ट्याक्टरको ठक्करले आमाछोरीको मृत्यु

२४ वैशाख, भीमदत्तनगर। गएराति कञ्चनपुरको बेलौरी नगरपालिका–७ रामनगरमा ट्याक्टरले मोटरसाइकललाई ठक्कर दिँदा दुई जनाको मृत्यु भएको छ ।

मृत्यु हुनेमा स्थानीय ३० वर्षीया अम्बिकादेवी साउद पाल र उनकी दुई वर्षीया छोरी एलिसा पाल रहेको इलाका प्रहरी कार्यालय बेलौरीका प्रमुख प्रहरी निरीक्षक भरत चौधरीले बताए ।

से १ प २९७६ नम्बरको मोटरसाइकलमा पति कल्याण सिंह पालसहित घर गइरहेका पाल दम्पतीलाई से १ त ७८६४ नम्बरको ट्याक्टरले ठक्कर दिँदा दुर्घटना भएको प्रहरीले जनाएको छ । मोटरसाइकल चालक कल्याण भने सकुशल रहेको प्रहरीले बताएको छ ।

ट्याक्टर चालक सुखराम राना र ट्याक्टर प्रहरी नियन्त्रणमा छन् भने मतृक आमाछोरीको शव परीक्षणका लागि भीमदत्तनगरस्थित महाकाली अञ्चल अस्पताल पुर्याइएको छ । रासस

from Nepal123.com - ट्याक्टरको ठक्करले आमाछोरीको मृत्यु