फाल्गुन २३, २०७२- नाका खुलेको एक महिनामा वीरगन्ज भन्सार कार्यालयले ४ अर्ब बढी राजस्व संकलन गरेको छ ।
भन्सार प्रमुख सेवन्तक पोखरेलका अनुसार माघ २२ देखि नाका सुचारु भएपछि फागुन २१ सम्मको १ महिना अवधिमा यो भन्सारले ४ अर्ब ६२ करोड ८ लाख रुपैयाँ राजस्व संकलन गरेको हो । यसमा भन्सार शुल्क २ अर्ब १ करोड ३३ लाख, मूल्य अभिवृद्धि कर १ अर्ब ९३ करोड ५० लाख र अन्त:शुल्क ६ करोड ७२ लाख रुपैयाँ छ ।
शुक्रबारसम्म यो भन्सारले ३ अर्ब ९९ करोड रुपैयाँ राजस्व संकलन गरेको छ । जुन मासिक राजस्व असुली लक्ष्यको करिब ४३ प्रतिशत मात्र हो । फागुनमा ९ अर्ब ३४ करोड रुपैयाँ राजस्व संकलन गर्ने लक्ष्य यो भन्सारको छ ।
मासिक लक्ष्य भेट्याउन अब यस महिनामा बाँकी रहेको ९ दिनमा ५ अर्ब ४५ करोड रुपैयाँ राजस्व संकलन गर्नुपर्ने दबाब यो भन्सार कार्यालयलाई छ । १ महिनायता संकलित राजस्वमा सर्वाधिक योगदान इन्धन, सवारी साधन र औद्योगिक कच्चा पदार्थको रहेको भन्सार प्रमुख पोखरेल बताउँछन् ।
नाकाबन्दीअघिको अनुपातमा यी तीनवटै वस्तु आयात नभएकाले साविककै झैं परिमाणमा यो भन्सारले राजस्व संकलन गर्न सकेको छैन ।
‘इन्धन पहिलेकै अनुपातमा आयात हुन सकेको छैन,’ भन्सार प्रमुख पोखरेल भन्छन्, ‘यो भन्सारको राजस्वमा सर्वाधिक योगदान दिने सवारी साधनको आयात पनि यो नाकाबाट उल्लेख्य मात्रामा हुन सकेको छैन, त्यसैकारण नाका खुले पनि अनुमान गरेजस्तो राजस्व संकलन हुन नसकेको हो ।’
यो नाकाबाट अर्को नाकातर्फ डाइभर्ट भएका सवारी साधन तथा अन्य वस्तु पुन: यही नाकाबाट नभित्रिएसम्म भन्सारको राजस्व असुलीले पुरानै लय समात्न गाह्रो हुने उनको भनाइ छ ।
यो समग्री नेपाल१२३.com मा पुरै पढौं
No comments:
Post a Comment