्तु खसेको थियो । जसको अहिलेसम्म पत्ता लाग्न सकेको छैन् । उक्त वस्तु खसेको दुई महिनानवित्दै केही दिन अगाडि फेरि पृथ्वीमा अनौठो बस्तु खसेको भारतीय पत्रिका द हिन्दूले जनाएको छ ।

उक्त वस्तु भारतको तामिलनाडुको भेल्लोर शरमा एउटा इन्जिनियरिङ कलेज परिसरमा केहि दिनअघि आकाशबाट खसेको हो । उक्त रहस्यमय वस्तु खस्दा ठूला्े आवाज सुनिएको थियो । यो विस्फोट हुँदा जमिनमा खाल्डो समेत बन्यो । नजिकका भवनहरुका झ्यालका सिसा चर्किए । पार्किङमा रहेका बसहरुका सिसा फुटे भने एक ट्रक ड्राइभरको मृत्युसमेत भयो ।

यो घटनाको कोही पनि प्रत्यक्षदर्शी थिएनन् । यद्यपि, विष्फोटपछि सबैभन्दा पहिले पुग्नेमा इन्जिनियरिङ कलेजका प्रिन्सिपल एक थिए । उनले आफू त्यो बेला अफिसमा रहेको भन्दै एक मिनेटसम्म कलेजका भवनहरु थर्थराएको महसुस गरेको बताए । उनले भने– ‘सबै विद्यार्थी तथा फ्याकल्टी मेम्बर बाहिर आए । बाहिर बुङबुङ धुलो उडेको थियो । यो विष्फोट यति ठूला थियो कि पानीको ट्याङ्की नै फुट्यो र पानी पिउन गएको ड्राइभर मारियो ।’

यो घटनापछि तामिलनाडुकी मुख्यमन्त्री जयललिताले आकाशबाट खसेको उल्कापिण्डका कारण ड्राइभर मारिएको बयान दिएकी छन् । यद्यपि, वैज्ञानिकहरुले उनको भनाईलाई पुष्टी गरिसकेका छैनन् । वैज्ञानिकहरुले घटनास्थलको जाँचबुझ गर्नुका साथै उक्त वस्तुलाई अनुसन्धानका लागि ल्याबतिर लगेका छन् ।

नासाका उल्का पिण्ड विशेषज्ञ डेरेक सीअर्सले भेल्लोरमा खसेको यो पत्थरको फोटो देखेका छन् । उनी भन्छन्, ‘यहि तस्बिरका आधारमा मात्रै केहि भन्न सकिँदैन । यद्यपि यसैको कारण मानिसको मृत्यु भएको हो भने पक्कै पनि ठूलो आकारको थियो होला ।’

आकाशबाट उल्कापिण्ड खस्नु आम कुरा भएको वैज्ञानिकहरु बताउँछन् । यद्यपि यो प्रायजसो समुद्र वा प्रदुषणरहित क्षेत्रमा खस्ने गर्छ । डा. सिअर्सका अनुसार शहर वा वस्तीको बीच उल्कापिण्ड खस्नु असाधारण घटना हो । सन् १००० भन्दा अगाडि चीनमा उल्का पिण्ड वृष्टी हुँदा ५-६ जनाको मृत्यु भएको थियो ।

यो समग्री नेपाल१२३.com मा पुरै पढौं

नाबालिकाको इज्जत लुटेर सांसद यादव फरार, गाउँगाउँमा छापा हान्दै प्रहरी

एजेन्सी । देश र जनताको सेवा गर्छु भनी कसम खाएका सत्तारुढ दलका एक सांसदले आफ्नै गाउँकी नाबालिकासँग जबरजस्ती शारीरिक सम्पर्क राखेका छन् ।

घटना छिमेकी देश भारतको हो । जहाँको विहार राज्यस्थित नवादा जिल्लाका आरजेडी दलका सांसद राजबल्लभ यादवलाई बालिकासँग अनैतिक तथा अपाच्य हर्कत गरेको भन्दै पार्टीले समेत कारवाही गरेको छ । उनलाई पार्टीबाट बर्खास्त गरिएको हो । यो भन्दा पहिला शनिवार रातभर राजबल्लभको खोजीमा गाउँ गाउँमा छापा हानिएको थियो । प्रहरीले उनको घरलाई घेराबन्दीमा राखेको छ । सांसद राजबल्लभ भने फरार छन् ।

सांसद राजबल्लभको घटना छानविनका लागि विहार सरकारले दुई सदस्यीय फरेन्सिक टीम पनि गठन गरेको छ । घटनाको जाँच गर्न यो टिम नालन्दा पुगेको छ । सांसद राजबल्लभविरुद्ध शनिवार नै पक्राउ पुर्जी जारी गरिएको थियो । पीडित छात्रासँगको सोधपुछपछि डीआईजी शालिनले यो खबरको पुष्टि गरेकी छिन् । पीडित बालिकाले सांसदको फोटो फोटो हेरेर आरोपीलाई चिनेकी थिइन् ।

के हो घटना ?
घटना ६ फेब्रअरीको हो । बिहारशरीफको धनेश्वर घाट मुहल्लास्थित छिमेकी एक महिलाले छात्रालाई जन्मदिन पार्टीमा लग्ने बहानामा विधायकको हातमा सुम्पिइन् । त्यसको भोलिपल्ट छात्रा महिलाविरुद्ध प्रहरी थानामा उजुरी लिएर पुगेकी थिइन् । यसको साथै सांसद राजबल्लभले छात्रालाई घटनाको बारेमा कसैलाई नभन्न भन्दै ३० हजार रुपैयाँको प्रलोभन देखाएको भारतीय च्यानल आजतकमा समाचार छ ।

यो घटनाको भारतीय जनता पार्टीले विरोध जनाएको छ । विहारमा लालु यादव र नीतीश कुमार सहित ६-७ पार्टीको महागठबन्धले सरकार चलाइरहेको छ । उक्त गठबन्धनमा आरजेडी पार्टीको पनि सहभागिता छ ।

यो समग्री नेपाल१२३.com मा पुरै पढौं

ओमलाई आमासँग धित नमरेपछि छोरीतिर लाग्दा……

नयाँदिल्ली, ५ फागुन । भारतको नयाँदिल्लीस्थित गुडगांवको लक्ष्मण विहार फेस २ इलाकामा एक युवतीलाई आफ्नी आमाका प्रेमीले डर देखाएर बलत्कार गरेपछि पीडित युवतीले आमा र आमाका प्रेमीविरुद्ध प्रहरीमा उजुरी दिएकी छिन् ।

लिभ इन पार्टनरका रुपमा आफ्नी आमासँग बस्दै आएका ओम प्रकाशविरुद्ध स्थानीय प्रहरीम २० वर्षीया ती युवतीले उजुरी दिएको एसीपी पीआरओ हवा सिंहले बताएका छन् । पीडित युवती कानुनको विषयमा अध्ययनरत छिन् ।

पुलिसले पीडित युवतीको उजुरी स्थानीय अदालतको आदेशपछि सेक्टर पाँचको पुलिस थानामा दर्ता गरेको छ । पुलिसले कयौँ पटक ती युवतीको बलात्कारको आरोप दर्ता गर्न नमानेपछि पीडितले स्थानीय अदालतमा पुलिसविरुद्ध पनि उजुरी दिएकी थिइन् ।

एसीपी स्पीआरओस् हवा सिंहले भने, ‘आफ्नी आमा र लिभ इन पार्टनर ओम प्रकाशबीच विहे हुन कुरा भएपछि युवतीसँग ओम प्रकाशले जिस्काउन थालेका हुन् । युवतीका सम्वेदनशील अंगमा समाउने । आमा नभएको बेला चक्कु देखाएर बलत्कार गर्ने गरेका रहेछन् ।’

१५ डिसेम्बर २०१५ मा आमा घरमा नभएका बेला ओम प्रकाशले आफूलाई चक्कु देखाएर बलत्कार गरेको ती युवतीले आफ्नो उजुरीमा लेखेकी छिन् ।

युवतीले बलत्कारको यो घटनालाई लुकाउन आफूलाई दबाव दिएको र ओम प्रकाशलाई पनि सहयोग गरेको भन्दै प्रहरीमा अर्को उजुरी पनि दिएकी छिन् ।

बलत्कारको घटना दर्ता गराएको पुलिसले अनुसन्धान सुरु गरेको जनाएको छ । एजेन्सी

यो समग्री नेपाल१२३.com मा पुरै पढौं

विषादि प्रयोग घटाउने अभियानमा कलाकार ‘ओ माई लभ’

५ फागुन, काभ्रे । टेलिफिल्म  तितो सत्य ओ माई लभ का रुपमा चर्चित कलारका विष्णुभक्त फुयाल पाँचखालको तामाघाटमा अईया र आत्था भन्दै पुगेपछि पाँचखालवासी जनता तीनछक्क परे ।

टेलिभिजनका पर्दामा दर्शकलाई हंसाउंदै आईरहेका उनलाई आंखाभरी आंशु लिएर उभिएको देखिएपछि उनलाई माया गर्ने दर्शक उनलाई के भो भनेर सोध्न जानु पनि स्वाभाविकै हो ।

‘ओ माई लभ’ रौईरहेको देखेपछि पाँचखालबासी झुम्एिर सोध्दै थिए के भो बा तपाईलाई ? विष्णुभक्त फुयाल भन्दै थिए यतै दुख्यो उतै दुख्यो धामीले पनि ठिक पारिदिएन ।

तर उनी वास्तविकमा रुपमा भन्दा पनि तरकारी बारीमा विषादी प्रयोग गर्ने किसानका रुपमा उभिएको त्यसबेला मात्र दर्शकले पत्ता पाए जव लोक वा एवं फिल्मी किरोका रुपमा चिनिएका कलारका सन्तोष खनालले पनि देखिए ।

कलाकार विष्णुभक्त फुयाल कृषि विकास मन्त्रालय, बाली संरक्षण निर्देशनालयको आयोजनामा विषादि विष हो औषधी होइन शीर्षकका नाकट प्रर्दशन गर्न काभ्रेको पाँचखालमा शनिबार विहानै पुगेका थिए ।

तरकारी बालीमा विषादी बढी प्रयोग गर्ने जिल्लाका रुपमा विगतमा परिचित भएको पाँचखालका जनतालाई विषादि प्रयोगले मानव स्वास्थ्यमा पुर्‍याउने हानी नोक्सानीका बारेमा सडक नाटकका माध्यमबाट जनचेतना अभिबृद्धि गर्ने कार्यमा पुगेका थिए ।

फुयालकै लेखन तथा निर्देशनमा प्रर्दशन गरिएको सो नाटकले विषादि प्रयोगले क्यान्सर, मृगोलाको रोग, महिलाहरुमा हुने बाँझोपन, ब्रेन ट्यूमर सम्मका रोग लाग्न सक्ने भएकाले रासायनिक विषादि प्रयोग गर्न नहुने सन्देश नाटकले दिएको थियो ।

हव ब्रोडकास्टिङ्गको संयोजनमा कुसुम नाट्य समूहको प्रस्तुति रहेकेा सो नाटकमा फिल्म किरो अर्थात सन्तोष खनाल, शुशिला अर्याल, राजु घिमिरे, जंग पहाडी, सरीता राजोपाध्याय, रमेश धमला लगायतका कलाकारहरुले अभियन गरेका थिए । कलाकार टोलीले काभ्रेको पाँचखाल, बनेपा बजारमा सो सडक नाटक प्रर्दशन गरेका थिए ।

सडक नाटक हेरेपछि जिल्ला कृषि विकास कार्यालय तामाघाट सेवा केन्द्रका प्रमुख रामेश्वर श्रेष्ठले नाटक वास्तविकतासंग मेल खाने भएको र विगतमा पाँचखाल कै घटना जस्तो देखिने गरी प्रस्तुत गरिएकाले दर्शकहरुले अन्य क्षेत्रमा पनि नाटक प्रर्दशनका लागि आग्रह गरेको बताए । सोही नाटक आइतबार धादिङ र सोमबार चितवनमा सम्पन्न भएको निर्देशक विष्णुभक्त फुयालले बताए ।

यो समग्री नेपाल१२३.com मा पुरै पढौं

राजदूतकै अगाडि कुटाकुट, कुवेतमा नेपालीलाई औपचारिक कार्यक्रम गर्न प्रतिबन्ध

ल्होसार मनाउने कार्यक्रममा नेपालीको ‘अन्तर्राष्ट्रिय बेइज्यत’

५ फागुन, कुवेत । रोजगारीका लागि विदेशमा रहेका नेपालीले गर्ने औपचारिक कार्यक्रममा विभिन्न गुनासा व्यक्त हुनु सामान्यजस्तै भएको छ । तर, शुक्रबार खाडी मुलुक कुवेतमा राजदूत प्रमुख अतिथि भएको कार्यक्रममा नेपालीहरु घरेलु हतियारसहित कुटाकुटमा उत्रिए ।

कुटाकुटको परिणामस्वरुप अब कुवेतमा नेपाली समुदायले कुनै पनि कार्यक्रम गर्न नपाउने गरी प्रतिबन्धसमेत लागेको छ ।

सोनाम ल्होसार मनाउन भन्दै कुवेतको फिनटास वेडिङ हलमा आयोजित कार्यक्रममा प्रमुख अतिथि थिए, कुवेतका लागि नेपाली राजदूत यज्ञबहादुर हमाल । तर, सदभावना आदान प्रदान गर्ने चाडपर्व मनाउने कार्यक्रममा सहभागी दुई समूहबीच एकाएक झडप सुरु भयो र घरेलु हतियारसमेत प्रहार हुन पुग्यो ।

ल्होसारको शुभकामना दिन पुगेका राजदूत र अतिथिहरु कार्यक्रम नै छाडेर भाग्नुपर्‍यो । भिडन्त रोक्न कुवेत सरकारका प्रहरीले बल प्रयोग नै गर्नुपर्‍यो ।

झडपपछि आयोजक तामाङ घेदुङका अध्यक्षसहित १० जनालाई प्रहरीले गिरफ्तार गरेको थियो । तर, पक्राउ परेका आयोजक संस्थाका अध्यक्षसहितका नेपालीलाई पछि दूतावासकै अनुरोधमा छुटाइएको छ ।

नेपालीलाई कार्यक्रम गर्न प्रतिबन्ध

घटनापछि कुवेतस्थित नेपाली दूतावासले सूचना जारी गरेर नेपाली समुदायलाई कुनै पनि सार्वजनिक कार्यक्रम आयोजना गर्न रोक लगाएको छ । कुवेत सरकारको आग्रहमा दूतावासले यस्तो सूचना जारी गरेको हो ।

‘कार्यक्रमस्थलमा केही उच्शृंखल तत्वले घरेलु हतियारसहित सांघातिक हमला गरेकाले प्रमुख अतिथिका रुपमा सहभागी हुनुभएका महामहिम राजदूतसहित सहभागीमा आतंक र असुरक्षाको वातावरण बन्न गयो,’ दूतावासले विज्ञप्तिमा भनेको छ, ‘यस घटनालाई दूतावासले अत्यन्त गम्भीर रुपमा लिएको छ ।’

विगतमा पनि विभिन्न कार्यक्रममा यस्तै घटना हुने गरेको र कुवेतको शान्ति सुरक्षामा खलल पुगेको भन्दै त्यहाँको सरकारले नेपाली कार्यक्रममाथि रोक लगाउन आग्रह गरेको दूतावासले जनाएको छ ।

कुवेत प्रशासनको आग्रहअनुसार नै दूतावासले आगामी दिनमा नेपाली समुदायलाई कुनै पनि कार्यक्रम आयोजना गर्न रोक लगाएको बताएको छ ।

‘यस अनुरोधलाई अटेर वा बेवास्ता गरी कुनै कार्यक्रम आयोजना गरेमा र कुनै अवाञ्छित घटना घटेमा कुवेतको कानुनअनुसार आयोजक नै जिम्मेवार हुनुपर्ने छ,’ दूतावासले भनेको छ ।

यस्तो अवस्था आएमा दूतावासले कुनै पनि सहयोग गर्न नसक्ने स्पष्ट पार्दै भनेको छ, ‘यस विषयमा दूतावासले सम्बद्ध अन्तर्राष्ट्रिय सन्धिबमोजिम कन्सुलर कार्यबाहेक अन्य केही पनि गर्न नमिल्ने व्यहोरा सम्बन्धित सबैमा जानकारी गराइन्छ ।’

कुवेत प्रशासनले पछिल्ला केही वर्षदेखि नेपालीका कार्यक्रममा हुँदै आएको भिडन्तप्रति दूतावासलाई पटकपटक सचेत गराउँदै आएको थियो । स्वयं राजदूत सहभागी कार्यक्रममा राजदूत नै असुरक्षित हुनेगरी भिडन्त भएपछि बाध्य भएर दूतावासले कार्यक्रम आयोजनामा रोक लगाउनुपरेको दूतावासले जनाएको छ ।

यो समग्री नेपाल१२३.com मा पुरै पढौं