शान्ति र गरिबी एकसाथ जाँदैनन्ः प्रधानमन्त्री

११ चैत, काठमाडौं । चीन भ्रमणमा रहेका प्रधानमन्त्री केपी शर्मा ओलीले बोआओ फोरम फर एशियालाई बिहीबार सम्वोधन गरेका छन् । उनले शान्ति र गरिबी सँगसँगै जान नसक्ने बताए ।

एशिया विश्व अर्थतन्त्रको पावरहाउसका रुपमा उदाएको चर्चा गर्दै प्रधानमन्त्री ओलीले एशियाको समग्र विकास र उत्थान समावेशीताका आधारमा हुनुपर्नेमा जोड दिए ।

‘बजार विस्तार भइरहेका छन्, उद्येागहरु फस्टाइरहेका छन्, रोजगारी सिर्जना भइरहेका छन् र धेरै एशियनहरु गरिबीबाट बाहिर निस्किएका छन्,’ प्रधानमन्त्री ओलीले भने, ‘यद्यपि अझै पनि यहाँको जनसंख्याको ठूलो हिस्सा गरिबीको चंगुलभित्रै छ ।’

एशियालाई नयाँ दृष्टिकोण र नयाँ आयामहरुका साथ सुनौलो भविष्यतर्फ अघि बढाउन अहिले ठूलो अवसर रहेको भन्दै उनले यसका लागि क्षेत्रीय सहकार्य आवश्यक रहेको बताए । प्रधानमन्त्री ओलीले एशियाको विकास गर्ने क्रममा कुनै पनि देश र जनसंख्या छुट्नु नहुने उल्खे गरे । उनले भने, ‘समावेशीतालाई अंगाल्नुमै एशियाको भविष्य छ ।’

संवोधनका क्रममा उनले नेपालमा हालै जारी संविधानलाई स्वागत र समर्थन गरेकोमा सबै एशियाली मुलुकहरुप्रति आभार व्यक्त गरेका थिए ।

यो समग्री नेपाल१२३.com मा पुरै पढौं