२० फागुन, काठमाडौं । नेपाली चलचित्र ‘भाग सानी भाग’को टोलीले अष्ट्रेलियामा गरेको च्यारिटी सोबाट उठेको रकम रक्त क्यान्सर पीडित ७ वर्षीया बालिका रेजिना पौडेललाई प्रदान गरेको छ ।
उनको उपचारमा सहयोग होस् भनेर १ लाख ६६ हजार २ सय १५ रुपैयाँको चेक बिहीबार रिपोर्टर्स क्लबमा पत्रकार सम्मेलन गरी प्रदान गरिएको हो ।
चलचित्रकी नायिका केकी अधिकारी र नायक सविन श्रेष्ठले पौडेलका अभिभावकलाई हस्तान्तरण गरे । भाग सानी भाग चलचित्र र नेनाज फाउण्डेसनको आयोजनामा नारायण पन्थी र विष्णु चापागाईको सक्रियतामा सो रकम संकलन गरिएको थियो ।
‘भाग सानी भाग’ चलचित्र आगामी चैत ५ गतेबाट देशब्यापी प्रदर्शनमा आउँदैछ ।
यो समग्री नेपाल१२३.com मा पुरै पढौं
No comments:
Post a Comment