नेपालले कोर्यो विश्वमा इतिहास, जहाँ पहिलोपटक लेखिनेछ नेपालको नाम

काठमाण्डु, ३ वैशाख–विश्व इतिहास र वर्तमानलाई मुल्यांकन गर्ने हो भने विश्वमा रहेका अधिकांश देशहरु पुरुषप्रधान छन् । यस्तोमा महिलाका लागि आरक्षणको व्यवस्था गरिएको भएता पनि पूर्णरुपमा पुरुषप्रधान देशहरुमा महिला राष्ट्रको माथिल्लो तहसम्म कमै पुग्ने गरेका छन् ।

विश्व इतिहासमा सक्षम महिला नेतृको कुनै कमी नरहेता पनि त्यस देशको सामाजिक, सांस्कृतिक, आर्थिक, मनोवैज्ञानिक आदी कारणले गर्दा महिलाहरु नेतृत्व तहसम्म पुग्न सकिरहेका छैनन् ।

यसैबीचमा महिलाहरु पनि पुरुष समान छन् र उनीहरुलाई पनि नेतृत्व गर्ने अवसर दिनुपर्छ भन्ने मानसिकता विस्तारै नेपालजस्ता विकासोन्मुख देशमा पछिल्लो समय पलाउँदै गएको पाइएको छ ।

यसकै फलस्वरुप बिद्यादेवी भण्डारी नेपालको इतिहासमा पहिलो महिला राष्ट्रपति बन्न सफल भइन् । नेपालका लागि कुनै पनि महिला नेतृ यति ठूलो पदमा पुगेको यो पहिलोपटक हो । तर, विश्व इतिहासलाई हेर्ने हो भने बिभिन्न देशमा हालसम्म ३६ जना महिलाहरु राष्ट्रपति बनिसकेका छन् ।

यतिमात्र होइन हाल पनि नेपाल बाहेक २२ मुलुकमा महिलाले नै प्रमुख भूमिका निभाइरहेका छन् ।

राष्ट्रपति मात्र होइन देशको अर्को महत्वपूर्ण कार्यकारी पदमा पनि महिला नै छन् । सभामुखमा ओनसरी घर्ती निर्वाचित भएसँगै राष्ट्र प्रमुखका रुपमा भण्डारी र व्यवस्थापिका प्रमुखका रुपमा घर्ती छन् ।

यस्तोमा नेपालका महिलाले गर्वगर्ने स्थान थुप्रै छ र महिला पनि माथिल्लो स्थानमा पुग्छ सक्छन् भन्ने आधार तयार भएको छ । घर्ती नेपालको पहिलो र विश्वको ९३ औँ व्यवस्थापिका संसद प्रमुख महिला हुन् ।

त्यसैगरी देशको अर्को महत्वपर्ण स्थान न्यायपालिकामा पनि महिला नै नेतृत्वमा पुगेकी छन्। प्रधानन्यायाधिस कल्याण श्रेष्ठले अवकास पाएसँगै सो पदमा तत्कालिन न्यायाधिश सुशीला कार्की पुगेकी छन् ।

विवादरहित न्यायाधिस कार्कीले कामु प्रधानन्यायाधिशको पदधारण ग्रहण गरिसकेकी छन् । यससँगै विश्व इतिहासमा नेपालको नाम पनि लेखिने पक्का छ ।

बरिष्ठताका हिसावले संवैधानिक परिषद्ले उनको नाम सिफारिस गरेता पनि संसदीय सुनुवाइ समितिबाट अनुमोदन हुन बाकी छ । यदी त्यहाँबाट अनुमोदन भएमा उनले औपचारिक रुपमा कामुबाट प्रधानान्यायाधिसको जिम्मेवार सम्हाल्नेछिन् ।

कार्कीले कामु प्रधानन्यायाधिशको पदभारग्रहण गरेसँगै देशको महत्वपूर्ण निकाय कार्यपालिका, व्यवस्थापिका र न्यायपालिकामा महिलाले नेतृत्व गरेका छन्।

देशको कार्यपालिका अन्तर्गत कार्यकारी अधिकार प्रधानमन्त्रीमा भएता राष्ट्र प्रमुखका रुपमा भण्डारी नेपालको सेरोमोनियल राष्ट्रपति हुन् । यसरी नेपालको इतिहासमा पहिलो पटक महिलालाई राष्ट्रपति र सभामुखका रुपमा पाएको नेपालले प्रधानन्यायधिसको रुपमा पनि महिलालाई नै पाएको छ र यो विश्वमा चर्चाको विषय बन्न सफल भएको छ ।

नेपालजस्तो गरिब, अविकसित र महिला आरक्षण रहेको मुलुकमा एकै समयमा राष्ट्रको तीन महत्वपूर्ण पदमा सबै महिला पुग्नु पक्कै पनि खुसीको कुरा हो ।

विश्व इतिहासलाई केलाउने हो भने पहीलो महीला प्रधानन्यायधिस सन १९८१ मा अमेरीकाकी सान्ड्रा डे अकोनर भएकी थिइन् ।

त्यस्तै छिमेकी राष्ट्र भारतमा सन १९८९ मा फतिमा बेभि एसियाकै पहीलो महीला प्रधानन्यायधिश बनेकी थिइन ।

अब नेपालको नाम पनि राष्ट्र प्रमुख, न्यायपालिका प्रमुख र व्यवस्थापिका प्रमुखमा तीनै जना महिला भएको देशको रुपमा विश्व इतिहासमा लेखिने छ ।

यो समग्री नेपाल१२३.com मा पुरै पढौं

प्रख्यात ज्योतिषको दाबी, ‘७३ सालमा सेना ब्यारेकबाट निस्कन्छ र राजसंस्था पुनर्स्थापित हुनेछ’

विक्रम सम्वत् २०७३ साल नेपालका लागि विशेष महत्वपूर्ण हुनेछ । यो वर्ष नेपालमा राजसंस्था पुनस्र्थापना हुनेछ । यसअघि नै नेपालमा सेना ब्यारेकबाट निस्केर सक्रिय बन्नेछ । सेना बाहिर निस्के पनि नेपालमा सैनिक शासन लागु भने हुँदैन । सेना सक्रिय मात्रै हुन्छ । नेपाल सेना बाहिर निस्कनु पर्ने कारक धार्मिक द्वन्द्व बन्नेछ । अर्थात नेपालमा २०७३ मा धार्मिक विवाद उत्कर्षमा पुग्नेछ । कुनै नै कुनै रुपमा नेपालमा राजसंस्था पुनस्र्थापना हुनेछ । राजा को हुन्छ ? यस विषयमा भविष्यवाणी छैन । तर नेपालमा राजसंस्था स्थापना भने हुनेछ । २२ साउनपछि नेपालमा राजसंस्था फर्किने स्पष्ट संकेतहरु देखिने छन् ।

नेपाललाई संविधानले धर्मनिरपेक्ष भनेको छ । तर २०७३ सालमै नेपाल हिन्दुराष्ट्र बन्नेछ, बनेन भने पनि हिन्दुराष्ट्र हुने प्रक्रिया सुरु हुनेछ । वैशाख २ गतेदेखि शनि र मंगल बक्र भएर बसेका छन् । यो अवस्थामा प्राकृतिक घटनाहरु बढी हुन्छन् । राजनीतिक हिसाबले जोड घटाउ सुरु हुनेछ । ७३ सालमै सरकारमा नयाँ नेतृत्व जाने सम्भावना पनि प्रवल छ । नयाँ नेतृत्व भएन भने यहि नेतृत्व नै परिष्कृत रुपमा अगाडि आउनेछ । तर केही न केही फेरबदल हुनेछ । जनताको आमसमर्थनमा नेतृत्व स्थापित हुनेछ । भदौ ३० गतेसम्म सरकार परिवर्तनका प्रयासहरु हुनेछन् । असोजमा त्रिपक्षीय, बहुपक्षीय सम्झौता हुनेछ । त्यसपछि त्यस्तो सम्झौतालाई विश्वका मित्रराष्ट्रहरुले स्वागत गर्नेछन् ।

भारतको टाउकोमा शनिग्रह घुमेको छ । यसकारण भारत आफ्नै संकट समाधानमा लाग्नेछ । नेपालमा नाकाबन्दी गर्ने सम्भावना छैन । तर कुनै न कुनै हिसाबले नेपालाई दुःख चाहीँ दिने नै छ । राष्ट्रको शुक्र ग्रह बलियो भएका कारण भारतले चाहेजस्तो ७३ सालमा हुनेछैन । शुक्र बलियो हुँदा महिला शसक्तिकरणका कुराहरु अगाडि आउँछन् । ज्ञान विज्ञान र शिक्षाको विकास हुन्छ । विकास निर्माणका कामहरु अगाडि बढ्नेछन् ।
मंगल ग्रह पनि बलियो भएका कारण प्रशासकिय क्षेत्रमा सुधार हुनेछ ।

मधेसवादी दलहरुले चाहेर पनि ७३ सालमा जनतालाई दुःख दिन सक्नेछैनन् । कुनै पनि दल विशेषले हात हल्लाएको भरमा जनता सडकमा उतारेर तहस नहस गर्ने अवस्था हुनेछैन । तर धर्मसँग जोडिएका मानिसहरु जुनसुकै पार्टीमा भए पनि उनीहरु क्रमशः एकाकार हुँदै जानेछन् । र उनीहरुकै बलमा नेपालमा हिन्दुराष्ट्र हुनेछ । अनौपचारिक रुपमै भएपनि नेपाल हिन्दुराष्ट्र त हुँदै हो । (ज्योतिष लोहनीसँग भएको कुराकानीमा आधारित)

यो समग्री नेपाल१२३.com मा पुरै पढौं

४० डिग्री सेल्सियस नाघ्यो तापक्रमले, चर्को घाम र ‘लु’ले तराईको जनजीवन बन्यो कष्टकर

नेपालगन्ज, ३ वैशाख – नेपालको सबैभन्दा अधिक गर्मी हुने स्थान भनेरसमेत चिनिने नेपालगन्जमा केही सातायता अत्यन्त चर्को घाम र तातो हावा (लु)का कारण जनजीवन प्रभावित भएको छ ।

नेपालगन्जस्थित मौसम विभागको कार्यालयका अनुसार, नेपालगन्जको अधिकतम तापक्रम ४० डिग्री सेल्सियसभन्दा बढी ‘रेकर्ड’ गरिएको छ । मौसम विज्ञका अनुसार यहाँको अधिकतम तापक्रम अझै बढ्ने अनुमान छ ।

गर्मी महिना सुरु भएयता नेपालगन्जमा पानी परेको छैन । आमनागरिकले चर्को घाम र तातो हावाको नियति भोग्नुपरेको छ ।

चर्को घाम र तातो हावासँगै गर्मी बढेपछि यहाँस्थित सरकारी तथा गैरसरकारी कार्यालयमा सेवाग्राहीको उपस्थितिसमेत पातलिएको छ भने बजारमा चिसो पेय तथा खाद्य पदार्थको बिक्री बढेको पाइन्छ ।

यहाँका बासिन्दाले गर्मीयाममा प्रायः काँक्रो, तरबुजा, खरबुजा, लस्सी, आइसक्रिम, कुल्फीलगायत चिसो पेय तथा खाद्य वस्तु अधिक सेवन गर्ने गर्छन् ।

गर्मीका कारण घाउखटिरा, आउमासी, टायफाइड ज्वरो, झाडापखालालगायत सरुवा रोगका बिरामीको चाप पनि स्थानीय अस्पताल तथा स्वास्थ्य संस्थामा बढ्न थालेको चिकित्सकहरु बताउँछन् ।

यहाँका अस्पताल, शिक्षण संस्था तथा स्वास्थ्य केन्द्रमा गर्मी मौसममा लाग्ने विभिन्न रोगका बिरामीको चाप बढ्दै गएको छ ।

त्यसैगरी, गर्मीमा विद्युत्को खपत अधिक हुन थालेपछि यहाँस्थित विद्युत् प्राधिकरणले दैनिक नौ घन्टा विद्युत्भार कटौतीको तालिका प्रकाशित गरेको छ ।

यो समग्री नेपाल१२३.com मा पुरै पढौं

फेसबुकमा आफ्नै फोटो ट्याग गर्दा जेलको बास

फेसबुकमा ट्यागिंग गर्नु निकै सामान्य कुरा हो । साथीहरुको ग्रुप फोटोमा आफुलाई ट्याग गर्नु वा अरु कसैले ट्याग गरिदिनु नयाँ होइन ।

कहिलेकाहीँ कसैले अश्लील साामग्रीहरुमा समेत ट्याग गरिदिएर आपत् पारिदिएको अनुभव पनि गर्नुभएको छ होला । फेसबुकमा अनावश्यक तथा आपत्तिजनक सामाग्रीहरु शेयर गर्ने तथा ट्याग गर्नेमाथि पुलिसले कारवाही गरेको पनि अलिअलि सुनिन्छ बेला बेलामा ।

तर आफ्नै फोटोमा आफुलाई ट्याग गर्दा कसैले जेलको हावा खानुपरेको कुरा चाहीँ अहिलेसम्म सुनिएको देखिएको थिएन । बेलायतमा चाहीँ यस्तै नव आश्चर्य भएको छ । त्यहाँ फेसबुकमा आफ्ना दुइवटा फोटामा आफैलाई ट्याग गर्नु एक जना मानिसलाई यति भारी पर्यो की उनी जेल नै जानुपर्यो ।

बेलफास्टका बासिन्दा रोबर्ट डेराग । कुरा अलिक जटिल नै छ । खासमा ती युवक एक हुलदंगामा सामेल भएका रहेछन् । त्यसबेला उक्त भीडको तस्वीर मानिसहरुले फेसबुकमा शेयर गरेछन् ।

रोबर्टले फेसबुकमा शेयर गरिएका ती फोटोहरुमध्ये दुइ फोटोमा आफुलाई ट्याग गरिहाले । पुलिसले दंगाकारीहरुले खोजतलास गरिरहेको थियो । दंगाको तस्वीरमा रोबर्टले आफैलाई ट्याग गरेको पाएपछि प्रहरीले उनलाई तत्कालै पक्राउ गर्यो ।

फोटो ट्याग भएसँगै २९ जना प्रहरीको टोली रोबर्टको घर पुगेर उनलाई पक्राउ गरेका हुन् । हुलदंगामा खिचिएका तस्वीरहरुमा रोबर्टले आफ्नो अनुहारमा नकाब लगाएका थिए ।

तर उनी आफैले तस्वीर ट्याग गरेपछि र लगाएका कपडाको आधारमा प्रहरीले उनलाई पक्राउ गर्यो । प्रहरीले पक्राउ गरी केरकार गर्दा उनले हुलदंगाका विषयमा विभिन्न गोप्य खुलासाहरु पनि गरेका बताइएको छ ।

यो समग्री नेपाल१२३.com मा पुरै पढौं

​सरकारी कर्मचारीलाई बिदामा घुम्नको लागि खर्च समेत दिने तयारी

काठमाडौं, वैशाख ३ – यो वर्षलाई आन्तरिक भ्रमण वर्षको रुपमा मनाउन आउँदो आर्थिक वर्षको बजेटमा नै कार्यक्रम समावेश गर्ने तयारी भएको छ । 

देशभित्र घुम्ने बानी बसाल्न र प्रचारप्रसार गर्न सरकारी कर्मचारीलाई विदाको व्यवस्था गर्ने र बिदामा घुमेको खर्च सरकारले व्यहोर्ने लगायतका तयारी भैरहेको नेपाल पर्यटन बोर्डले जनाएको छ ।

बोर्डका प्रमुख कार्यकारी अधिकृत दीपकराज जोशीका अनुसार सरकारी कर्मचारीलाई वर्षमा सात दिन बिदा दिन र बिदाको बेला घुम्ने खर्च सरकारलाई व्यहोर्न प्रस्ताव गरिएको छ  । नयाँ वर्ष घुम्ने हर्ष भन्ने नाराका साथ यो वर्षलाई आन्तरिक भ्रमण वर्षको रुपमा मनाउन विभिन्न कार्यक्रम पनि थालिएका छन् ।

बोर्डले आन्तरिक पर्यटन प्रवद्र्धन गर्न पर्यटन व्यवसायमा लागेकालाई छुट दिन पनि आह्वान गरेको छ ।

यो समग्री नेपाल१२३.com मा पुरै पढौं

७१ वर्षको उमरमा पनि चर्पीको अनुहार नदेख्ने तराईवासी

मोरङ, ३ वैशाख – ७१ वर्षको उमेरसम्ममा पनि कसैले चर्पी प्रयोग गरेन भनेको सुन्दा कसले पत्याउला र ? तर यो कुरा सत्य हो । सुन्दा अचम्म लाग्न सक्छ, मोरङ बुधनगर–९ का मिश्री शर्माले ७१ वर्षको उमेर टेकिन् तर अहिलेसम्म शौच गर्न उनी कहिल्यै चर्पी गएकी छैनन् ।

उनी मात्र होइन । शर्माजस्तै ७० वर्षका रामलाल दास, भूमिलाल यादवले पनि अझैसम्म शौच गर्न चर्पीको प्रयोग गरेका छैनन् । उनीहरू गाउँमा खुला ठाउँमा दिसा गर्न बन्देज लगाएपछि भने चर्पी प्रयोग गर्ने तयार छन् । उनीहरूले जीवन भोगाइका क्रममा धेरै उतार–चढाव भोगेका छन् । तर बल्लतल्ल ७१ वर्षको उमेरमा उनी चर्पी प्रयोग गर्ने विचारमा छन् । सामान्य परिवारका उनीहरुमा अझै चर्पीमा शौच गरेको अनुभव छैन । तर चर्पीमा शौच गर्न इच्छुक भने रहेको सुनाउँछन् ।

एकहत्तर वर्षको उमेरसम्म खुला आकाशमुनि शौच गर्ने बानी बसेका उनीहरू चारैतिर घेरिएको चर्पीभित्र शौच गर्दाको अनुभव बटुल्ने इच्छा रहेको बताउँछन् । सधँै खुला ठाउँमा चर्पी गर्ने उनीहरू शौचालय प्रयोगको अनुभव बटुल्ने तयारीमा छन् । गाउँमा खुला ठाउँमा दिसा गरिन बन्देज गरिएपछि उनीहरूले चर्पीमा शौच गर्ने इच्छा व्यक्त गरेका हुन् । ७१ वषर््ीिय मिश्रीलाल शर्माले भने, ‘जन्मेदेखि अहिलेसम्म शौच गर्न चर्पीको प्रयोग गरेको छैन ।’ घरमा चर्पी नभएर बाहिरै शौच गर्ने उनी चर्पी बनाएपछि भने शौच गर्न बाहिर नजाने बताउँछन् ।

मोरङको बुधनगर गाविसलाई २०७४ असार मसान्तभित्र खुला दिसामुक्त गाविस घोषणा गर्ने अभियान सुरु भएपछि उनीहरू चर्पी प्रयोग गर्न इच्छुक भएको बताउँछन् । शर्माजस्तै ७० वर्षका रामलाल दासले पनि अझैसम्म चर्पीको भित्र रुप देखेका छैनन् । गाउँमा खुला ठाउँमा दिसा गर्न बन्देज लगाएपछि उनी बाध्य भएर पनि चर्पीमै शौच गर्ने तयारीमा छन् । बुधनगर– ३ का अर्जुन मेहताले ६ वर्षअघि घरमा शौचालय बनाएका थिए । उर्नी सधैँ खुला ठाउँमा शौच गर्ने सुरुका दिनमा बानी पर्न मुस्किल प¥यो । उनीले भने, ‘चर्पी प्रयोग गर्दा सुरुमा शौच गर्दा आउँदैन, तर बानी परेपछि आइहाल्छ ।’

बुधनगर गाविस सचिव दयाराम सिलवालका अनुसार सो गाविसमा दुई हजार ४२६ घरपरिवारका ५८५ चर्पी छन् । त्यसैगरी, एक हजार ८४१ घरपरिवारको चर्पी नभएको बुधनगर गाविस सचिव सिलवालको भनाइ छ ।

शौचालय जान थालेपछि गाउँ नै सफा 

खोला, खोल्सी र बाँसघारीलाई दिसापिसाब गर्न काम चलाउने मोरङका राजघाट–४ चौधरी गाउँवासी यतीखेर शौचालय धाउन थालेका छन् । शौचालय भएपछि न कसैले देख्छ भन्ने डर न गाउँ फोहर र दुर्गन्धीत हुने चिन्ता, स्थानिय पञ्चु चौधरीले भने, ‘अहिले ढुक्क छौ’ ।’

चौधरीका अनुसार पहिले गाउँभरि दुर्गन्धै दुर्गन्ध, राम्रोसँग हेरेर हिँडेन भने खुट्टाले फोहोर कुल्ची हालिन्थ्यो । गाउँलेको त्यस्तो अवस्था देखेर शौचालय बनाउने हैरान थिए । वरपर नाक थुनेर हिँड्नुपर्ने बाध्यता रहेको थियो । स्थानीय आशाराम चौधरीले भने, ‘खोलाखोल्सीमा राति शौच गर्दा सर्पले डस्ला कि दुर्घटना होला कि भन्ने डर थियो अहिले भयमुक्त छौँ ।’ आशारामले छोरीचेलीलाई राति शौच गर्न जाँदा केही हुने हो कि भनेर सधैँ चिन्तित हुनुपर्ने समस्या टरेको बताए ।

राजघाट सरसफाइ समन्वय समितिले चौधरी समुदायलाई चेतना जगायो र चर्पी निर्माणका लागि रिङ, पेनसमेत सहयोग ग¥यो । ५४ घरपरिवार रहँदै आएको सो चौधरी गाउँमा कमजोर आर्थिक अवस्थाका कारण उनीहरूले चर्पी बनाउन सकेका थिएनन् । खुल्ला दिसामुक्त अभियानले गर्दा चौधरी टोलका समुदायमा सरसफाइसम्बन्धी चेतना जाग्यो । आजभोलि गाउँमा कोही खुल्ला दिसा गर्दैनन् । राजघाट सरसफाइ समन्वय समितिका अध्यक्ष मुक्ति बराल चौधरी टोलमा सबैले शौचालय बनाएकोमा खुसी प्रकट गर्छन् ।

चौधरी टोल अचेल निकै सफासुग्घर देखिन्छ । पहिलेजस्तो फोहोर टेकेर हिँड्नु पर्ने दिन सकिएको अध्यक्ष बराल बताउँछन् । चौधरी टोल मात्र होइन मोरङका बहुसङ्ख्यक नगरपालिका र गाविस खुला दिसामुक्त क्षेत्र भएका छन् ।

जिविस मोरङको वातावरण शाखाका अनुसार मोरङमा जिविस, जिल्लामा चार नगरपालिकामा लुमन्ती आवासका लागि सहयोग समूह र प्लान नेपालको सहयोगमा प्रत्येक घरमा चर्पी बनाएपछि खुल्ला दिसामुक्त क्षेत्र घोषणा गरिएको हो ।

यो समग्री नेपाल१२३.com मा पुरै पढौं

अक्सिजनबिना नै समाधि बसेर ९ दिनपछि जिउँदै निस्के सिद्धबाबा, डाक्टरहरु चकित

पोखरा, ३ वैशाख । पोखराको रामघाटस्थित नरनारायण स्थानमा अक्सिजनबिना नै समाधि बसेका सिद्धबाबा कृष्णदास ९ दिनपछि जिवितै ब्युँझेका छन् ।

अक्सिजन नछिर्ने गरी प्लास्टिकले बाहिरबाट बन्द गरी माटोले पुरिएको काठको बाकसभित्र गत चैत २६ गते समाधि बसेका बाबालाई ९ दिनपछि शुक्रबार बाकसबाट सकुशल निकालिएको हो ।

अक्सिजनविना ९ दिनसम्म समाधि बसेर जिवितै निस्किएपछि त्यहाँ उपस्थित चिकित्सकहरु आश्चर्य चकित परेका छन् । उनीहरुकै अगाडि बाबा बन्द बाकसभित्र समाधि बसेका थिए ।

९ दिनपछि जिउँदै निस्कएका बाबालाई हेर्न पोखरामा हजारौको घुइँचो लागेको छ ।

योग र साधनाका माध्यमबाट अक्सिजनबिना नै बस्न सम्भव हुने बताएका बाबाले समाधिमा रहँदा रक्तसञ्चार, मुटुको धड्कन पनि रोकिने हुँदा शरीरलाई हावापानी र अन्न नचाहिने उल्लेख गरेका थिए । जून प्रमाणित गरेर देखाएका छन् ।

त्यहाँ उपस्थित चिकित्सकहरूले ९ दिनपछि बाबा जीवितै बाहिर आउनुलाई चमत्कार भनेका छन् ।

यो समग्री नेपाल१२३.com मा पुरै पढौं