४ बडिगार्ड र प्रहरीको सुरक्षामा हल पुगे अनमोल, यूवा स्टारको कस्तो क्रेज

बलिउडका स्टार कलाकारमा देखिने स्टारडम अहिले नेपाली चलचित्रका चकलेटी नायक अनमोल केसीमा पनि देखिएको छ । शनिबार काठमाण्डौको गोपिकृष्ण हलमा पुग्दा अनमोलको क्रेज कुनै हलिउड र बलिउड कलाकारको भन्दा कम थिएन । अझ अनमोल दर्शक हलमा प्रवेश गरिसकेपछि पुगेकाले पनि वास्तविक भीड उनले पनि देख्न पाएनन् ।

तर, अनमोल जसरी हल पुगे, त्यो साच्चै त्यो कुनै स्टार कलाकारमा देखिने शैली जस्तो थियो । सुरुमा नायक भूवन केसी कारबाट ओर्लिएका थिए । यसपछि, कालो कारमा ४ बडिगार्डको सुरक्षा घेराबाट अनमोल बाहिर निस्कदा, यूवायूवती खुशीले कराएका थिए ।

उनलाई देखेपछि यूवतीहरु आई लभ यू अनमोल भन्दै चिच्चाएका थिए । कतिपयले अनमोलसँग सेल्फी खिच्न नपाएकोमा खिन्नता पोखे । केही यूवती त चलचित्र ड्रिम्सको पोष्टरमा रहेका अनमोलसँग तस्बिर खिचाइरहेको पनि देखियो । चलचित्रको पर्दामा जब अनमोल केसी देखिन्थे, हलमा ठूलो स्वरमा दर्शक कराउथ्यँ । अनमोलको इन्ट्रीमा गोपिकृष्ण हलमा जुन आवाज सुनियो, त्यस्तो आवाज बलिउडका खान कलाकारको इन्ट्रीमा सुनिन्छ ।

अनमोलले पनि सुरक्षा घेराकाविच आफ्ना फ्यानलाई अभिवादन गरे र केहीसँग सेल्फी खिचाए । यसपछि, सुरक्षा घेराकाविच गोपिकृष्ण हलको बार्तलिमा पुगेर हाल हल्लाए । अनमोलको तस्बिर खिच्न र उनलाई हेर्ने यूवायूवतीको भीड खुबै थियो ।

अनमोलले आफूलाई माया गरेकोमा फ्यानलाई धन्यवाद दिदै झुकेर नमस्कार गरे । यसपछि, अनमोलले फ्यानलाई समेटेर आफ्नै मोबाइलबाट सेल्फी खिचे । करिब १० मिनेट गोपिमा बसेर काठमाण्डौको बालाजुस्थित अष्टनारायण हल पुगेका यी यूवा स्टार त्यहाँ पनि घेरिए । उनी पुगेपछि अष्टनारायण हलमा चलिरहेको शो रोकिएको थियो । चलचित्र हेरिरहेका दर्शकमाझ पुगेर अनमोलले अभिवादन गरे र माया दर्शाए ।

नेपालमा कुनै पनि कलाकारले यसरी बडिगार्ड लिएर हिडेको देखिदैन । तर, छोटो समयमा नै उदाएका यी यूवा स्टारलाई सुरक्षा दिन ४ बडिगार्ड र प्रहरी तैनाथ थिए । ४ बडिगार्डले चेन बनाएर उनलाई घेरेका थिए । अनमोल गोपिकृष्ण हल पुग्नु अगाडि नै उनलाई सुरक्षा दिनका लागि प्रहरीको भ्यान हल पुगिसकेको थियो । शनिबार मात्र गोपिकृष्णका ४ हल बिहानदेखि बेलुकासम्म हाउसफूल देखिएको थियो । देशभरकै हलमा यस्तो रेकर्ड देखिएको हल संचालकहरु बताउँछन् ।

तस्बिर : कमल प्रसाई

यो समग्री नेपाल१२३.com मा पुरै पढौं