एसएलसी दिएकै दिन तुलसाको मृत्यु, दोस्रो परीक्षा दिनै पाइनन्

खोटाङ, १९ चैत । खोटाङमा प्रवेशिका परीक्षा एसएलसी दिएकै दिन एक छात्राको मृत्यु भएको छ ।

सामान्य बिरामी भएरपनि अंग्रेजी विषयको परीक्षा दिएर फर्किएकी छात्रा तुलसा माझी मृत अवस्थामा फेला परेको प्रहरीले जनाएको छ ।

महेन्द्रोदय उच्च मावि परीक्षा केन्द्रबाट एसएलसी दिँदैगरेकी शान्ति उच्च मावि छोरम्बुकी छात्रा तुलसाको बिहीबार राति डेरामै मृत्यु भएको खोटाङका डीएसपी विद्यानन्द माझीले जानकारी दिनुभयो ।

हल्का ज्वरो आएपछि औषधि सेवन गर्दै छात्रा माझी एसएलसीको पहिलो दिनको परीक्षामा सामेल भएकी थिइन् । तर, दोस्रो परीक्षा दिन नपाएरै उनी संसारबाट विदा भइन् ।

राति एक्कासी पेट दुखेपछि स्थानीय स्वास्थ्य संस्थाबाट स्वास्थ्यकर्मी बोलाएर स्वास्थ्य जाँच गरेको केही समयपछि उनको मृत्यु भएको बताइएको छ ।

तर, उनको मृत्युको कारण अहिलेसम्म खुल्न सकेको छैन् । कुन रोग लागेको भन्ने बारेमा शवको मेडिकल परीक्षण भइरहेको छ ।

यो समग्री नेपाल१२३.com मा पुरै पढौं