बालुवाटारमा एमाले र एमाओवादीको आकस्मिक बैठक, महत्वपूर्ण निर्णय हुँदै

काठमाडौं, २३ वैशाख । सरकार परिवर्तनको निर्णयबाट पछि हटेको प्रमुख सत्तासाझेदार दल एकीकृत नेकपा माओवादी र सत्ताको नेतृत्वको गरिरहेको नेकपा एमालेबीच बैठक जारी छ ।

प्रधानमन्त्रीको सरकारी निवास बालुवाटारमा जारी बैठकमा दुबै दलबीच ११ बुँदे समझदारीसहित संयुक्त विज्ञप्ति जारी गर्ने तयारी भइरहेको एमाओवादीका एके नेताले बताए ।

उनले भने– ‘एमालेसँग सरकार सञ्चालन, शान्ति प्रक्रिया, पुनर्निर्माण र सत्ता हस्तान्तरणका विषयमा ११ बुँदे समझदारी हुँदैछ । सत्ता हस्तान्तरणबारे भद्र सहमति पनि हुँदैछ ।’

वर्तमान सरकार ढालेर आफ्नै नेतृत्वमा नयाँ सरकार बनाउने निर्णयबाट एमाओवादी पछि हटेपछि दुई दलबीच असमझारी क्लियर गर्दै आज विहानै संयुक्त विज्ञप्ति निकाल्ने सहमति भएको थियो ।

 

from Nepal123.com - बालुवाटारमा एमाले र एमाओवादीको आकस्मिक बैठक, महत्वपूर्ण निर्णय हुँदै