गगन महामन्त्रीमा उठ्दा एमालेकी रामकुमारी किन खुसी ?

काठमाडौं, २० फागुन । नेपाली कांग्रेसका युवा नेता गगन थापा १३ औं महाधिवेशनमा महामन्त्रीको उम्मेदवार बन्दा अन्य पार्टीका थुप्रै युवा नेताहरुले खुसी व्यक्त गरेका छन् ।

यसैक्रममा नेकपा एमालेकी नेतृ रामकुमारी झाक्रीले पनि गगन लगायत थुप्रै नेताहरु नेतृत्व लिन कसिएको भन्दै खुसी व्यक्त गरेकी छिन् ।

उनी खुसी हुनुको कारण हो राजनीतिमा युवाहरु आउनु ।

उनले भनेकी छिन्– ‘गगन थापा, लक्ष्मी खतिवडा, विश्व प्रकाश शर्मा, प्रदिप पौडेल, गुरूराज घिमिरे, बन्द्री पाण्डे, प्रतिमा गौतम, कल्याण गुरूड, उदय सम्शेर राणा नेपाली कांग्रेसको १३ औ राष्ट्रीय महाधिवेशनमा महामन्त्री र क्रमशः केन्द्रीय सदस्यका उम्मेद्वार बन्दै गरेको खबरले हामीहरू खुसी छौ ।’

फेसबुकमार्फत उनले अगाडि भनेकी छिन्- ‘सबै पार्टीमा युवाहरूको राजनीति हस्तक्षेप जरूरी छ । प्रतिनिधि साथिहरूको न्यानो माया र समर्थन पाउनुहुनेछ भन्ने आशा एवंम विश्वास छ । यहाँहरू सबैलाई सफलताको हार्दिक शुभकामना !’

नेता गगन थापाले कृष्ण सिटौला प्यानलबाट महामन्त्रीमा उम्मेदवारी घोषणा गरेका छन् । कांग्रेस महाधिवेशन आजबाट सुरु भएको छ ।

यो समग्री नेपाल१२३.com मा पुरै पढौं