कांग्रेस चुनावमा कोषाध्यक्षका तीनै उम्मेदवार मधेसबाट

२१ फागुन, काठमाडौं । नेपाली कांग्रेसको १३ औं महाधिवेशनमा कोषाध्यक्षका तीनै उम्मेदवार मधेसबाट भएका छन् ।

वरिष्ठ नेता शेरबहादुर देउवा समूहले चित्रलेखा यादवलाई उम्मेदवार बनाएको छ । उनी वर्तमान कोषाध्यक्षसमेत हुन् । पूर्वउपसभामुख समेत रहेकी यादव अघिल्लोपटक देउवा समूहबाटै कोषाध्यक्ष बनेकी थिइन् ।

रामचन्द्र पौडेल समूहले सीतादेवी यादवलाई उम्मेदवार बनाएको छ । उनी सिराहाबाट प्रत्यक्ष निर्वाचित सांसद हुन् । पौडेल समूहले सभापति र महामन्त्रीमा उम्मेदवार घोषणा गरे पनि कोषाध्यक्ष सार्वजनिक गरेको थिएन । मनोनयन दर्ताको अन्तिम समयमा मात्रै सीतादेवीको नाममा सहमति जुटेको हो ।

कृष्ण सिटौलाको समूहले कोषाध्यक्षमा उमाकान्त चौधरीलाई अघि सारेको छ । उनी नेवि संघ, तरुण दल हुँदै केन्द्रीय राजजीतिमा आएका हुन् । उनी बाराका पूर्वसांसद हुन् ।

यो समग्री नेपाल१२३.com मा पुरै पढौं