फाल्गुन २३, २०७२- किराँत मिथकमा बनेको नेपाली फिल्म ‘खाप्पुना मुरङना’ बाट स्याबासी पाएका थिए निर्देशक दुर्गा नेम्वाङले । दर्जनौं फिल्मको सहनिर्देशन, मुख्य सहायक निर्देशनको अनुभव बटुलेका उनले हिन्दी फिल्ममा आफ्नो शिल्प देखाउने अवसर पाएका छन् ।
यसअघि चर्चित फिल्म ‘नुमाफुङ’ बाट मुख्य सहायक निर्देशन थालेका उनले ‘आमाको काख’, ‘लभ इन चाइना बोर्डर’, ‘एउटै भूल’, ‘क्याबिन गर्ल’, ‘जय माँ सतासी’, ‘रातो बर्की’, ‘छालुम्मा’ का निर्देशन गरे । नेम्बाङले सहकार्यमा ‘लिम्बुवान्’, ‘अरुणपूर्व’, ‘आशीर्वाद’ पनि बनाए ।
हालै दुर्गाले भारतीय निर्देशक प्रभात कुमारसँगै काम गर्ने मौका पाए, फिल्म ‘ब्याक टु ड्याड’ मा । उनी सुटिङ सकेर भर्खरै फर्किएका छन् । मुुम्बई, पुना, सिक्किम र सिलिगुडीमा फिल्मको सुटिङ भएको छ । सिलिगुडीका व्यापार अनुप गदालको लगानी छ फिल्ममा ।
दुर्गाले सुनाए, ‘५२ दिनको सुटिङ भर्खरै सकियो, केही महिनापछि फिल्म रिलिजको तयारी भइरहेको छ ।’ फिल्मले टिनएजर्स युवायुवतीको आवेग र त्यसले निम्त्याउन सक्ने गम्भीर दुर्घटनालाई फिल्मले बोलेको छ । फिल्ममा सिक्किमे चेली कल्पना भट्टराई मुख्य भूमिकामा छिन् । नायकमा चाहिँ मासुम सिंहको अभिनय छ ।
भारतको युनिभर्सल कम्पनीसँग चिनजानका कारण दुर्गाले फिल्म निर्देशनको अवसर पाएको सुनाए । यसअघि सानो लगानीका साना भारतीय फिल्म निर्देशनको अनुभव दुर्गासँग थियो । ‘त्यही अनुभवले अर्को अवसर मिल्यो,’ उनले सुनाए ।
युनिभर्सले सञ्जय दत्तलाई लिएर फिल्म बनाउने तयारी गरिरहेको छ । त्यसमा समेत अवसर पाएको दुर्गाले बताए ।
उनको आफूलाई विगतदेखि नै मुम्बई बसेर काम गर्न साथीहरूले अनुरोध गरे पनि इन्कार गर्दै आएको सुनाए । नेपालका तुलनामा भारतको चलचित्र उद्योगले गति लिनुमा दक्षता र ‘परफर्मेन्स’ दिन सक्ने कलाकार रहेको उनको ठम्याइ छ ।
‘नेपाली कलाकार, प्राविधिक र निर्देशकले धेरै चिज सिक्न बाँकी रहेछ,’ हालैको भेटमा नेम्वाङले भने ।
विगत १८ वर्षदेखि चलचित्र उद्योगमा अभिनय, निर्देशन र अध्ययनमा व्यस्त उनी आफूले निर्माण गर्न लागेका केही चलचित्रमा परम्परागत मान्यता र पुरातनवादी चलन हटाएर नयाँपन दिने ध्याउन्नमा छन् । निर्माणको तयारीमा रहेको ‘एउटा मान्छे’ नामको फिल्म त्यस्तै चलचित्रको सूचीमा पर्छ । भन्छन्, ‘अब पुरातनवादी ढर्रावाला फिल्म नेपाली दर्शकले रुचाउँदैनन् ।’
यो समग्री
नेपाल१२३.com मा पुरै पढौं
