कांग्रेस महाधिवेशन : ६४ जनालाई छान्न एक मतदातालाई कति लाग्छ समय?

काठमाडौं : नेपाली कांग्रेसको १३ ‍‍औँ महाधिवेशनमा विभिन्न पदका लागि ३१२ जना उम्मेदवार चुनावी मैदानमा छन्। मतदाताले तीमध्येबाट ६४ जनलाई छान्नुपर्छ।
महाधिवेशनमा मतदान गरेर फर्केका प्रतिनिधिहरुलाई आफ्नो मत दिन २० देखि ३५ मिनेटसम्म लाग्ने गरेको छ। नौ वटा मतपत्रबाट मतदाताले उम्मेदवार छान्नुपर्छ र पाँचवटा बुथमा रहेको मतपेटिकामा हाल्नुपर्छ।

यस पटकको महाधिवेशनमा ३ हजार १ सय ६१ मतदाता रहेका छन्।

‘मलाई भोट हाल्न ३५ मिनेट लाग्यो,’ कांग्रेसको सुनसरी जिल्ला सभापति राजीव कोइरालाले मतदान गरिसकेपछि पहिलोपोस्टसित भने, ‘धेरै ठाउँमा हिँड्नुपर्छ त्यसैले पनि टाइम लाग्ने रहेछ।’

राष्ट्रिय सभागृहको प्रांगणमा मतदान गर्ने व्यवस्था मिलाइएको छ।

धेरै उम्मेदवारबाट छान्नुपर्ने भएकाले समय लागेको डडेलधुराका प्रतिनिधि गोविन्दराज बोहोराले बताए। ‘मतपत्र लामो छ, उम्मेदवार धेरै जना छन्। त्यै भएकाले समस्या लाग्ने रहेछ,’ बोहोराले भने।

कांग्रेसको महाधिवेशनमा आज बिहान १० बजेटबाट मतदान सुरु भएको थियो। निर्वाचन कार्यक्रम भने बिहान ८ बजेदेखि नै मतदान हुने थियो। बेलुकी पाँच बजेसम्म चुनाव हुनेछ।

यो समग्री नेपाल१२३.com मा पुरै पढौं