काठमाडौं, २२ फागुन । नेपाली कांग्रेसको महाधिवेशन बन्दसत्र चलिरहेको प्राङ्गणभित्र वरिष्ठ नेता शेरबहादुर देउवा समूहले प्रचार सामाग्री ‘टिशर्ट’ निःशुल्क वितरण गरेको छ ।
मध्यान्ह करिव १२ बजे देउवा निकटका एक युवकले धमाधम टिशर्ट वितरण गरेका थिए । उनले महाधिवेशन प्रतिनिधिहरूलाई मात्रै टिशर्ट दिएका थिए । एकजना महाधिवेशन प्रतिनिधिले भने, ‘पैसा पर्ने रहनेछ । निःशुल्क वितरण गरिएको रहेछ । मैले त लगाए ।’ टिशर्टमा नेता देउवाको तस्विर छापिएको छ भने मत पनि मागिएको छ ।
टिशर्ट बोराबाट निकाल्दै धमाधम विरतण गरिएको थियो । महाधिवेशन स्थलभित्रैबाट देउवाका प्रतिनिधि र समर्थकहरूले बोराबाट निःशुल्क टिशर्ट वितरण गरेपछि संस्थापन समूह जिल परेको छ ।
टिशर्ट देउवाले मात्रै होइन संस्थापन समूहका दाबी गर्ने केन्द्रीय सदस्यका उम्मेदवार रामनाथ अधिकारीले पनि आफ्ना समर्थक र महाधिवेशन प्रतिनिधिहरू धमाधम टिशर्ट वितरण गरेका छन् ।
निर्वाचन समितिले बन्दसत्र चलिरहेको भृकृटीमण्डपभित्र विभिन्न आचार संहिता लागू गरेको छ । तर पैसा र बल हुने उम्मेदवारलाई त्यो आचार संहिताले छोएको छैन । टिशर्टमा अधिकारीको पनि तस्बिर रहेको छ भने उनलाई मत मागिएको छ ।
महाधिवेशन अत्यन्तै भड्काउपूर्ण र उत्तेजक भइरहेको गुनासो आइरहेका बेला नेता देउवा र केन्द्रीय सदस्यका उम्मेदवार अधिकारीले महाधिवेशन प्रतिनिधिहरूलाई प्रभावमा पार्ने गरी महाधिवेशनस्थलभित्रै टिशर्ट वितरण गरेका हुन् ।
यो समग्री नेपाल१२३.com मा पुरै पढौं
No comments:
Post a Comment