“मलाई कुनै पदको चिन्ता छैन, देशप्रति चिन्तित छु”:प्रचण्ड

चितवन, फागुन २३– एकीकृत नेकपा माओवादीका अध्यक्ष एवंम् पूर्व प्रधानमन्त्री पुष्पकमल दाहाल ‘प्रचण्ड’ले आफू कुनै पदका लागि नभई देशप्रति चिन्तित भएको बताउनुभएको छ ।

क्रान्तिकारी पत्रकार संघले आज भरतपुर विमानस्थलमा गरेको पत्रकार सम्मेलनमा बोल्दै अध्यक्ष प्रचण्डले यस्तो बताउनुभएको हो । उहाँले भन्नुभयो–“मलाई अहिले कुनै पनि पदको लोभ छैन, म देश राम्रो भएको हेर्न चाहन्छु, देशको प्रगतिप्रति चिन्तित छु ।” अध्यक्ष प्रचण्डले नेपाली काँग्रेसको महाधिवेशनपछि राष्ट्रिय सरकार निर्माण हुने समेत दावी गर्नुभयो ।

अध्यक्ष प्रचण्ड आज चितवनमा पहिलो पटक आयोजना गरिएको पद्मोदय अन्तराष्ट्रिय पुरुष भलिबलको समुद्घाटन गर्न चितवन आउनु भएको हो ।

यो समग्री नेपाल१२३.com मा पुरै पढौं