२२ फागुन, काठमाडौं । महाधिवेशनको लगभग मध्यान्तरमा आइपुगेको नेपाली कांग्रेस यतिबेला पार्टीको मूल नेतृत्व छनोटका लागि चुनावी प्रचार-प्रसारमा पूर्णरुपमा हेलिएको छ । पैसा हुने धनीमानीहरुले तडक- भडकपूर्ण प्रचार गरिरहेका छन् भने गरीब उम्मेदवारको प्रचार गराइ सामान्य देखिएको छ ।
कुल ६४ स्थानका लागि ३१२ प्रतिद्वन्द्वीहरु मैदानमा रहेकाले कुनै पनि नेतालाई चुनाव जित्नु फलामको चिउरा चपाउनुजस्तै कठिन बनिरहेको छ ।
आफ्नो पक्षका नेताहरुका लागि मत माग्ने क्रममा कार्यकर्ताले विभिन्न नौला एवं परम्परागत विधिहरु प्रयोगमा ल्याएका छन् । देशको सबैभन्दा ठूलो र पुरानो लोकतान्त्रिक पार्टी नेपाली कांग्रेसको यो चुनावी रौनक एउटा उत्सवजस्तै देखिएको छ ।
गाउँदेखि निर्वाचन गर्दै यहाँसम्म आएर खुल्ला प्रतिस्पर्धाबाटै नेतृत्व छनोट गर्ने नेपाली कांग्रेसको यो परम्परा वामपन्थी नेताहरुले पनि रोचक मानेर नियालिरहेका छन् । एमाओवादी अध्यक्ष प्रचण्डले खुल्लामञ्चबाटै उदघोष गरिसकेका छन् कि उनले कांग्रेसको महाधिवेशनलाई चासो दिइरहेका छन् ।
आफ्नो पक्षका प्रतिनिधिहरुको पक्षमा मत माग्न कार्यकर्ताहरुले विभिन्नखाले कला अपनाएका छन् । कसैले आफ्नो नेताको तस्वीर ढाडमा बोकेर हिँडेका छन् भने कोही अनुहारमै तस्वीर टाँगेर हिँडेका छन् । सक्ने र पैसावालहरुले सडकको आकासे पुलमा वारवार हुने गरी लामो तुल टाँगेका छन् ।
सडकमा देउवा र रामचन्द्र पौडेल अनि कृष्ण सिटौलाका पक्षमा तुल ब्यानरहरु टाँगिएका छन् । पार्टीभित्रको आन्तरिक चुनावमा पनि उम्मेदवारले यसरी फजुल खर्च गरिरहेका छन् कि मानौं यो कुनै संसदीय निर्वाचन नै हो ।
अधिकांश उम्मेदवारले भिजिटिङ कार्ड बनाएर भोट मागिरहेका छन् । सडकभरि पर्चा र पम्प्लेट कुल्चिने गरी छरिएका छन् ।
कांग्रेस केन्द्रीय सदस्य प्रदीप पौडेलले त आफ्नो चुनावी प्रचारमा रोबर्टको समेत प्रयोग गरेका छन् ।
हेर्नुहोस् चुनावी प्रचारका केही दृश्य
यो समग्री नेपाल१२३.com मा पुरै पढौं
No comments:
Post a Comment