नाकावन्दीका कारण चितवनका यातायात व्यवसायीले ४ करोड गुमाए

राजेन्द्र अाचार्य

२१ फागुन, चितवन । गत असोजदेखि माघसम्म भारतले गरेको नाकाबन्दीका कारण करिव चार करोड घटा पुगेको चितवनका व्यवसायीहरुले बताएका छन् ।

चितवन माईक्रो वस यातायात व्यवसायी संघको १३ औ बाषिर्क साधारण सभामा बोल्दै जिल्लाका व्यवसायीहरुले इन्धन अभावले यो क्षेत्रले ४ करोड बढी नोक्सानी खेप्नु परेको जानकारी गराए ।

कार्यक्रममा बोल्ने अधिकांश व्यवसायीहरुले यातायात क्षेत्रको विकासका लागि सबै व्यवसायीहरु मिलेर एकीकृत कार्ययोजनासहित अघि बढ्नुपर्ने बताए ।

‘जिल्लामा ९ वटा संस्थाका गरि १५ सय बढी सवारी साधन छन्’- संघका अध्यक्ष कपिल पाण्डेले भने-‘५० प्रतिशत मात्रै गाडी चालाउन हामीले सक्यौ, तर पनि अझै चितवनमा इन्धन असहज नहुदां ४ करोड बढी नोक्सान भएको छ ।’

सभामा बाल्दै नेपाल यातायात व्यवसायी राष्ट्रिय महासंघका केन्दि्रय सल्लाहकार प्रभुप्रसाद गुप्ताले नाकावन्दी वीरगञ्जमा रहेको यातायात कार्यालय समेत लामो समय सम्म बन्द हुँदा सावारी नविकरण र बैंक व्याज समेत व्यवसायी तिर्न नसक्ने अवस्था रहेको भन्दै यस तर्फ सरकारले ध्यान दिन आग्रह गरे ।

यस्तै सभालाई सम्बोधन गर्दै नेपाल यातयात व्यवसायी संघका अध्यक्ष मित्रराज केसीले, सरकारले सिन्डीकेट प्रथा खारेज गरे पनि अझै हट्न नसकेको भन्दै स्वच्छ प्रतिस्पर्धा नभएसम्म यातायात क्षेत्र धरासायी हुने बताए ।

यो समग्री नेपाल१२३.com मा पुरै पढौं

नेपाल र बंगलादेशका सरकारी सञ्चारमाध्यमबीच सहकार्य हुने

२१ फागुन, काठमाडौं । नेपाल र बङ्गलादेशका सरकारी सञ्चारमाध्यमबीच समाचार आदान-प्रदान एवम् पारस्परिक सहकार्यको सैद्धान्तिक सहमति भएको छ ।

सूचना तथा सञ्चारमन्त्री शेरधन राई र उनका बङ्गलादेशी समकक्षी हसनुल हक इनुबीच शुक्रबार भएको भेटवार्तामा दुई मुलुकका सरकारी सञ्चारमाध्यमबीच सूचना आदान प्रदान गर्ने सहमति भएको हो ।

राष्ट्रिय समाचार समिति (रासस) र बङ्गलादेश सङ्घवाद संस्था (बासस), रेडियो नेपाल र बङ्गलादेश बेतार तथा नेपाल टेलिभिजन र बङ्गलादेश टेलिभिजन (बिटिभी) बीच सूचना र समाचारको आदान-प्रदान गर्ने सम्बन्धि समझदारीपत्रमा निकट भविष्यमा हस्ताक्षर गर्न दुबै मुलुकका सञ्चारमन्त्रीले सैद्धान्तिक सहमति जनाएका हुन ।

पहिलो चरणमा रासस र बाससबीच सम्झौता हुनेछ भने त्यसपछि क्रमस टिभी र रेडियोबीच सम्झौता हुने बताइएको छ । सम्झौताका लागि सम्बन्धित पक्षलाई निर्देशन दिने र सम्झौताको मस्यौदा राजदूतावासमार्फत टुंगो लगाइनेछ ।

सूचनाको हकको प्रभावकारी कार्यान्वयनका लागि दुबै देशका राष्ट्रिय सूचना आयोगबीचको सहकार्यबारे आफूलाई जानकारी भएको र द्विपक्षीय समझदारी गर्न नेपाल तयार रहेको पनि मन्त्री राईले बताए ।

नेपालका श्रमजीवी पत्रकारलाई व्यावसायिक उत्तरदायित्वबाट मर्यादित बनाउने उद्देश्यले आमसञ्चार प्रशिक्षण प्रतिष्ठान स्थापना हुन लागेको जानकारी दिँदै मन्त्री राईले बङ्गलादेशले त्यस क्षेत्रमा हासिल गरेका उपलब्धि नेपालका निम्ति उपयोगी हुने बताए ।

प्रधानमन्त्री केपी ओलीको हालै सम्पन्न भारतको राजकीय भ्रमण र त्यस क्रममा भएका सम्झौताले बङ्गलादेश र नेपालबीचको पारवहन मार्ग सञ्चालनलाई मूर्त रुप दिएकाले द्वि-देशीय व्यापार विस्तार र लगानीका ढोका खुलेको मन्त्री राईको भनाई थियो ।

उहाँले प्रेस इन्स्टिच्युट अफ बङ्गलादेशले पत्रकारितासम्बन्धी विविध तालिम सञ्चालन गर्दै आएको जानकारी दिँदै नेपालका श्रमजीवी पत्रकारहरुलाई तालिमका निम्ति स्वागत गर्न बङ्गलादेश तयार रहेको बताउनुभयो ।

यो समग्री नेपाल१२३.com मा पुरै पढौं

सुपारी हामीले नै समातेको होः मेची भन्सार प्रमुख

२१ फागुन, झापा । काँकडभिट्टाबाट भन्सार अधिकारीकै मिलोमतोमा सुपारी तस्करी भएको भन्ने खबरको मेची भन्सार कार्यालयले प्रतिवाद गरेको छ । कर्मचारीको मिलेमतोमा सुपारी तस्करी भएको नभई भन्सारका कर्मचारीले चाँहि तस्करीका सामान पक्राउन गर्न भूमिका खेलेको दाबी भन्सार कार्यालयले गरेको छ ।

भन्सारलाई प्राप्त गोप्य सूचनाका आधारमा आफ्नै परिसरबाटै सुपारी पक्राउ गरिएको मेची भन्सार कार्यालयका प्रमुख भीमप्रसाद अधिकारीले अनलाइनखबरलाई बताए ।

अधिकारीले भन्सारले नै सुपारी नियन्त्रणमा लिएर प्रहरी र सञ्चारमाध्यमको रोहबरमा खोलिएको बताए । अधिकारीले सुपारी तस्करी हुन लागेको भन्ने पहिलो सूचना आफैंलाई आएको बताउँदै यो घटनाको प्रतिवेदक नै भन्सार नै भएको बताए ।

घटनाबारे भन्सार प्रमुख अधिकारीले यसो भन्छन्-

सामान्यतया निकासी हुने वस्तुमा हामी कडा किसिमको जाँच हुँदैन । निकासीलाई प्रोत्साहन गर्ने र प्राथमिकता दिने सरकारी नीति अनुरुप नै हामी जाँचपास सहज गराउँछौं ।
तर, हामीले सुपारी तस्करीबारे सुक्ष्म निगरानी गरिरहेका छौं । समान्यतयाः मेची भन्सारमा सयौं गाडी निकासीका लागि आउने र जाने क्रमा चलिरहेकै हुन्छ ।  कुचो लोड भएको भनिएको गाडीमा सुपारी नै हुन्छ भन्ने अनुमान हाम्रो थिएन ।

तर, मलाई कार्यलय बाहिर रहँदा नै एकजना सर्वसाधरणले भन्सारको यार्डमा कुचो बाकेको भनिएको गाडीमा सुपारी रहेको भन्ने गोप्य सूचना दिए । त्यसलगत्तै मैल भन्सार अधिकृतहरुलाई फोनमार्फत सबै कुचो बाकेका गाडीको जाँच पास रोक्न निर्देशन दिएँ र एलर्ट गराएँ ।

त्यसपछि म कार्यालय आएँ । मेचीको इलाका प्रहरी कार्यालय, भन्सार भित्रै रहने सशस्त्र प्रहरी बलसहित मिडिया बोलाइयो ।

सबै पक्षको रोहबरमा नै संकास्पद गाडीलाई खोलिएको हो । सूचना अनुरुप नै गाडीमा अवैध रुपमा निकासी गर्न लागिएको सुपारी भेटियो । हामीले दिएको सूचनाकै आधारमा प्रहरी पनि भन्सार आएको हो ।

हामीले सुपारी तस्करीबारे गरेको सुक्ष्म निगरानीकै कारण हामीलाई यस्तो महत्वपूर्ण गोप्य सूचना पनि आएको हो । बाहिर प्रचार गरिएजस्तो भन्सारका उच्च अधिकारी संलग्न भएर तस्करी हुन लागेको भए किन हामी प्रहरी र मिडिया बोलाउँथ्यौं होला र ?

सुपारी पक्राउ परेलगत्तै मैले मिडियामा प्रतिक्रिया पनि दिएको थिएँ । तर, त्यो प्रतिक्रिया नै नराखी एकपक्षीय रुपमा समाचार आयो । यो घटनाको प्रतिवेदनको प्रतिवेदकमध्ये म पनि एक हुँ । हामीलाई सूचना दिने व्यक्ति, प्रहरीलगायत पनि प्रतिवेदक हुन् ।

पक्राउ परेका सहचालकको वयान लिने काम भन्सार कार्यालयमै चलिरहेको छ । फरार भनिएकाहरुलाई पक्राउ वारेन्ट जारी गर्छौं । उनीहरु सबैलाई भन्सार ऐन २०६४ अनुसार कारवाही हुन्छ । हामीले हाम्रो काम गर्ने हो, यो विषयमा मैले मेरो माथिल्लाे निकायमा पनि जानकारी गराइसकेको छु ।

यो समग्री नेपाल१२३.com मा पुरै पढौं

भूकम्पले क्षतिग्रस्त बिद्यालय ३ बर्षभित्र निर्माण गर्न शिक्षामन्त्रीको निर्देशन

२१ फागुन, काठमाडौं । शिक्षामन्त्री गिरिराजमणि पोखरेलले भूकम्पबाट ध्वास्त भएको विद्यालयको संरचना तीन वर्षभित्र निर्माण सम्पन्न गरिसक्न सम्बद्ध अधिकारीहरुलाई निर्देशन दिएका छन् ।

शुक्रबार पुनःनिर्माण प्राधिकरण र अर्थमन्त्रालयका अधिकारीहरुसँग भएको बैठकमा मन्त्री पोखरेलले भइसकेको कामलाई तीब्रता दिनसमेत आग्रह गरे ।

‘विद्यालय घर पछिको दोस्रो आश्रय स्थल हो । बालबालिकाहरु घरबाट निस्केपछि विद्यालयमै समय विताउँछन्,’ मन्त्री पोखरेलले भनेे, ‘त्यसैले यसको निर्माण तीन वर्षभित्रै सक्नेगरी पहल गर्न म तँपाई सम्बद्ध सबैलाई आग्रह गर्दछु ।’

भूकम्प प्रभावित भौतिक संरचनाहरुको पुनःनिर्माण प्राथमिकीकरणको क्रममा विद्यालयलाई तेस्रो स्थानमा राखिएको छ । सरकारले भत्किएका विद्यालयको पुनःनिर्माणको काम पाँच वर्षभित्र सक्ने लक्ष राखेको छ । तर मन्त्री पोखरेलले विद्यालय पुनःनिर्माणलाई दोस्रो प्राथमिकतामा राखिनुपर्ने बताएका थिए ।

अहिलेसम्म निर्माण आरम्भ नभएका विद्यालयहरुको निर्माण अब एकै पटक शुरु गर्नुपर्ने भन्दै उनले प्राधिकरण र अर्थका अधिकारीहरुलाई त्यसै अनुसार सहयोग गरिदिन आग्रह गरे । बैठकमा प्राधिकरणका सिईओ शुशिल ज्ञवालीले हालसम्म भएका कामको बारेमा जानकारी गराएका थिए ।

यो समग्री नेपाल१२३.com मा पुरै पढौं

काठमाडौं टावर सम्झौतामा २९ तले, नक्सामा भने १२ मात्रै !

२१ फागुन, काठमाडौं। सम्झौताभन्दा फरक तरिकाले नक्सा पास हुँदा राजधानीको पुरानो बसपार्क (रत्नपार्क) मा निर्माण गर्न लागिएको काठमाडौँ टावर निर्माण प्रक्रिया प्रभावित भएको छ ।

काठमाडौँ महानगरपालिका राजस्व महाशाखा प्रमुख महेश काफ्लेका अनुसार  टावर निर्माणको योजना भूकम्पअघि नै आएको र भूकम्पपश्चात् टावर निर्माणसम्बन्धी फरक निर्णय भएकाले हालसम्म पनि निर्माणको प्रक्रिया अघि बढ्न नसकेको हो ।

भवनको निर्माण गत वैशाखको अन्तिमबाट सुरु गर्ने भनिए पनि भूकम्प तथा त्यसपछिका परकम्प र भूकम्पपश्चात् भवन निर्माणको मापदण्डमा फेरबदल भएकाले काम सुरु हुन समस्या भएको प्रमुख काफ्लेले बताए ।

भूकम्पपूर्वको योजनाअनुसार टावर २९ तल्ला बनाउने रहेको थियो । भूकम्पपश्चात् भवन निर्माणको मापदण्ड फेरबदल भएकाले भवन पूर्णरूपमा भूकम्प प्रतिरोधात्मक बनाइने र १२ तल्लाको बनाउनका लागि नक्सा पास भएको छ ।

सो सुविधासम्पन्न भवनको विस्तृत अध्ययन प्रतिवेदन (डिपिआर) तथा वातावरणीय प्रभाव मूल्याङ्कनसमेत तयार भइसकेको छ । महानगरपालिकाले टावर निर्माणका लागि जलेश्वर, स्वछन्द र विकोइसँग सम्झौता गरिसकेको छ । सम्झौताअनुसार ती कम्पनीले आफ्नो लगानीमा भवन बनाएर ३० वर्षसम्म चलाउने छन् ।

काम सुरु भएको पाँच वर्षभित्र सो टावर बनाइसक्नुपर्ने छ भने त्यसपछिका २५ वर्ष सञ्चालन अवधि रहनेछ भने नेपालमा हालसम्म बनेका भवनभन्दा पृथक र अत्याधुनिक हुने बताइएको छ ।

सो टावरको लागत तीन अर्ब ५० करोड रूपैयाँ पुग्ने अनुमान गरिएको महानगरपालिकाले जानकारी दिएको छ । भवनको सबैभन्दा तल्लो तलामा बसको पार्किङ रहनेछ ।

त्यस्तै, त्यसको माथि दुई तलामा हलुका गाडीको पार्किङ, व्यवस्थित सिनेमा हल, पौडी पोखरी, रेस्टुराँ, बैंक तथा महानगरपालिकाको वडा कार्यालयसमेत रहनेछ । भवनका लागि २३ रोपनी पाँच आना जग्गा छुट्याइएको छ । सो भवन नेपाली कला, संस्कृति झल्किने खालको हुनेछ ।

निर्माणको समयमा पुरानो बसपार्कको सवारीसाधन व्यवस्थापनको उपयुक्त विकल्प निश्चित नहुँदा पनि समस्या भएको महानगरले बताएको छ ।

पुरानो बसपार्कको विकल्पका रूपमा तीनकुने, नयाँबसपार्क र रत्नपार्कलाई राखिएको छ । सोही तीन स्थानमध्ये कुनै एक स्थानलाई निर्माणको समयभरि पार्क गर्ने स्थान बनाइने बताइएको छ । रासस

यो समग्री नेपाल१२३.com मा पुरै पढौं

शेखर कोइराला भन्छन्- पहिलो चरणमै नतिजा आउँछ

२१ फागुन, काठमाडौं । रामचन्द्र पौडेलको प्यानललाई सघाइरहेका कांग्रेस नेता डा. शेखर कोइरालाले नेपाली कांग्रेसको सभापति पदको चुनावी नतिजा पहिलोचरणमै आउने दाबी गरेका छन् । तर, यो चुनावमा कसले जित्ला ? कोइरालासँग गरेको छोटो कुराकानी यस्तो छः

संस्थापनबाटै दुईवटा प्यानल देखिएका छन् । पहिलो चरणमै परिणाम आउने सम्भावना छ ?

संस्थापन र शेरबहादुर ग्रुप चिन्दिँन । यहाँ दुई बलिया उम्मेदवार छन् रामचन्द्र पौडेल र शेरबहादुर देउवा । सिटौलाजीको कतै कहीँ म देख्दिनँ ।

नजिते पनि पहिलो चरणमा परिणाम आउन त गाह्रो होला ?

पहिलो चरणमै नतिजा निस्कन्छ । जो जित्छ, पहिलो चरणमै जित्छ । म कुनै पक्षको कुरा गरिरहेको छैन । म कसैको पक्षमा पनि होइन, विपक्षमा पनि होइन । तर, मैले कार्यकर्ताको भावना बुझेर भन्दैछु ।

रामचन्द्र पौडेललाई सुजाताको समर्थनले के फरक पर्छ ?

मैले तपाईलाई पटक-पटक भनेको थिएँ कि हामी कोइरालाहरु फुट्दैनौं, एक ठाउँमा उभिन्छौं । त्यो आज सही सावित भयो ।

यसको अर्थ, कोइराला परिवारले शशांकलाई नेताका रुपमा अघि सार्‍यो भन्न मिल्छ ?

हाम्रो वीचमा प्रतिस्पर्धा छ । शशांक, मेरो र सुजाताका बीचमा ।

तर, शशांक त महामन्त्रीको उम्मेदवार भइसक्नु भो नि ?

अहिले भनेको होइन मैले । राजनीतिमा प्रतिस्पर्धा गर्नुपर्‍यो नि त ।

योपटक कांग्रेस महाधिवेशनमा धेरै युवाहरु आएका छन् भनिएको छ । महामन्त्रीमा शशांकसँगै गगन र अर्जुननरसिंह केसी हुनुहुन्छ । यसले कस्तो असर गर्ला ?

कांग्रेस ट्रेडिसनल पार्टी हो । मान्छे धेरै चाँडै माथि जान खोज्यो भने तल पनि सरर र्झछ । कांग्रेसका धेरै मानिसले बुझेका छन् । र, महाधिवेशन प्रतिनिधिहरुले झन बुझेका छन् । तलबाट लड्दै आएका मानिसहरुले सबै कुरा बुझेका छन्, हतार गरेर माथि चढ्न हुँदैन । गगनजीले के सोचेर महामन्त्रीमा उम्मेदवारी दिनुभो, त्यो पनि सिटौलाजीको प्यानलमा ? मैले बुझेको छैन ।

मैले त सम्झाएको थिएँ कि तिम्रो अहिले उमेर के भएको छ र भनेर । त्यतिमात्र होइन, बरु हामीसित मिलेर लड, राजनीति सबै कुरा होइन, पारिवारिक कुरा पनि हुन्छ, भनेको थिएँ ।

तपाईले यो महाधिवेशनमा मधेस निर्णायक फ्याक्टर हो भन्नुभएको थियो । तीन समूहले कोषाध्यक्षमा मधेसबाटै उम्मेदवार बनाएको छन् । यसमा के भन्नुहुन्छ ?

सीता यादवजीको जीत सुनिनिश्चित भइसक्यो ।

कसरी डाक्टरसा’ब ?

भोट कांग्रेसका कार्यकर्ताले दिने हो । चित्रलेखाजीको मन्त्रीको कार्यकाल कस्तो रहृयो, मान्छेले हेर्छन् नि त ।

यो समग्री नेपाल१२३.com मा पुरै पढौं

सुगौली सन्धि जलाउन खोज्दा एक दर्जन पक्राउ

२१ फागुन, काठमाडौं । लैनचौरस्थिति भारतीय दूतावास अगाडि नेपाल र बेलायतबीचको सुगौली सन्धि जलाउने प्रयास गर्दा एक दर्जन युवाहरुलाई प्रहरीले पक्राउ गरेको छ । ग्रेटर नेपाल राष्ट्रवादी मोर्चाका ती युवाहरुलाई महाराजगञ्जस्थित प्रहरी वृत्तमा राखिएको छ ।

सुगौली सन्धि भएको दुई सय वर्ष पुगेकै दिन मोर्चाले लैनचौरस्थित भारतीय दूतावास अगाडि सन्धिको प्रतिलिपी जलाउने कार्यक्रम राखेको थियो । ग्रेटर नेपालको ब्यानरसहित दूतावासतर्फ जाने क्रममा प्रहरीले उनीहरुलाई भारतीय बाटैमा रोकेको थियो । मोर्चाका युवाले त्यहिँ नै सन्धि जलाउन खोजेपछि प्रहरीले सबैलाई पक्राउ गरी भ्यानमा हाल्यो । प्रहरीको हस्तक्षेपपछि प्रदर्शनकारीले नारावाजी गरेका थिए ।

सन् १८१६, मार्च ४ मा नेपाल र बेलायतबीच भएको सुगौली सन्धिपछि नेपालले पूर्वमा टिष्टापारी र पश्चिममा सतलजपारीको भूमि नेपालले गुमाएको थियो । नेपालले गुमाएको भुमि फिर्ता हुनुपर्ने मागका साथ ग्रेटर नेपाल राष्ट्रवादी मोर्चाले आन्दोलन गर्दै आएको मोर्चाका अध्यक्ष फणिन्द्र नेपालले बताए । उनले शान्तिपूर्ण प्रदर्शनमा प्रहरीले हस्तक्षेप गरेको भन्दै निन्दा गरेका छन् ।

यो समग्री नेपाल१२३.com मा पुरै पढौं